Versets bibliques populaires de San Mateo 15

Partager

Chen a ba' a ku jok'o yok'o chi' a winik, ti' ku jok'o yok'o u pixʌn y a je' lʌji' ku ts'ek u waya a xi'ra mo' tsoy ti' K'uj. Toj yok'o u tuku ku jok'o u tukrik mo' tsoy ba', ku tukrik u kinsa, u tusik u lak' yete u jer mo' la' u lak', u bin tu nʌta tak mʌnʌ' a lak', u yakra ba', u tus y yei'k mo' tsoy ba' ti' u bojo'.

A ba' a ku yoko tu chi' a winik mo' lʌji' ku ts'ek u kʌxtik u k'ebʌn, chen a ba' ku jok'o ti' lʌji' ku ts'ek u kʌxtik u k'ebʌn.

“A je' a winiko' jai' yete u chi' ku yei'k tus ku yui'k in t'ʌn, chen toj mo' ten ku tukriken. Ba'wi ku chen k'ujintiken wa muj yui'ko' in t'ʌn, chen u t'ʌn winik ku ye'sik tia winik.”

Ka tu ya'a Jesús: ¡Ch'upra, a tech ta jach ki' aksa ta wor ti' K'uj! Ka' metchʌjʌk a bex a k'at. Y u ch'upra u ti'a a ch'upra toj se'p' ch'eni.

La' kaj tari a ch'upra y tu xonkitubʌj ti' Jesús y tu ya'a: —¡Ʌnten Ts'uri! Chen Jesús tu nuka ti': ―Ka wirik mo' tsoy a takik u yo'ch u ti'o' a winik ti' a ts'ekti' a pe'k'o. A ch'upra tu nuka ti' Jesús: ―Taj a ba' ka wei'k Ts'uri, chen tak a pek'o' bexi' ku marik u p'ap'ai a ku jutu a tu ku jʌno' u winki.