Versets bibliques populaires de SAN JUAN 5

Partager

Añetete che jae peve, cheñee oendu vae jare chembou vae re güɨrovia vae, güɨnoi tekove opambae vae. Ngaraa ojo kañɨtei pe. Oasa ma ko mano güi tekove pe.

Jesús oecha jókuae kuimbae oyapakua oï joko pe, jare oikuaa ɨma yae ma imbaerasɨ vae. Jayave oparandu chupe: —¿Reipota pa rekuera?

Pe reta peyemboe kavi Tumpa Iñee re. Echa peyemongeta pɨpe peväeta tekove opambae vae. Ërei jae ko imiari cheregua. Ërei mbaetɨ peipota peyu chekotɨ penoi vaerä jókuae tekove.

Jayave Jesús jei chupe: —Epüa, evoɨ nderupa jare eguata. Jupiveiño kuimbae okuera, ovoɨ jupa jare oguata. Jare jókuae ara ko, ara mbutuu oï.

Jayave Jesús jei chupe reta: “Añetete che jae peve, Tumpa Taɨ mbaetɨ iyeugüi aeño oyapo mbae. Oyapo ko jókuae oecha Tu oyapo oï vaeño. Echa opaete Tu oyapo vae Taɨ oyapo vi.