Shina rijujpimi Felipetaca, Diospaj Espíritu yuyaita cushpa:
—Chai carretapi rijujta cumbangapaj ri— nirca.
Chaiman rishpaca, Dios ima nishcata villaj Isaías escribishcata leyijujta uyashpami:
—¿Can leyijushca imata nijujtapash yachai ushanguichu?— nishpa tapurca.
Shina nijpimi chai runaca, cashna nirca:
—Pipash na yachachijpica, ¿imashnata yachashayari?— nircami.
Chai jipami Felipetaca, carretaman vitsiashpa paihuan tiarichun ninanda mañarca.