Versets bibliques populaires de Marka 9

Partager

Hoy Jesosy taminy: Hainao hoe? Ny zavatra rehetra dia hain’ny mino.

Ary niaraka tamin’izay dia niantso mafy sady nandrotsa-dranomaso ny rain-drazazalahy ka niteny hoe: Mino aho! Vonjeo aho ho afaka amin’ny tsy finoako!

Ary rehefa tonga tao an-trano Jesosy dia nanontany Azy mangingina ny mpianany hoe: Nahoana izahay no tsy afaka nandroaka an’iny? Ary hoy Izy taminy: Iny karazana iny dia tsy mba azo roahina na amin’inona na amin’inona, afa-tsy amin’ny fivavahana ihany.

Tsara ny sira, kanefa raha tonga matsatso izy, inona indray no hoentinareo mampody ny tsirony? Aoka hisy sira ao anatinareo ary mihavàna tsara ianareo.

Na zovy na zovy no mandray iray amin’itony zaza itony amin’ny anarako dia mandray Ahy; ary na zovy na zovy no mandray Ahy dia tsy Izaho no raisiny fa Ilay naniraka Ahy.

Fa na iza na iza no manome anareo rano eran’ny kaopy hosotroinareo satria an’i Kristy* ianareo dia lazaiko aminareo marina tokoa fa tsy ho very ny valim-pitiany.

Na iza na iza no manafintohina na iray aza amin’ireo madinika mino Ahy ireo dia tsara ho azy raha anantonana vato lehibe fikosoham-bary ny tendany ka hatsipy any anaty ranomasina izy.

Ary raha ny masonao no manafintohina anao dia esory hiala izy; fa tsara ho anao ny hiditra toka-maso any amin’ny fanjakan’Andriamanitra noho ny manana maso roa, nefa hariana any amin’ny afobe