Versets bibliques populaires de Gyenesis 9

Partager

Na Onyankopɔn kae sɛ: Apam a merema ada me ne mo ne akra ateasefo a ɛka mo ho nyinaa ntam akɔ nnasanten awo ntoatoaso so no ho sɛnkyerɛnne ni: Me nyankontɔn na mede masi omununkum mu, na ayɛ me ne asase ntam apam no ho sɛnkyerɛnne.

Na nyankontɔn no bɛba omununkum mu, na mahwɛ, na mede makae daa apam a ɛwɔ Onyankopɔn ne abɔde a ɛwɔ asase so nyinaa ntam no.

Nea ohwie onipa mogya gu no, onipa so na wɔnam behwie ne mogya agu, efisɛ Onyankopɔn suban so na ɔyɛɛ onipa.

Na Onyankopɔn hyiraa Noa ne ne mma, na ɔka kyerɛɛ wɔn sɛ Monwo na monnɔɔso, na monhyɛ asase so ma.

Nea ɛkeka ne ho a ɛwɔ nkwa nyinaa, ɛnyɛ mo aduan; mede ne nyinaa mama mo, sɛnea mede nhabanmono memaa mo no.

Na mo ho hu ne mo ho suro mmra asase so mmoadoma nyinaa ne wim nnomaa nyinaa, nea ɛwea fam nyinaa ne ɛpo mu mpataa nyinaa so; mo nsa na wɔde wɔn ahyɛ.

Na mo de, monwo na monnɔ, na monyɛ asase so manyamanya, na monnɔɔso wɔ so.