လု ၵႂၢမ်းၼမ်း
ၵႂၢမ်းၼမ်း
ၶၢဝ်ႇတြႃးသိူဝ်းပျေႃႇလုၵႃႇ၊လၢတ်ႈလွင်ႈတြႃးၸဝ်ႈယေႇသု၊ၼႆႉၵေႃႉတႅမ်ႈမၼ်းၸိုဝ်ႈလုၵႃႇ၊ဢေႃႈ။ မၼ်းဢမ်ႇလႆႈပဵၼ်တမၢၼ်ႇၸဝ်ႈၼႂ်းသိပ်းသွင်ပႃးၼၼ်ႉလႄႈမၼ်းပဵၼ်ၵူၼ်းမဵဝ်းၵရိၵ်ႉ၊ယူႇၵႃႈၼႂ်းဝဵင်းဢၼ်ႇတိဢူၵ်ႉ၊မိူင်းသီးရီးယႃး၊ဢေႃႈ။ မၼ်းပဵၼ်မေႃယႃၵေႃႉၼိုင်ႈလႄႈပဵၼ်ၵေႃႉဢၼ်တႅမ်ႈပိုၼ်းၼႃႈၵၢၼ်တမၢၼ်ႇၸဝ်ႈ၊ဢိၵ်ႇတင်းၶၢဝ်ႇတြႃးသိူဝ်းပျေႃႇလုၵႃႇ၊ၼႆႉတင်းသွင်လႅမ်ႈဢေႃႈ။ သြႃႇလုၵႃႇ၊တႄႇၸႃႉတႅမ်ႈၶၢဝ်ႇတြႃးသိူဝ်းပျေႃႇလုၵႃႇ၊ၼႆႉမိူဝ်ႈပီၸဝ်ႈၶရိၸ်ႈ၊60 (A.D. 60) ၼၼ်ႉသေယဝ်ႉ၊တႅမ်ႈယဝ်ႉမိူဝ်ႈပီၸဝ်ႈၶရိၸ်ႈ၊70 (A.D. 70) ၼၼ်ႉဢေႃႈ။ ၶၢဝ်ႇတြႃးသိူဝ်းပျေႃႇလုၵႃႇ၊ၼႆႉလၢတ်ႈၼႄလွင်ႈၸဝ်ႈယေႇသု၊ပဵၼ်ၸဝ်ႈၵႄႇၶျွတ်ႈဢၼ်ဝႆႉၵတိတီႈၵူၼ်းမဵဝ်းဢိသရေး၊ၶဝ်၊ဢိၵ်ႇတင်းပဵၼ်ၸဝ်ႈဢၼ်ၵႄႇၶျွတ်ႈဢဝ်ၵူၼ်းလေႃးၵီႇတင်းသဵင်ႈတင်းလူင်ၼၼ်ႉဢေႃႈ။ သြႃႇလုၵႃႇ၊တႅမ်ႈဝႆႉလွင်ႈၸဝ်ႈယေႇသု၊လႆႈၶၢမ်ႇဢဝ်တၢင်းဢၼ်ဝိၺိၺ်ႇၸဝ်ႈၽြႃးပွႆႇၸႂ်ႉၵႂႃႇႁႂ်ႈႁေႃးလၢတ်ႈၶၢဝ်ႇတြႃးသိူဝ်းပျေႃႇၵႃႈတီႈၵူၼ်းယၢၵ်ႈၵူၼ်းၽၢၼ်တင်းလၢႆလႄႈၶၢဝ်ႇတြႃးသိူဝ်းပျေႃႇၼႆႉပဵၼ်ပုၼ်ႈၵူၼ်းမဵဝ်းတင်းလၢႆၼႂ်းလွင်ႈတၢင်းဢၼ်ၶဝ်လူဝ်ႇၵူႈၸိူဝ်ႉၵူႈမဵဝ်းၼၼ်ႉဢေႃႈ။ လိၵ်ႈတြႃးၼႆႉပဵၼ်တၢင်းဢၼ်လီၸူမ်းသိူဝ်းၼႂ်းတၢင်းဢၼ်လႆႈႁုလွင်ႈၸဝ်ႈယေႇသု၊ၵျွမႃးၵိူတ်ႇလဵင်ႉသေယဝ်ႉ၊သမ်ႉလႆႈႁုလွင်ႈမၼ်းၸဝ်ႈလႆႈၶိုၼ်ႈၵႂႃႇၵႃႈၼိူဝ်မိူင်းၵၢင်ႁၢဝ်ပုၼ်ႉၼၼ်ႉဢေႃႈ။ ပိုၼ်းဢၼ်ၶရိၸ်ႈယၢၼ်ႇ၊ၼမ်ၵိုၼ်းမႃးဝၢႆးသေမၼ်းၸဝ်ႈလႆႈၶိုၼ်ႈၵႃႈၼိူဝ်မိူင်းၵၢင်ႁၢဝ်ၵႂႃႇယဝ်ႉၼၼ်ႉၵေႃႈ၊လုၵႃႇ၊သိုပ်ႇတႅမ်ႈဝႆႉၵႃႈၼႂ်းလိၵ်ႈပိုၼ်းတမၢၼ်ႇၸဝ်ႈ၊ထႅင်ႈဢေႃႈ။
ၼႂ်းတွၼ်ႈသွင်၊ဢိၵ်ႇတင်းတွၼ်ႈႁူၵ်း (ဢၼ်ပႃးၼႂ်းႁူဝ်ၶေႃႈၵႃႈတႂ်ႈၼႆႉ) တေလႆႈႁၼ်လွင်ႈတၢင်းဢၼ်တႅမ်ႈဝႆႉၼႂ်းၽိုၼ်လိၵ်ႈတြႃးဢၼ်သြႃႇလုၵႃႇ၊တႅမ်ႈၼႆႉၵူၺ်းဢေႃႈ။ မိူၼ်ၸိူဝ်ႉၼင်ႇၵႂၢမ်းဢၼ်တမၢၼ်ႇၵၢင်ႁၢဝ်ၶဝ်ႁွင်ႉလႂ်၊ဢိၵ်ႇတင်းၵူၼ်းလဵင်ႉသူဝ်းၶဝ်ဝႆႈၵူဝ်းၵႂၢႆႇမိူဝ်ႈၸဝ်ႈယေႇသု၊ၵိူတ်ႇလဵင်ႉ၊မိူဝ်ႈဢၼ်ၸဝ်ႈယေႇသု၊ယင်းပဵၼ်လုၵ်ႈဢွၼ်ႇလႄႈဢုပ်ႇၵုမ်လွင်ႈတြႃးလူၺ်ႈၵၼ်တင်းသြႃႇမေႃၵျၢမ်းထမ်ႇမႃႉလူင်ၶဝ်ၵႃႈၼႂ်းပိၵ်ႈမၢၼ်ႇၸဝ်ႈလႂ်၊ဢိၵ်ႇတင်းၵႂၢမ်းဢုပမႃႇလွင်ႈၵူၼ်းသမႃႇရိ၊ဢၼ်မီးၸႂ်လီၸႂ်ဝၢၼ်၊ဢိၵ်ႇတင်းလွင်ႈလုၵ်ႈၸၢႆးဢၼ်ႁၢႆၵႂႃႇၸိူဝ်းၼၼ်ႉဢေႃႈ။ ၵႃႈၼႂ်းၽိုၼ်လိၵ်ႈတင်းသဵင်ႈတင်းလူင်ၼႆႉလၢတ်ႈၼႄလွင်ႈတၢင်းဢၼ်သူးတွင်း၊လွင်ႈဝိၺိၺ်ႇဢၼ်မူတ်းၸၢင်ႇၸဝ်ႈ၊လွင်ႈမႄႈယိင်းဢၼ်ပွင်ၼႃႈၵၢၼ်သႃႇသၼႃႇၸဝ်ႈယေႇသု၊ဢိၵ်ႇတင်းလွင်ႈတြႃးတၢင်းဢၼ်ၽြႃးပဵၼ်ၸဝ်ႈပွႆႇလွတ်ႈဢပျတ်ႈၸိူဝ်းၼႆႉဢေႃႈ။
ႁူဝ်ၶေႃႈဢၼ်ၶဝ်ႈပႃးၸမ်ႉ
ၵႂၢမ်းၼမ်း 1:1-4
လွင်ႈသြႃႇယူဝ်းႁၢၼ်ႇ၊တင်းၸဝ်ႈယေႇသု၊ၵိူတ်ႇလဵင်ႉ 1:5-2:52
လွင်ႈၼႃႈၵၢၼ်သႃႇသၼႃႇဢၼ်သြႃႇယူဝ်းႁၢၼ်ႇ၊သၢင်ႈပွင် 3:1-20
လွင်ႈၸဝ်ႈယေႇသု၊ၶၢမ်ႇဢဝ်ပပ်ႉတိၸမ်ႇဢိၵ်ႇတင်းၶၢမ်ႇတၢင်းၸၢမ်းတူၺ်း 3:21-4:13
လွင်ႈၵၢၼ်တၢင်းႁဵတ်းၸဝ်ႈယေႇသု၊ၵႃႈၼႂ်းဢိူင်ႇၵႃႇလိလႄး 4:14-9:50
လုၵ်ႉသေဢိူင်ႇၵႃႇလိလႄး၊ၵႂႃႇၸူးဝဵင်းယေႇရုသလႅမ်ႇ 9:51-19:27
လွင်ႈၸူဝ်ႈၵမ်းလိုၼ်းသုတ်းၸဝ်ႈၼႂ်းဝဵင်းယေႇရုသလႅမ်ႇ 19:28-23:56
လွင်ႈလုၵ်ႉၶိုၼ်းလိပ်း၊လွင်ႈၼႄတူဝ်တင်းလွင်ႈၶိုၼ်ႈမိူင်းၵၢင်ႁၢဝ် 24:1-53
Sélection en cours:
လု ၵႂၢမ်းၼမ်း: SHNCL
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi