Versets bibliques populaires de Lúkàs 13

Partager

«Mánáhá nɨ lə́ŋdóŋnɨ ɓavɨ̀r háŋnɨ́nne; ɓetí mɨ tànà nyí, nɨ̀vɨ́tɨ̀b ví̧i̧ ɓa mánɨ no lə́ndóŋnɨ á, a yɔ̂ nɨ́ ŋgáb.

Nɨ̀gwi kù nyéhè ɓáŋhîn ya bɨrékɨ́ tɨmnîn á cɨ̀ dáín cóóŋ ɨ́ sə́r yaá yó ku. Ya nɨ́ sàmàìn ŋgə́ ə́əŋwúɓa ɗɨ́ɗɨ̧́ ɗàà. Ɓwâ Yésù pə́ nɨ̀gwi rèè, ŋgə́ ɨ́ ɓê ŋgə́ á ŋgə́ ta: «Yàáŋ, wu ɓáíhó̧tɨ́ yáb wo rè no.»

Ŋgə́ ɨ́ hèìwû ŋgə́ ngáár ŋgwéé. Ɓè mu̧u̧, nɨ̀gwi rè ɨ́ ɗə́ə̀ŋwû còóm. Ŋgə́ ɨ́ yàrê mgbíìnɨ Mèín.

Ɓwâ kɨ́ á gɨ̀ nùb kù tɨŋtɨ̀ŋ nùb du cùrì ɗàròò, kwá ducu tíí. Nùb kù duce tíí kwá ducuce cùrì.»

«Ɓwâ tá dúhéé ɓa éíwúnɨ, ŋgə́ ɨ́ kpàìkî ɓavɨ̀rì, nyí ɓa mènɨ lúu á, nyí a yà kùtɨ̀nɨ ɓavɨ̀r nyí a tace: ‹Tá, kuumnam nɨ́m.› Ŋgə́ ɓa nyí tàcùhó̧nànɨ ɨnè á: ‹Mɨ ɗəəŋce nyí macè na bɨ!›

Ɗàwá, ɨ́dù mɨ tànà nyí, nyí ɨ́ dù sum ɓàndɨ̀wá, nyí á ndùkɓwênɨ hȩ ŋgáb.»

Ŋgə́ ɓa nyí tànàkwànɨ ɨnè á: ‹Mɨ ɗəəŋce nyí macè na bɨ! Éíkɨ́ná mɨ íhín, nùb du ndɨ̀ŋnɨ ɓáŋhɨ́b ɗàrɨ́!›

Yésù ɨ́ tà: «Ŋgɔ̧́ɔ̧̀ Mèèín á fɨ́tîn ɓe ní? Ɓe ní á mɨ fɨ́tɨɓaye ŋgə́ ɗóònɨ? Ŋgɔ̧́ɔ̧̀ Mèèín kɨ́ á fɨ́tîn ɓe íì ti mùtáàrdə̀ nɨ̀ŋgwá kù áá, ŋgə́ ɨ́ ɗòŋ no mwa̧né. Íì kɨ́ ɨ́ sû, ŋgə́ ɨ́ sèìcɨ̀ nɨ́ yɔ̀, gààì ɨ́ gò óóŋ ɓoò taàm noò ya óŋnɨ.»