Versets bibliques populaires de Matta 19

Partager

Wa Isa chaafaahum adiil wa gaal leehum : «Da gaasi marra waahid le l-naas wa laakin ma fi cheyy gaasi le Allah.»

Wa be misil da, humman ma naaseen battaan achaan bigo jisim waahid. Allah bas rabataahum wa ma waajib al-insaan yifarrighum.»

Wa hu radda leehum wa gaal : «Ma gareetu al-Kitaab ? Buguul : <Fi l-awwal, Allah khalag al-insaan. Raajil wa mara, hu khalagaahum.> Wa buguul : <Be sabab da, ayyi raajil yikhalli ammah wa abuuh wa yilimm maʼa martah wa l-naaseen yabgo jisim waahid.>

Wa laakin Isa gaal : «Khallu al-iyaal yaju leyi wa ma tadharoohum achaan mamlakat Allah hana l-naas al-misilhum.»

Wa laakin naas katiiriin al-gaaʼidiin wara, yabgo giddaam. Wa naas katiiriin al-gaaʼidiin giddaam kamaan yabgo wara.»

Wa ayyi naadum al-gamma fi chaan usmi wa khalla beetah aw akhwaanah aw akhwaatah aw abuuh aw ammah aw iyaalah aw ziraaʼtah, Allah yantiih 100 marra ziyaada wa yantiih al-haya al-abadiiye.

Wa Isa radda leyah wa gaal : «Kan tidoor tabga naadum bala eeb, amchi biiʼ kulla cheyy al-indak wa anti tamanah le l-masaakiin wa misil da, talgaah giddaamak. Wa khalaas taʼaal taabiʼni.»

Wa Isa radda leyah wa gaal : «Maala tasʼalni be l-amal al-adiil ? Waahid bas adiil wa hu Allah. Wa laakin kan tidoor tadkhul fi l-haya al-abadiiye, tabbig al-wasaaya.»

Wa battaan nuguul leeku, dakhuul al-jamal fi gadd al-ibre hayyin min dakhuul siid al-maal fi mamlakat Allah.»

Wa nuguul leeku ayyi naadum al-yitallig martah ma be sabab al-zina wa yaakhud mara aakhara, hu zaani.»

Wa Isa gaal le talaamiizah : «Nuguul leeku al-hagg, al-dakhuul fi mamlakat Allah gaasi le l-naadum al-indah maal katiir.