Лука 17

Гуна акъкъында

1 # Мт 18.6-7, 21-22; Мк 9.42 ‌#Лк 22.22Иса Озь шегиртлерине бойле деди:

– Адамны гунагъа тюшюрген шейлер чокъ, олар эр вакъыт олур. Лякин бунъа себепчи олгъаннынъ алына беля! 2#Мк 9.42Бу кучюклерден бирисини ёлдан ургъанындан коре, онынъ бойнуна дегирмен ташыны асып, денъизге атылгъаны о ичюн яхшыджа олур эди. 3#Лев 19.17; Мт 18.15Озьлеринъизге сакът олунъыз! Эгер къардашынъ гунагъа огъраса, оны тенбиеле. Эгер тёвбе этсе, оны багъышла. 4#Мт 6.14Эгер санъа къаршы бир кунь ичинде еди кере гуна япса да, санъа еди кере къайтып келип: «Тёвбе эттим», – десе, оны багъышла.

Иман акъкъында

5 # Мк 9.24 Эльчилер Раббиге:

– Иманымызны къуветлештир, – дедилер. 6#Мт 17.20; Лк 13.19Рабби джевап берип:

– Эгер иманынъыз бир хардал урлугъы къадар олса, бу дут терегине: «Тамырынънен къопарылып чыкъ ве денъизге кочип тамыр ат», – десенъиз, терек сизге бойсуныр.

Къулгъа буюрылгъан ишлер

7Биринъизнинъ чобанлыкъ япкъан я да ер сюрген хызметчинъиз тарладан къайткъанда, аранъызда къайсы онъа: «Тез келип, софрагъа отур», – дер? 8Аксине: «Ашымны азырла, ишке бель багълап, аш ашагъанымдже манъа хызмет эт, ондан сонъ озюнъ ашап-ичерсинъ», – демезми? 9Эфенди буюргъан ишлерни беджерген къулгъа тешеккюр этерми? 10Сиз де бунъа ошап, буюрулгъан эр бир ишни беджергенден сонъ: «Биз макътавгъа ляйыкъ олмагъан къуллармыз, япаджагъымызны яптыкъ», – денъиз, – деди.

Иса лепрагъа огърагъан он адамны тедавийлей

11Иса Самарие ве Галилеянынъ сынъырлары бою кечип, Ерусалимге ёл алды. 12#Лев 13.3, 46; Лк 5.11Бир койге киреяткъанда, лепра хасталыгъына огърагъан он адамны расткетирди. Олар узакъта токътап, 13кучьлю сеснен къычырдылар:

– Эй, саибимиз Иса, бизге мерамет эт! – дедилер. 14#Лев 14.1-32; Мт 8.4; Мк 1.44; Лк 5.14Оларны корьген Иса:

– Барып, озьлеринъизни руханийлерге косьтеринъиз, – деди. Олар даа ёлда олгъанда, лепрадан темиз олдылар. 15Олардан бириси, озюнинъ тедавийленгенини корип, кучьлю сеснен Алланы шерефлеп артына къайтты. 16#4 Пад 17.34; Лк 5.12; Юх 4.9Исанынъ аякъларына йыкъылып, Онъа тешеккюр бильдирди. Бу адам самариели эди. 17Иса:

– Темиз олгъанлар он адам эди де? Къалгъан докъузы къайда? 18Алланы шерефлемек ичюн бу ябанджы адамдан башкъа ич кимсе къайтып кельмедими? – деди. 19#Мк 10.52; Лк 7.50; Эф 2.8Сонъ о адамгъа:

– Еринъден тур да кет, сени иманынъ къуртарды, – деди.

Алланынъ Падишалыгъы акъкъында

20 # Мт 24.23-28, 37-41 ‌#Лк 19.11; Фаал 1.6Фериселер Исагъа:

– Алланынъ Падишалыгъы не вакъыт келеджек? – деген суальни бердилер. Иса оларгъа джевап берип:

– Алланынъ Падишалыгъы козьге корюнип кельмейджек. 21«Бакъ, о бу ерде» я да «Ана о ерде», – деп оламазлар. Бакъынъыз, Алланынъ Падишалыгъы сизинъ аранъыздадыр, – деди.

22 # Лк 5.35; Юх 8.56 Сонъ Иса шегиртлерине айланып:

– Ойле куньлер келеджек ки, Инсан Огълунынъ бир кунюни корьмеге авес этерсиз, амма корип оламазсыз, – деди. 23#Мк 13.21; Лк 21.28– Сизге: «Мына, О бу ерде» я да «Мына шу ерде», – деселер, барманъыз, оларнынъ артындан чапманъыз. 24Йылдырым кокни бир уджундан о бир уджуна къадар ярыкълаткъан киби, Инсан Огълу да Озь кунюнде ойле пейда оладжакъ. 25#Лк 9.22Лякин ондан эвель О чокъ азап чекип, бу несиль тарафындан ред этильмек керек.

26 # Баш 6.5 Нух куньлеринде насыл олгъан олса, Инсан Огълу келеджек куньлеринде де ойле оладжакъ. 27#Баш 6.14; 7.21Нух сандыкъкъа кирмегендже, адамлар ашап-иче, эвлене, акъайгъа чыкъа эдилер. Сонъ сув ташкъыны келип, эписини гъайып этти. 28Лутнынъ куньлеринде де ойле олды: адамлар ашап-иче, алыш-вериш япа, сача ве къуруджылыкънен мешгъуль ола эдилер. 29#Баш 19.16, 24; 2 Пётр 2.6-8Лякин Лут Содом шеэринден чыкъкъан куню коктен атеш ве кукюрт ягъып, эписини гъайып этти. 30Инсан Огълу Озюни косьтереджек кунюнде де тамам ойле оладжакъ. 31#Мк 13.15О куню дам устюнде олгъан адам эвинде къалдырылгъан шейлерни алмакъ ичюн ашагъа тюшмесин. Тарлада олгъан адам къайтып кельмесин. 32#Баш 19.26Лутнынъ апайыны акъылынъызда тутунъыз. 33#Мт 10.39Ким озь джаныны къуртармагъа истесе, оны джояр. Ким озь джаныны гъайып этсе, оны къуртарыр. 34Сизлерге айтам: шу геджеси бир тёшекте олгъан эки адамдан Алла бирисини аладжакъ, бирисини къалдыраджакъ. 35-36Ун чеккен эки къадындан бириси алынаджакъ, экинджиси къалдырыладжакъ.

37Шегиртлер Исадан:

– Рабби, бу вакъиалар къайда оладжакъ? – деп сорадылар.

– Олю беден къайда олса, леш къарталлары да анда топлашаджакълар, – деди Иса.

Sélection en cours:

Лука 17: CTB

Surbrillance

Copier