SHURAI 5
5
Adam vei Tyaosholea
1Haihai Adam vei tyaosholea ko rüthouyu larüe. Ramai nou maiye souyu phaki, Puhnou mai hai Ramai zhuh rai hinou soupeie. 2Puhnou poutu ae naotu tea soupeie, ae puh nou puhaiye sü shiha peie ae puh hai ye soupeiyu phakinou mai tea zhih sapeie. 3Adam nou po 130 payu kisü puhzhu rai hinou nahpoutu ali naloue alia puh zhih hai Seth tea sapeie. 4Seth nalouyu thai, Adam nou po 800 hrüloue ae puh hai nahpoutu naotu kukhemai-a bue. 5Adam nou maiyu hai po 930 hrüloua thaitare.
6Seth nou po 105 payu kisü Enosh naloue. 7Enosh nalouyu thai Seth nou po 807 hrüloue alia puh hai nah naotu poutu kukhea bue. 8Seth nou maiyu hai po 912 hrüloua thaitare.
9Enosh nou po raikü maikouyu phaki nahpoutu Kenan ye naloue. 10Kenan nalouyu thai Enosh nou po 815 hrüloue alia puh nahpoutu naotu kukhemai-a bue. 11Enosh nou po 905 hrüloua thaitare.
12Kenan nou po rainai payu kisü Mahalalel naloue. 13Mahalalel nalouyu thai Kenan nou po 840 hrüloue alia puhnah naotu poutu kukhea bue. 14Kenan nou po 910 hrüloua thaitare.
15Mahalalel nou po rairoua ngou payu kisü Jared naloue. 16Jared nalouyu thai Mahalalel nou po 830 hrüloue alia puhnah naotu poutu kukhea bue. 17Mahalalel hai po 895 hrüloua thaitare.
18Jared nou po 162 payu kisü Enok naloue. 19Enok nalouyu thai Jared nou po 800 hrüloue alia puh hai nahpoutu naotu kukhea bue. 20Jared nou po 962 hrüloua thaitare.
21Enok nou po rairouangou payu kisü Methuselah naloue. 22Methuselah nalouyu thai po 300 hai Enok nou Ramai ye koa hrüe alia puhnah naotu poutu kukhea bue. 23Enok nou po 365 hrüloue. 24Enok nou Ramai koa hrüe alia puhsü halia soumoa hatare, daiolouzü Ramai nou puhye saloure.
25Methuselah nou po 187 payu kisü Lamek naloue. 26Lamek nalouyu thai Methuselah nou po 782 hrüloue alia puhnah naotu poutu kukhea bue. 27Methuselah nou po 969 hrüloua thaitare.
28Lamek nou po 182 payu phaki, puh nou nahpoutu ali naloue. 29Puh zhih sü Noha#5.29 noha: Hebrew mai la hi haina hai “souva apei” touyu lakho raiwe. tea saloua paoe, “Mapao nou chaa peikhai touyu deiphao hinou Etao tahta-a veahoa buyu hinou nah haina nou Etaoye souva peilai.” 30Noha nalouyu thai Lamek nou po 595 hrüloue alia puhnah naotu poutu kukhea bue. 31Lamek nou po 777 hrüloua thaitare. 32Noha nou po 500 payu kisü Shem, Ham ae Japheth naloue.
Sélection en cours:
SHURAI 5: POUMBSI
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
