Ghiléngheri Ghília 2
2
CAPITOLO II.
1Me hom i rosa Saaronasdi, o sorlet chossengheri.
2Ssir i ssorlet mashder i karo, jakke hi mri gakki mashder e rakklja.
3Ssir o pabui mashker jek weshereskero rukkia, jakke hi mro gakko mashder o chavi: me kamjum te atshav pallal lesde tamlopen, te me beshdjom tellesde: ninna lesde rukhenghere has gúlò an mri pralduno muj.
4Job me anjas an o màlenghero kèr, te lesde bladamaskeri apri mande hi: Kamappen.
5Gherden manghe sorèllo pashall i tushni; kerden manghe jek tshibben pabujesderi: ghé, miro dsi dukkalah ssar o kamapen.
6Ke lesdo sservo wast tshivelas tel miro shèro, te tshatsho pesde hal trujal mander.
7Me mangava tudder, oh rakkli awri Jerusalem, pal i poshkom, te i sarwo an i akra, ke tumme na dshangervenes miri pirani, te ninna leha pagherdenes dela sowapen, tshin la kamela.
8Shung miro gakeskero godli: te dikk, job avela ganna stewandó pral i domba, job stewa pré i dikni montaja.
9Mro gakko hi ssir jeko pessiòlo, vaj o jekk ssarvo: dikk, aki job hi tshivela pal maro par, job dikkjola mashkerall i wochni, job manghel dikkava pesde masker i ssastengheri wutri.
10Miro gakko me rakkervas mander, te man pendas: Dshanga tumme, miri gakki, ladshi miri, dsha tui krik.
11Poshke, na, i wenta geijas akui, o tsiro kònnendir brshindo gherdias waver, te gejom krik.
12I tshorell pen dikkena man an o puw, ò tsiro te gabbaf wejas, te shunnèla man i godli dran i nijaleskero tshiriklo ano maro trem.
13O fighe dijas wri lesde dikni fighie, te i tarni molijakro rukki dèna sung: dshanga, miri gakki, mri ladshi rakkli, te dsha tu krik.
14Oh miri pillsteri, ke tshiveha andri o chebb pallal i pesso bar; andri o gashtengheri tshorohanes, kerreha man dikhaf tiro muj, kereha mander shunnaf tiro godli: ghé tiri godli hi gùlo, te tiro muj hi ladshó.
15Tapperden mander u lischka, i dikni lischka ke tshukkóvena i molijakro ruk, mari sennéli mulliakro trab.
16Mri gakko job hi mander, te me hom lesde, lesde, ki tsharela i gakki andri o ssorlet.
17Dsha pal, miro gakko, har o pashkom, vai o ssárvo, apri i domba catter Beter, tshin ano deisirlakro momelin, te ke i tamloppen nashadlahas krik.
Sélection en cours:
Ghiléngheri Ghília 2: SINT1875
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
First published in 1875.