Mark 3

Iesu, Oroto urana irairaḡena ivi lawani

(Mat 12:9-14; Luk 6:6-11)

1Mara ḡelauna au Sabate, Iesu i nae me pari au numana ma oroto urana irairaḡena i inanai kampa i kiakiala. 2Ma Farisi ḡelaui i ḡoei da aiwaiei Iesu itavi wavui. Lamna au baina i inana taḡotaḡoi da oroto itavi lawani bo eḡa au Sabate. 3Ma Iesu, orotona i riwei, “Ma nei, au naoi ma mairi!” 4Ma Iesu, ravai ivi taravirevirei i pa, “Sabate au marana, metauna i ai: Aiaina tana kauei bo apoapoena? Tanavi lawana bo tanavi raḡena? Tarawatu aiwai i riwei?” Ma anatapui i genuana. 5Iesu ana amloḡaiḡaina i inana viravira ma i inanai da taui orai i bado ma nuanuana i bola-kauei. Ma Iesu, orotona i riwei i pa, “Uram mavi loloi!” Ma ivi loloi ma i lawana. 6Ma Farisi maratagogi i opu ma i nae Herod ana rava awarii#3:6 Herod ana rava anona lamna mai Jew ai boru, taui aiavoi Rome gabemanina ivovo agui. Taui ai bada wavalatona Herod Anti pas. Mai Jew maḡamaḡaui ma mai Farisi maiteni, i notai da Herod ana rava taui tauvibenabenam ai rava au oiena awarii. ma ai oga i tarai da Iesu mena itavi raḡenanei.

Iesu, Patara awari i babani

7-8Iesu ana tauvotaḡotaḡo maiteni, taui i netawanei ma i nae au gera da itavi lauvitau ma mai Galili patara ḡaeḡaena, taui ivo taḡotaḡoi. Rava maḡamaḡaui, Iesu aiwai i kaukaueia nolana i nonori ma mai Judia, Jerusalem, Idumia#3:7-8 Eng. Idumea ma melagai ḡelaui waira Jordan au babagelauna, Taia ma Sidon,#3:7-8 Eng. Tyre & Sidon. Rava eḡa mai Jew live there. taui anatapui i nei Iesu awarina. 9-10Iesu, rava maḡamaḡaui ivi lawani. Ma lamna au baina doridoriai maḡamaḡaui ivivi amdudu ma i ḡoei da tauna itavo dadani. Lamna au baina ana tauvotaḡotaḡo i riwei da waga ivo kaukauei. 11Maranai, arua-apoapoei rava au orai maemaei, Iesu i inanai ma au naona i peu ma i garara, “Tam God Natuna!”

12Wate Iesu taui ivi ḡaei da avena itavi eḡa da tauna aiai.

Iesu ana Apasol 12 i vinei

(Mat 10:1-4; Luk 6:12-16)

13Anina ma Iesu i ḡae au ola ma ana ḡoana nanare, rava i kwatuei da awarina i ḡei. 14Tauna, nelara 12 i vinei da maiteni ita mae ma muriai ita paritawanei da ita rau-gugula. Ma taui i ḡorei Apasol. 15Ma ivo vai-virewapani da arua-apoapoei rava au orai inavi opuni.

16Taui i vinevinei 12 ai wava wenanare,

Simon i ḡoreḡoreia Peter#3:16 Anona Ḡaima.

17ma Sebidi#3:17 Eng. Zebedee natuna James ma ana tevera John i ḡorei Boanerges, anona wai parara natunatuna,

18Andrew,

Philip,

Batolomeu,#3:18 Eng. Bartholomew

Matthew,

Thomas,

James, Apius#3:18 Eng. Alphaeus natuna,

Tadeus,#3:18 Eng. Thaddaeus. Wavana ḡelauna Judas Luk 6:16

Simon, tauna Zealot,#3:18 Anona lamna taui mai Jew ma taui Romans evivi ḡaviei.

19ma Judas Iskariotei #3:19 Rava notanotai da Iskariot, lamna Judas ana melagai. tauna Iesu tau-vibenabenameina.

Rava i riwa da arua-apoapoei Iesu evivi badei.

(Mat 12:22-32; Luk 11:14-23; 12:10)

20Ma Iesu ana tauvotaḡotaḡo maiteni i rui au numa. Ma patara i rieiai da taui eḡa tagotagogina da ita am. 21Ma Iesu ana numa ravai nolana i nonori ma i riwa i pa, “Tauna i bua.” Lamna au baina i nei da ina taravaini.

22 Tarawatu Babadai ḡelaui Jerusalemei i nei ma i riwa i pa, “Arua-apoapoei, ai bada Bielsibab,#3:22 Eng. Beelzebub. Anona lamna, nabugara ai bada. Iesu au orana i rui. Ma lamnei arua-apoapoei evivi opuni.”

23Lamna au baina Iesu, Tarawatu Babadai i ḡorei ma awanainei i pa, “Satan amapo Satan eḡa inavi opuni. 24Mepa da dobu ravai inavi ḡavia vivira, lamna dobuna ita mae ava. 25Ma nanare dam inavi ḡavia vivira, nai damna ita mae ava. 26Ma Satan itavo mairi ma itavi ḡaviana melei, amapo ita mae ava. 27Taudanene amapo eḡa rava virewapanana ana au numa ina danene, eḡa da au naona ravana ḡuravei ina raḡini ma muriai ina danene. 28Riwa kaua a ririwemi da God ami apoapoei ma ami vijiboḡa anatapui ina nota-tawanei. 29Wate aiai ravana Arua Vivivireina evivi jiboḡi God, nai ravana ana ḡoa-apoapoei eḡa melanai ina nota-tawanei ma ana ḡoa-apoapoe ina mae nonoa.” 30Iesu wenanare i babani, anona rava ḡelaui e ririwa, “Iesu au orana arua-apoapoei e mamae.”#3:30 Tarawatu tau girumi i parivai-jijigei au baina taui e ririwa da Arua Vivivireina ana nola lamna baravu da parauma. God eḡa melanai ai ḡoa-apoapoei ina notatawanei.

Iesu ana dam oina

(Mat 12:46-50; Luk 8:19-21)

31Iesu alona ma varevareina i nei ma au doa i maimairi ma riwa i paritawanei Iesu awarina da ita nei. 32Ma patara, tauna i kiala kwaviviroi ma taui Iesu i riwei i pa, “Alom ma novunovum ma varevareim au doa ma e ḡoeḡoem.”

33Iesu i paribelei i pa, “Aiai alou ma aiavoi varevareiu?” 34Anina ma Iesu, taui i kiakiala i inanai ma i riwa i pa, “Ona inana wei taui alou ma varevareiu! 35Aiai God ana ḡoana e kaukauei, tauna alou ma novu ma vareiu.”

Sélection en cours:

Mark 3: WEDW

Surbrillance

Copier