Jakoba 5
5
Fampitandremana ny mpanankarena
1E! Ianareo manankarena, mitomania sy midradradradrà noho ny fahoriana izay manjo anareo! 2Ny harenanareo dia efa simba ary ny fitafianareo dia efa lanin’ny kalalao. 3Ny volamena sy ny volafotsinareo dia efa harafesina; ary izy harafesina no vavolombelona hiampanga anareo sady handany ny nofonareo tahaka ny afo. Namory harena amin’ny andro farany ianareo! 4Indro, mitaraina ny karamany izay hazoninareo ny mpiasa nijinja ny taninareo; ny tolokon’ny mpijinja dia tonga any am-poto-tsofin’Andriamanitra, Tompon’izao rehetra izao. 5Niaina tamin’ny fiadanana tetỳ ambonin’ny tany ianareo sady nanaram-po tamin’ny fahafinaretana; nafahinareo toy ny amin’ny andro famonoana biby hohanina ny fonareo. 6Nanameloka sady namono ny marina ianareo ary tsy manohitra anareo izy.
Mahareta fa akaiky ny Tompo
7Mahareta tsara ary, ry rahalahy, mandra-piavin’ny Tompo. Indro ny mpiasa tany miandry ny vokatra sarobidy avy amin’ny tany ka maharitra amin’izany mandra-pahazony ny ranonorana aloha sy aoriana. 8Mahareta koa ianareo, ampaherezo ny fonareo fa efa akaiky ny fiavian’ny Tompo. 9Aza mifampimonomonona, ry rahalahy, fandrao hohelohina ianareo; indro ny Mpitsara dia efa mitsangana eo anoloan’ny varavarana. 10Ry rahalahiko, raiso ho fianarana ny fiaretana fahoriana sy ny fahari-po teo amin’ireo mpaminany izay niteny tamin’ny anaran’ny Tompo. 11Indro, ambarantsika ho sambatra izay efa niaritra! Efa renareo ny fiaretan’i Joba, ary hitanareo ny anjara nomen’ny Tompo azy tamin’ny farany, fa miantra indrindra ny Tompo sady be famindrampo.
Rehefa eny dia eny
12Fa alohan’ny zavatra rehetra, ry rahalahiko, aza mianiana, na amin’ny lanitra, na amin’ny tany, na amin’izay fianianana hafa akory aza. Fa aoka ny Eny ataonareo dia ho Eny, ary ny Tsia ataonareo dia ho Tsia, fandrao hiharan’ny fitsarana ianareo.
Ny fifaliana sy fahorian’ny namana
13Misy azom-pahoriana va eo aminareo? Aoka izy hivavaka. Misy faly va? Aoka izy hihira fiderana. 14Misy marary va eo aminareo? Aoka izy hampaka ny loholon’#5.14 Na: presbytera.ny fiangonana#5.14 Na: eklesia.; ary aoka hanosotra diloilo azy amin’ny anaran’ny Tompo ireo sady hivavaka ho azy. 15Ny vavaka atao amin’ny ny finoana dia hamonjy ilay marary, fa ny Tompo hanangana azy; ary raha nanota izy dia havela ny helony. 16Koa mifaneke heloka ianareo, ary mifampivavaha mba ho sitrana.
Ny fiasan’ny vavaka ataon’ny marina dia tena mahery. 17I Elia dia olona tahaka antsika ihany, ary nahery nivavaka izy mba tsy hilatsahan’ny ranonorana; dia tsy nilatsaka tamin’ny tany aloha ny ranonorana nandritra ny telo taona sy enim-bolana. 18Ary nivavaka indray izy dia nandatsaka ranonorana ny lanitra ka nahavokatra ny tany.
Izay mamerina ny diso lalana
19Ry rahalahiko, raha misy eo aminareo miala amin’ny fahamarinana, ary misy iray mampibebaka azy, 20aoka ho fantany fa izay mampibebaka ny mpanota hiala amin’ny lalan’ny fahadisoany dia hamonjy fanahy tsy ho faty sady hanarona heloka marobe.
Sélection en cours:
Jakoba 5: MRV
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© La Société Biblique Malgache 2011
