Versets bibliques populaires de Genesi 9

Partager

Nungungulu a di engedza gambe, khuye: “Egi khu giwonegiso nya pwanano nyi girago nanu ni sirengo satshavbo si vbanyago vbakari gwanu khu mimelana yatshavbo yi natago. Nyi na wonegisa wulaho wangu nya Nyazimwe mapfhini wu gu khala gialakanyiso nya pwanano wangu ni litigo.

Avbo gialakanyiso gi na gu wonegago mapfhini, eni nyi na khedzisa nyi gu dundruga pwanano yoyu nya gupindruge, nyi wu giridego ni sivangwa satshavbo nya guvbanye mafuni.”

Oyu a vbaladzago novba nya muthu, novba waye nuwo wu na vbaladzwa khu muthu, kholu muthu wumbidwe khu mufananiso wa Nungungulu.

Nungungulu a di kategisa Nowa ni sanana saye, a mu embela, khuye: Velegelanani, mu andra, mu tadza mafu.

Hodzani satshavbo si vbanyago, ni mitongwe ni mihandro. Satshavbo nyi ngu mi ningani si khala giphaso gwanu.

Sirengo satshavbo sa khabini ni sinyoni sa damboni, ni satshavbo si khwirirago khu lididi mafuni ni dzindzandzi dza phwani, satshavbo si na mi ningani githawo, mu na fumelani satshavbo.

“Gasi enu, velegelanani, mu andra, mu enedza litigo mu li fuma.”