Versets bibliques populaires de পত্থম 3

Partager

মিলেবো যেক্কে বুঝি পারিলো, গাজ্‌চো গুলোগুন্‌ খাদে সুয়োত্ অবাক্ আর সিগুন চাদেয়ো দোল্‌ আহ্ সিয়েনবাদে জ্ঞান পেবাত্যে আওজ্ গরেদে মনঅ আঘে, সেক্কে তে কয়েক্কো গুলো পাড়িনে হেলঅ। সে গুলোগুন তে তা নেক্কোরেয়ো দিলো আর তা নেক্কোয়ো সিগুন হেলঅ।

লগেপ্রভু গোজেনর বানেয়্যে মাদি উগুরে ঝার্‌বো পরাণবলাগুনো ভিদিরে সাপ্পো এলদে বেক্কুনোত্তুন্ চালাক্‌। এ সাপ্পো একদিন্যে সে মিলেবোরে কলঅ, “গোজেনে কি হামাক্কায় তমারে কোইয়্যে, বাগানর বেক্‌ গাজ গুলোগুন তুমি হেই ন-পারিবা?”

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

সে পরেদি তে সে মিলেবোরে কলঅ, “মুই তরে পুয়ো অবার অক্তত্‌ তঅ শুলোনি অমকদ বাড়েই দিম্‌। তুই দুঘোত্ পুয়ো পুদেবে। নেগত্যে তর্‌ অমকদ আওজ্‌ অবঅ, আরঅ তে তঅ উগুরে সদ্দারী গুরিবো।”

যে মাদিত্তুন্‌ তরে বানা ওইয়্যে সে মাদিত্‌ ফিরি ন-যানা সং মাঢার ঘাম্‌ টেঙত্‌ ফেলেনে তত্তুন্ হা-পুরিবো। তর এ ধুল্যার কিয়্যেগান্‌ ধুল্যাদই ফিরি যেবঅ।”

পরেদি তে আদমরে কলঅ, “যে গাজ্‌চো গুলোগুন হেবাত্তে মুই মানা গোজ্যং তুই তঅ মোগো কধা শুনিনে সিগুন হেইয়োচ্‌। সেনে তত্ত্যে মাদিগান অভিশাব্ পেলঅ। সারা জীংকানিবর্‌ অমকদ দুঘো কামগুরিনে তে তুই মাদি উগুরে খেত-খেত্তি হেই পেবে।

সেক্কে লগেপ্রভু গোজেনে কলঅ, “তুই যে লাংদা-বাংদা সে কধাগান কন্না তরে কোইয়্যে? যে গাজ্‌চো গুলোগুন হেবাত্যে মুই তরে মানা গোজ্যং সিগুন কি তুই হেইয়োচ্‌?”

এধোক্ক্যেন গুরি তে তারারে ধাবেই দিলো। সে পরেদি তে জীংকানি-গাজ্‌চো ইধু যেবার পথ্‌তান্ চুগি দিবাত্তে এদন বাগান পূগেদি করূব্‌পুনোরে রাগেল, আর সে সমারে সিয়োত্‌ এক্কান জোল্‌জোল্যা খড়্‌গঅ রাগেল যিয়েনে নিত্য ঘুরোনাত্‌ থেলঅ।

আদমে তা মোক্কো নাঙান দিলো হবা (যিয়েনর ভেদ্‌তান “জীংকানি”), কিত্তে তে বেক্‌ জেদা মানুচ্চুনোর মা অবঅ।