THILSIAM THU 4
4
Kaina’n Abel A Tha’na
1Tichun, Adam in a ji Evi a luppi ah, nau a vop ah, Kaina a hing ah, “Lalpa panpina’n chapa ka nei tai,” a ti’n.
2Chuleh, a sãng Abel a hun nei kit ah. Abel chu belam ching mi ahi’n, Kaina ahileh leilet mi ahi.
3Hun hung chia jel in, Kaina chun Lalpa kiang ah lat dingin a lou ah thâiga piangte chu a hun chawi a.
4 #
Heb 11.4
Chuleh, Abel inle a belamte lak ah piang masa pen a sa lak ah a phatna pen pen te chu a hun lân a. Lalpa chu Abel leh a thillat ah chun a kipâk a;
5himaleh, Kaina leh a thilpiak ah chun a kipak puai. Ziaziakchun, Kaina chu a lung a na ma ma ah, a mêl chule a thim kêi kûi ziang tai.
6Kaina kiang ah chun Lalpa’n, “Bang ding ah lungna, la mêl thim kêi kûi ziang a hem?
7A dik chu bawl lechin, bang ding ah pom hilo diak ding la hem? A dik la bawl diak lo chun, gitlona chun la kotkhak bul ah a hun châng zing hi; nang hun zaw gua ahiziak in, nang in la zaw guat ngei ngei ding ahi,” a ti’n.
8 #
Mat 23.35; Luk 11.51; 1 Jn 3.12 Ziazaw chun, Kaina’n a nau Abel kiang in, “Lou lam in vachia hi ti,” a ti’n. Lou ah a um lai un, Kaina’n a naupa Abel chu a vua’n, a that tai.
9Ziaphatchun, Kaina kiang in Lalpa’n, “La nau Abel khoi ah um a ta’m?” ti’n a hun dong ta’n. Ama chun, “Ka hepuai, ka nau chingpa ka hia a hem?” ti’n a hun dawnhu a.
10 #
Heb 12.24
Lalpa’n a kiang in, “Bang a hem la bawl kha? La naupa thisan aw chun lei ah kipat in ei hun ko hi.
11Tu’hin, la khut ah kipat la naupa thisan vatha a la dong ding ah kam a la kâ lei ah kipat hin hânsedong la hi tai.
12Lei la le’ phât lehle, a phatna chu hun pia phal ta pua’n tin, lei ah hin vâkvai leh chavai in hung um ta’n la,” a ti tai.
13Kaina’n Lalpa kiang in, “Lei gawtna hi ka thokzaw ding khêl in a huaisia talua ahi,
14ngaitia, tu’ni hin lei chung ah kipat in lei nawdok ta’ngal ah; la mit mu ah kipat sêlgûk ah um ta ding ka hita’n, lei ah hin vâkvai leh chavai in hung um ta ding ka hiziak in, mi ei mu taphot in ei that mai tau hen,” a ti’n.
15Ziaphatchun, Lalpa’n a kiang in, “Zia gual chu hilo e! Kuale Kaina that taphot chu a le’sagi in a chung ah phuba lâk hi’n ah,” a ti tai. Tichun, min a muu ah, a thalona ding un Kaina chu Lalpa’n a mêlchik tai.
16Tichun, Kaina chu Lalpa kiang ah kipat in a pawtdok ah, Eden huan sualam ah Nod gam ah chun a va chêng tai.
Mihing Khangthu Kipatna
17Kaina’n a ji a luppi ah, nau a hun vop ta’n, chapa Enok a hun nei in; khawpi pakhat a siam ah, a khawpi min ding chun a chapa min Enok ma ma a sak tai.
18Enok in chapa Irad a nei ah; Irad in chapa Mehujael a nei in; Mehujael in Methusael a nei in; Methusael in chapa Lamek a nei hi.
19Lamek in ji pani a nei in, pakhat min chu Adah ahi’n, pakhat zawk min chu Zillah ahi.
20Chun, Adah in Jabal a hing ah; ama chu puanbûk ah chêng, gan tampi vulte suanpa ahi.
21A nau min chu Jubal ahi’n, ama chu tingtang tum te leh mut-ham zosia mût te suanpa ahi.
22Zillah in Tubal-Kaina a hing ah; ama chu sum-eng leh thik hiamhei zosia sekpa ahi. Chuleh, Tubal-Kaina suapinu chu Naamah ahi.
23Lamek in a jite kiang in:
“Adah leh Zillah te haw,
Ka aw hi ngai unla,
Lamek jite haw ka thugen hi ngai un;
ei sukliam ziakin mi pakhat ka that in,
ei vok khâk ziakin tangval pakhat ka that hi.
24Kaina phuba bawn a le’ sagi ah lâk ahi ding chun,
Lamek phuba vang a le’sawm sagi mun sagi ah,
lâk ngei ngei ding hi’n a,”
a ti tai.
Seth leh Enosh Thu
25Tichun, Adam in a ji a luppi ah, chapa pakhat a hing kit ah, a min dingin Seth a sak ah, “Pathian in Abel thasâng ah chisuan ding ei pia tai; Kaina’n ama chu a la that ta’ngal in,” a ti’n.
26Seth inle chapa pakhat a hun hing ah, a min dingin Enosh a sak ta’n. Zia lai hun ah mite chun Lalpa min a la ko pan tau ahi.
Sélection en cours:
THILSIAM THU 4: VAIPBSI
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
