Versets bibliques populaires de LÓʼKAS 22

Partager

«Əə́əy, Paabá, omaʼkɔnyɔ́ŋɛn, ɛɛlɛ lɛ́ ntɔ́b yɛ́ɛnɛ yɛ́nyaágɛɛŋɛ. Náa, adɛ́njaŋ a nɛnyɔ́ŋɛn nɛ́am, ndóo nɛáŋ áa nɛáyɛ́lɛɛ́.»

Kɛbán kímuʼ mɛ, mbɔ́sɔ́gɔ́lɔ́nɛ́ɛ́ a kidíídí kɛáŋ lɛ́ ná udindiógi oʼto na mɛ. Ná wəə́gimbuúlini anɛ́ɛ́n ná ndɛɛ́, kónɛ pomóŋŋí pááŋ agɛɛlɛ lɛ́ pɔ́lɛ́ págon tɛn.»

Yiídə́ə́míni pɛlɛ́ɛd, amɛ́ʼkɛn pisoyidiʼ na Táán, aábɛ́ŋa, amáboyɛ́ʼkɛn, ɔnɔ́: «Taa, nkó yaam aa yɛ́ɛy mbáálɛ́gɛ́ɛ́ a kidíídí kɛáŋan. Púdíin poɛlanɛ náan agɛnjaáyɔ́ɔ́ŋanɛ.»

Ná pɛ́ɛ́mán konɛ́ɛnɛ, yiísiə́d tɛn kilən kɛ́ maloʼ, amɛ́ɛ́lɛ yoom ímuʼ na kɛ́lɛ́, ɔnɔ́: «Kɛ́ɛnɛ kɛ́lɛ kilən kɛ́ maŋɔ́ máam. Mɔ́lɛ́ aa málɛɛ́ kisuŋ kɛ́ kíoloodi nɛsɔ́g nɛ́ nɛwa nɛ́ Táán áálad na pɔɔd. Ndɛ́ɛ́ kusub mɔ́lɛ́ a kidíídí kɛáŋan

Wɛɛ́y óyɛ́ɛ wə́ʼkugumin Yə́sus na toɛn. Ayɛ́ɛ əgiiʼkini kɔɔ́sɔ́gɔlɔn Táán kə́mmú na toɛn. Kɛɔsɛn kɛ́ kɛ́yɛ́ɛ amoolon, kɛ́yɛ́ɛ wɔnɔ́ pinyə́ngə́ə́ pɛ́ maŋɔ́ aa píədə́bə a nsí.

Náa, kíʼkóodi lɛ́ kíɛn náan yoom ímuʼ na pəŋi. Kíɛn a pəŋi lɛ́ nyɔ́ alɛɛ́ oʼkóʼkóón a ondáŋ wááŋan, ogóódi lɛ́ yə́siəd wɔnɔ́ ɛyaa ɛ́ moóngaa. Nyɔ́ alɛɛ́ ɔndaamɛʼ yɛ́ɛn inə́mbí ɛ́ pɔsɔ́g.

Yə́sus əyímuyúlísíni ɔnɔ́ na nyɔ́lɛ́: «Ndagodɛ́anɛ na wɛ Píɛ lɛ́ əgín naánɛ́ yɛ́ɛnɛ, kɛbaŋ kɛ́ nsɛɛ kíədíin kɛdaŋ ná wəə́ʼkiʼtəm pɛnɛŋ pɛ́dáád lɛ́ odɛndɛŋɛn.»