BINZEN 5
5
Adam Tsipwen
1Hile Adam tsipwen dan rüla thu kenjü lesü gü. (Sunggigü le temi nyhun keshüka, a-le a-npfü a-hontse kethyü au nyhun shü. 2A-le peche lo tenu nyhun shü, tson-o jochü pe au tsüshü lo au zan thope “Temi” tseshü.) 3Adam le a-keyhun che 130 ka, a-hontse kethyü peche nme nnyu lo-o, a-zan pe Seth tholo. 4Tsüsiki Adam le che 800 yhun. A-le a-nyenyu kecha ko bin, 5a-le 930 ka sila.
6Seth le a-keyhun 105 ka a-nyugü Enosh nnyulo; 7lo tsüsiki a-le che 807 yhun. A-le a-nyenyu kecha kobin; 8lo a-le 912 ka sila.
9Enosh le a-keyhun che 90 ka a-nyugü Kenan nnyulo, 10tsü siki a-le che 815 yhun. A-le a-nyenyu kecha kobin, 11lo a-le che 905 ka sila.
12Kenan le a-keyhun che 70 ka a-nyugü Mehalalel nnyulo. 13Tsüsiki a-le che 840 yhun. A-le a-nyenyu kecha kobin 14lo a-le che 910 ka sila. 15Mahalahel le a-keyhun che 65 ka a-nyugü Jared nnyulo, 16tsüsiki a-le che 830 yhun. A-le a-nyenyu kecha kobin, 17lo a-le che 895 ka sila.
18Jared le a-keyhun che 162 ka a-nyugü Enok nnyulo, 19tsü siki a-le che 800 yhun. A-le a-nyenyu kecha kobin, 20a-le che 962 ka sila.
21Enok le a-keyhun che 65 ka a-nyugü Methuselah nnyulo 22tsüsiki Enok le Sunggigü zen kepfüsheo che 300 yhun-o a-nyenyu kecha ko bin 23Enok keyhun aphu le 365. 24A-le a-keyhunthen Sunggigü zenkepfüshe hüo hyumvula, Sunggigü le a-zen tin kela genyu.
25Methuselah le a-keyhun che 187 ka a-nyu gü Lamech nnyulo, 26tsüsiki a-le che 782 yhun. A-le a-nyenyu kecha kobin, 27a-le che 969 ka sila.
28Lamech le che 182 ka anyu peche nme nnyulo, 29tson-o a-le zo, “Npugü le swetsü kela bin lika hika, ngun le thathyü hokeli kebin nyu nyu higü hile keche senryü ti; ” tsügenyu a-zan pe Noah tholo. 30Lamech le tsüsiki che 595 yhun. A-le a-nyenyu kecha kobin. 31A-le che 777 ka sila.
32Noah le a-keyhun che 500 siki a-nyu peche mishen le bin, Shem, Ham, lo Jafet.
Sélection en cours:
BINZEN 5: REGSBSI
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.