Versets bibliques populaires de Ntandiliko 3

Partager

Bahi mmahe pawene kuva vihepo anevyo vìnafala namene kwa chakulya, na vìnautila mmeho na vìnafala kwa kupata lúnda, nang'e nkuhepa chihepo cha nnandi anewo, nkulya, nkumwing'a na nng'andomwe anavele nawe pamo, nanang'e nkulya.

Nnyongo ávele na ulamba kuvapunda anyama vammalele va munnyitu vanavaumbile Yahwe Nnungu. Bahi nnyongo nkunnyaulila ayula mmahe kuchidoni, “Ati muhiu kuva Nnungu áhawile kuva munalye vihepo vya nnandi wohewo wa m'bustani?”

Nìmbevika umongo kati yakuwe na ayu mmahe, kati ya chiveleko chako na vanu va nnukolo lwanga ayu mmahe. Na munu yumo muvanu va nnukolo lwake àmbeponda muti wako, na wako ùmbennuma aneyo munu chihing'ino chake.”

Anepo nkunnyaulila ayula mmahe kuchidoni, “Nìmbekunonoheja uchungu wa kuveleka, ùmbevaveleka vana kwa uchungu. Henga, pamo na anelyo, wako ùmbekuva chihi nkuntamwa namene ntwalo, nanang'e àmbekutawala wako.”

Na ùmbelipatila chakulya kwa kukola madengo lakamajanga namene, mpaka paumbeuya muulongo mutwaliwije. Kwa kuva, wako úumbwije kwa litutunga, na uchiuile kavila kuva litutunga.”

Anepo Yahwe Nnungu nkunnyaulila ayula nnume kuchidoni, “Kwa kuva wako ùmpilikanidile n'jalo, nkulya vihepo vya nnandi vinnakulimbijije unalye, bahi ulongo ùnilaniwa ing'anya yakuwe. Na wako ùmbelipatila chakulya kuhaloka muulongo anewo kwa kukola madengo lakamajanga namene, mmaduva lammalele la umi wako.

Yahwe Nnungu nkummuja kuchidoni, “Nnani akuhaulidîle kuva úvele lukundu mwandu? Dachi, ùlile chihepo cha nnandi chinikulimbijije unalye?”

Nnungu pavavingangidile vanu panda bustani, nkuvivika viumbe vya kulihunde vivêle na dimapa, m'bali wa mashaliki wa Bustani ya Adeni pamo na upanga wa moto uchidinguka-dinguka nnyenje, kwa kuichunga indila ichihwena kunnandi wa umi ukee na ntululilo.

Bahi ayula nnume nkunchema n'jawe lina “Eva,” kwa kuva, àmbekuva mama wa vanu vammalele.