Versets bibliques populaires de Lúkàs 14

Partager

«Nò ɗú mɨ tùniì, nò kɨ́ ɗú mɨ a ŋdôŋ tá noò, yà nóò, gwi noò, munɨ́b noò, mwin yàáb noò nɨ̀ŋgwáàb ɓe nɨ̀gub, dùgɨ̀ síí ŋgə́ nɨ̀mɨrí. Duú u̧ ɗàà, sàmàìn ŋgə́ du nɨ̀fuùb moò ɗàà.

Nò du bàŋ noò hàìnwá mɨ tùniì, sàmàìn nò kɨ́ du nɨ̀fuùb moò ɗàà.

Ɓetí nò gewú síí nóò còmné, Mèín ɓa nò kɨ́ gèsénɨ ɗàá á. Nò geséce síí nóò ɗàá, Mèín ɓa nò kɨ́ gèwúnɨ còóm á.»

Á Yésù ɓaaré, ŋgə́ ɨ́ tà: «Àm kɨ́ á mɨ tana nyí, nò du nɨ́ sàmàìn mbɨ́kkɨ́so nɨ́ɨ́b noò lâs ɗàwáá, sàmàìn du nɨ̀fuùb moò nɨ ɗàà ru.»

Nɨ̀mwi̧ mvókín nyínè noò ɨ́ ɗû óŋnɨ dúú kàm jíri, ŋgə́ ɓaye dùrénɨ ɗàá á, ŋgə́ a mâ ɗə̀ə̀ŋnɨ vùùm mwèìn du ŋgə́ ɗúnànɨ ɓe ɨ́r ə́r kíì. Ŋgə́ a pê kɨ́ no ŋgáréè, yè á sàmàìn cáŋhȩ ə́r kíì kè. Ɓetí ŋgə́ ɨ́ yàrê ə́r dúú kíì, ŋgə́ ɨ́ dù nɨ́ cáàŋwá, nùb lâs ɓa pénɨ ə́r kíì ɓa ŋgə́ kə́ə̀nɨ á. Ŋgáb a tà: ‹Kɨ́ rè yaré ɓaháá ə́r dúhéé hò̧ hȩ nɨ̀vɨ́tè, féín tə̧ə̧́ yɔ́kléci nɨ́ ŋgə́!›

Ɨ́dù ɓwâ wu si cɔŋ jùrúbí, ɓébɨ̂ŋ wu nùb tiri, nùb ɗə́əm, nùb cəə́ŋ cə̧né ɓe ɓùɓú̧ù̧b. Wu ɓa dùnɨ ɓe mɨ̀tù á, ɓetí sàmàìn ŋgáb ɓa wu ɓáàbnɨ nyər kíì ɗàà. Mèín nɨ̀mɨr kwá ɓáabna wu ɓwâ ŋgə́ ɓa sə̀ə̀mcùhó̧nɨ nùb ya ndɨŋ nyɔ̧né cwéé rɨ.»

«Mbeè duɓa nɨ́m nyɔ̧ɔ̧́ á, ɨ́dù ɗɨ́ɗóme ŋgéé ɨ́ cɔ̧̂, ɨna á kùb ɓa ndɨ̀ŋnɨ ŋgə́ a ɗómcù? Sàmàìn kùb kɨ́kléɓacéye ŋgə́ ɗɔ̀bín kɨ́ kù kùkùní àm nɨ́m ɗo̧ó̧ a hàm ɓe kíí ɗàà. Kùb a wààhó̧sòkî bɨ́ lúu. Nò du ɓe tó ók àmnì, óknyààŋtɨ!»