Versets bibliques populaires de ṮAKWIIN 3

Partager

Wakan ka ’bom ki p̱ar cwa e ki a’di ’bora’bor mmoshwa mo, dhali a’di ’kunya’kuny e jis/em piti mo, dhali cwa a’di iminu o bwa mmokar jan ṯal ’de/ mmoyuḵa yuḵ mo tani ayim ki bu’th maman cwa mo dhali shwa a’di, dhali ayim si’da/ ki c̱iki a’di ka kaṯẖim piti mo, dhali a’di shwaki’d mo.

Dhali tasha/ a’di kora e ki kor mo mmobola ris tombwaasho kun uḵu mo, uni gun uḵkina Tap̱a Arumgimis mo. A’di ki owa ’bom gwo mo ki: A/Arumgimis o gwo mo ki: Um mini mii dhalku/ cwan ṯal ’de/ ki shwa ’peni bwaagoŋ ’te/o?

Aha/ mina kar mo jin dup̱u i bwaman /e mo dhala ’bom mo, dhali e bwaman emen pini mo dhali emen ma yim mo. A’di midi pwaṯẖ /e ’kup̱ pini mo dhali /e mini ṯikina ṯiŋkilam piti ka ulmany mo.

Eya ’bom mo tani a’di ki o gwo mo ki: Isa nyor dho’th pini gom uc̱i mo tani miga/ mar is kagahara gom /e mo. /e mini dho’th uc̱i ki isa nyor i e mo, hili bwam pini mini mii o ka kaṯẖim pini mo dhali a’di midi ta tap̱a ap̱o/ /e mo.

/E mini shwa tonṯe/ ki jiṯi/ bwam/em pini mo ntagi /e mini doḵ ki bu’da’cesh ka nyaŋ’ko’d, haali/ ’peni bu’da’cesh mo tani /e bu’thkunu mo be. /E ta bu’d gana/ mo, dhali e bu’da’cesh mo tani /e mini doḵ ki a’di ka nyaŋ’ko’d mo.

Dhali a’di ki owa Aadam gwo mo ki: Gom miim pini jin ciḵa /e ’twa/ gi ashim pini mo dhali shwa cwa yansan jin ḵanka/ /e gwo mo ki: /E mini mii dhalku/ ki shwa a’di mo tani mony’cesh jeenu mo gom /e mo be. Aris to kun mina /e shwa mo tani uni mina /e gam ’peni mii jin mina /e ’kosha shir shir mo ka tee gi mondiki/em pini ’baar mo.

A’di o gwo mo ki: Kaja iṯor /e gwo mo ki /e di is ’te/a? Ki /e ishwaki cwa jin ḵanka/ /e gwo mo ki: /E mini mii dhalku/ a’di ki shwa mo?

A’di ki ur wathi/ ka pije/ mo dhali e mom’pesho’k gi bwaagoŋ ma Idin mo tani a’di ki dhu karubiim kun ta iman’doyu gwo mo dhali gandal jin kaaka jin shwa’d ki o’d ki bar bar mo a’di jin ṯu’kki’d ki washar washar ’ban kuku/ mo, mmoji bway gi maman cwa jin di ki e mo.

Dhali wathi/ ki yuḵ ash gway ka Hawwa mo, a’di jin ta ’pemen gwo jin onu ki: To jin di’d ki e mo, haali/ ayim ta’da ata’da ma ris to ’baar kun ’kon ki e mo.