Versets bibliques populaires de Mat 24

Partager

Saboda kuma yaɗuwar mugun aiki, sai ƙaunar yawancin mutane ta yi sanyi. Amma duk wanda ya jure har ƙarshe, zai cetu.

Za a kuma yi bisharar nan ta Mulkin Sama ko'ina a duniya domin shaida ga dukkan al'ummai. Sa'an nan kuma sai ƙarshen ya zo.”

Za ku kuma riƙa jin labarin yaƙe-yaƙe da jitajitarsu. Kada fa hankalinku ya tashi, don lalle ne a yi haka, amma ƙarshen tukuna.

Al'umma za ta tasar wa al'umma, mulki ya tasar wa mulki. Za a kuma yi yunwa da raurawar ƙasa a wurare dabam dabam. Amma fa duk wannan masomin azaba ne tukuna.

Sararin sama da kasa za su shuɗe, amma maganata ba za ta shuɗe ba.”

domin mutane da yawa za su zo da sunana, suna cewa, su ne Almasihu, har su ɓad da mutane da yawa.

“Sa'an nan za su bashe ku, a ƙuntata muku, su kuma kashe ku. Duk al'ummai za su ƙi ku saboda sunana. A sa'an nan da yawa za su yi tuntuɓe, su ci amanar juna, su kuma ƙi juna. Annabawan ƙarya da yawa za su firfito, su ɓad da mutane da yawa.

Sai Yesu ya amsa musu ya ce, “Ku kula fa kada kowa ya ɓad da ku

Don haka ku ma sai ku zauna a kan shiri, domin a lokacin da ba ku zata ba, Ɗan Mutum zai zo.”

To, ku zauna a faɗake fa, don ba ku san ranar da Ubangijinku zai dawo ba.

“Amma fa wannan rana da wannan sa'a ba wanda ya sani, ko mala'ikun da yake Sama, ko Ɗan, sai dai Uban kaɗai.

Don almasihan ƙarya da annabawan ƙarya za su firfito, su nuna manyan alamu da abubuwan al'ajabi, don su ɓad da ko da zaɓaɓɓu ma in dai zai yiwu.

Kamar yadda aka yi a zamanin Nuhu, haka dawowar Ɗan Mutum za ta zama. Kamar a kwanakin nan ne gabannin Ruwan Tsufana, ana ci, ana sha, ana aure, ana aurarwa, har ya zuwa ranar da Nuhu ya shiga jirgi, ba su farga ba har Ruwan Tsufana ya zo ya share su. Haka komowar Ɗan Mutum za ta zama.