Jenesis 5
5
Henedh Adam
1Hemm yw lyver henedhow Adam. Y'n jydh may formyas Duw mab-den, yn hevelep Duw y'n gwrug ev. 2Gorow ha benow ev a's gwrug ha'ga benniga ha gelwel aga henwyn ‘Den’ y'n jydh may fons i formys.
3Adam a vewas deg bloedh ha hwegh-ugens, ha dineythi mab yn y hevelep, war-lergh y imaj ev, ha gelwel y hanow Seth. 4Dydhyow Adam wosa ev dhe dhineythi Seth a veu eth kans blydhen, hag ev a dhineythis mebyon ha myrghes. 5Dydhyow oll bewnans Adam a veu naw kans blydhen ha deg warn ugens; hag ev a verwis.
6Seth a vewas kans blydhen ha pymp, ha dineythi Enos. 7Seth a vewas eth kans blydhen ha seyth wosa ev dhe dhineythi Enos; hag ev a dhineythis mebyon ha myrghes. 8Dydhyow oll Seth a veu naw kans blydhen ha dewdhek; hag ev a verwis.
9Enos a vewas deg blydhen ha peswar-ugens ha dineythi Kenan. 10Enos a vewas eth kans blydhen ha pymthek wosa ev dhe dhineythi Kenan, hag ev a dhineythis mebyon ha myrghes. 11Dydhyow oll Enos a veu naw kans blydhen ha pymp; hag ev a verwis.
12Kenan a vewas deg blydhen ha tri-ugens, ha dineythi Mahalalel. 13Kenan a vewas eth kans blydhen ha dew-ugens wosa ev dhe dhineythi Mahalalel, hag ev a dhineythis mebyon ha myrghes. 14Dydhyow oll Kenan a veu naw kans bloedh ha deg; hag ev a verwis.
15Mahalalel a vewas pymp blydhen ha tri-ugens ha dineythi Yared. 16Ha Mahalalel a vewas eth kans blydhen ha deg warn ugens wosa ev dhe dhineythi Yared, hag ev a dhineythis mebyon ha myrghes. 17Dydhyow oll Mahalalel a veu eth kans blydhen, pymthek ha peswar-ugens; hag ev a verwis.
18Yared a vewas eth-ugens blydhen ha dew ha dineythi Enok. 19Yared a vewas eth kans blydhen wosa ev dhe dhineythi Enok, hag ev a dhineythis mebyon ha myrghes. 20Hag oll dydhyow Yared a veu naw kans blydhen, dew ha tri-ugens; hag ev a verwis.
21Enok a vewas pymp blydhen ha tri-ugens ha dineythi Methusela. 22Hag Enok a gerdhas gans Duw trihans blydhen wosa ev dhe dhineythi Methusela, hag ev a dhineythis mebyon ha myrghes. 23Ha dydhyow oll Enok a veu trihans blydhen pymp ha tri-ugens. 24Hag Enok a gerdhas gans Duw ha ny veu moy, rag Duw a'n kemmeras.
25Methusela a vewas seyth blydhen ha naw-ugens ha dineythi Lamek. 26Ha Methusela a vewas seyth kans vlydhen, diw ha peswar-ugens wosa ev dhe dhineythi Lamek, hag ev a dhineythis mebyon ha myrghes. 27Dydhyow oll Methusela a veu naw kans blydhen naw ha tri-ugens; hag ev a verwis.
28Lamek a vewas diw vlydhen ha naw-ugens ha dineythi mab. 29Hag ev a elwis y hanow Noy, ow leverel, ‘An keth hemma a re dhyn konfort dhiworth agan ober ha dhiworth lavur agan diwla drefenn an dor re vollethis an Arloedh.’ 30Ha Lamek a vewas pymp kans blydhen, pymthek ha peswar-ugens wosa ev dhe dhineythi Noy, hag ev a dhineythis mebyon ha myrghes. 31Dydhyow oll Lamek a veu seyth kans blydhen, seytek ha tri-ugens; hag ev a verwis.
32Noy o pymp kans bloedh, ha Noy a dhineythis Shem, Ham ha Yafeth.
Sélection en cours:
Jenesis 5: ABK
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Kesva an Taves Kernewek 2004, 2024
© Cornish Language Board 2004, 2024
