Versets bibliques populaires de Zhan 7

Partager

‘Ɔwrɔn léyi ke bú m'ankà kɛ tán ankaẅì nɔn, mancüe shi léyi kɛ tán ɛwúvà-kɔrɛ̀ nɔn, ke le dú n'ɛnbɔrɛ lɔ mɛ̀n kɛ̀ gbɛ́’, hán ɔmu le Owrú Prɔnprɔn ndɔ̀ nɔn hɔ́.”

Ɛmɛẅi trɔ koran bì lɔ dú ɛnbì léyi ẅɛn vɔ̀nshɛ́ nɔn. Ɛnbì lɔ, Zhezü nyɔn fɛcüè zìwú kɛ dɔ́ ɔmùan-ɛwú-sɩ́emɛ̀n le: “Ke dú kɛ ɔwrɔn tɔ̀n ɛnshi muanwù kɛ ẅɛ̀n hô, nɛ̀n vá m'eyri ô nɛ̀n mi ɛnshi.

Zhezü kɛ dɔ́ Ɛnhɛ́n Prɔnprɔn léyi, anwrɔn hɔ̀n léyi ke bú n'ankà kɛ tán ankaẅì kɛ lɛ cɔ̀ nɔn yi ankà. Hɩ vra lɔ mɛ̀n, Ɛnhɛ́n Prɔnprɔn kɛ vá và, ɔmuhi Zhezü kɛ vá bru n'eci-zrɔ lɔ mɛ̀n nɔn.

Nyɛ́n bɩ́ ci ɛmrɛ̀n eci léyi nyɛ kàn nɔn hɩ wú. Nyɛ́n ci ɛmrɛ̀n ɛnyrɔnnan mɛ̀n.”

Ɔwrɔn léyi kɛ dɔ́ ankà nɛ́n zrí n'ɛkɔrɛ̀-levriemɛ̀n nɔn, ne ji n'eci-zrɔ. Tɛ́n ɔwrɔn léyi kɛ hán eci-zrɔ kɔ̀hɔ̀n tán ɔwrɔn léyi wá nɛ̀n ɔkɔ̀hɔ̀n nɔn, kɛ dɔ́ ankà annanwɔrɛ, kɩ ɛyɔ̀n ankà zriɛmɛ́n badà nɛ̀n ɛmɛ̀n.

Zhezü mrɛ́n yɔ ɔmùan le: “Ankà-yé léyi mɛ tán nɔn kè sɩ̀ dù m'eyri kɛ̀ và, tɛ́n dú Ɔwɔ léyi wá mɛ̀n ɔkɔ̀hɔ̀n nɔn n'eyri và.

Ɛnhibù kè sɩ̀ ẅɛ̀n ny'egbrì, tɛ́n ɛnhibù ke gbri mɛ̀n, ɔmuhi mɛ dɔ̀ le n'ɛci-hán-ci hɔ̀n lɔ krɛ-gbàn nɔn.