Burunge: Ila⁄imbidu Gu ⁄abu hari Burungaisoo (Bible)

Ila⁄imbidu Gu  ⁄abu hari Burungaisoo

<div class="version vid2304 iso6393bds" data-vid="2304" data-iso6393="bds">
 <div class="book bkMAT">
 <div class="chapter ch8" data-usfm="MAT.8">
 <div class="label">8</div><div class="s1">Yeesu ilabuuslaraa da heedi gu kooma buubaa</div><div class="r">(Maariko 1:40-45; Luuka 5:12-16)</div><div class="p"> 1Yeesu giyaa ilii&#8260;eeti onko, raqoo gu deni gu hida gwaa sirakoniri ina. 2Yu&#42892;udiyaa! Te&#42892;esii yaagi khay heedi gu kooma ga&#8260;ay gu buubaa, gi keebee&#42892;edi pandaa dosii, gi tlaatlaqasi Yeesu tuba, &#8220;Looimoo gu Go&#245;, hhooa, bere sla&#42892;ada, haniidahhasida ilabuusla.&#8221; 3Yeesu gi tafa&#42892;asi daba gosi, gugi tosaa nangusi heedikee, gi kaay tuba, &#8220;Ee, Ana sla&#42892;a teesaaqay laqa, ugu ma dugu ilabuusli!&#8221; Cirakiray lenge ga&#8260;aykee kosi dugugi ilabuusli sumuku! 4Da hhe&#42892;esi, Yeesu gugi afakaayi heedikee tuba, &#8220;Hhanti kaada sa heedi lensee gimbaki. Inkootuutuu taa&#8260;a hangu laqante daqa hhapalooay gu Iliitleemuge, la haysa kayda sadaaka sa ilabuuslatee toku, idoo daa ilii ilafahhi gooay sariyaa da Musaage. Hatee noo ilatlawa doogu daqa hidage tuba, dugu&#361; ilabuusli.&#8221;</div><div class="s1">Yeesu hhoeesa da tongimoo gu afisa</div><div class="r">(Luuka 7:1-10)</div><div class="p"> 5Qatlay Yeesu giyaa ilii day Kaperinauumuge, sirikaarimoo waku gu didiru gu Ruumi, gwaa ilii hadakay ina, gugu tlaatlaqasi tuba, 6&#8220;Looimoo gu Go&#245;, tongimoo goy hi&#297; qaati ayage, hi&#297; tingara&#8260;uudi. Kara, ti kona laba&#42892;asu hari khisla.&#8221; 7Yeesu gi kaay sa sirikaarimokee tuba, &#8220;Ana haa khaw, hagu hhoeesa ina.&#8221; 8Te&#42892;esii sirikaarimokee gugi ilaki&#8260;isi tuba, &#8220;Looimoo gu Go&#245;, ugu ti heedi gu didiru, ana haraa hiiboo&#8260;iiba kwahhasuusa ugu mara gooii. Inkoo, ugu ti kaay gimba kilesi, tongimoo gooi hhoay! 9Ma&#42892;aana, ana see, ti kooma hida gu rawaa koii waaree &#8260;uuru gu tawaalooge. Slime kooma sirikaarii waka da biraa gu tawaaloo dooii waaree. Qatlay go&#243; ilii kaawe sa le&#7869; ambee, &#8216;Taa&#8260;a!&#8217; Ina yo&#243;ti hadakay. Kara go&#243; ilii kaawe sa waku ambee, &#8216;Khoca!&#8217; Yo&#243;ti khay. Slime go&#243; ilii kaawe sa tongimoo goy ambee, &#8216;Yondiidi gimbaki!&#8217; Yo&#243;ti yondiidi.&#8221;</div><div class="p"> 10Qatlay Yeesu giyaa ilii akhasi gimbaki, yaati bakai hari khisla. Ina gi kaay sa hida hhakee gwaa sirakomaamidee ina tuba, &#8220;Etaa, hhapee sliimaa see da Israeeli ha kahha arimaa heedi gu kooma &#8260;imba da didiri da hi&#297; gooay! 11Kara, sangu kaawa unkuray pandataa ambee, hida wa&#8260;a himaa khayay bara da ilacindoo gu rawaago haa ilacindoo gu biraago. Inay himaa ibiidiyay meesaage sa losona gu didiru sliimaa haa Aburahaamu, Isaaka haa Yakoobo Tawaaloo da rawaa gu rawge.#8:11 Qatlaykii Wayahuudi yaa &#8260;imbiri tuba, damaa wana losona gu didiru hari khisla, damaa ilii khaye Masiiya. Inay yaa &#8260;imbiri Wayahuudi kilesi naa aloo dayay losonakii, hida gu hhapapu wakinay himaa wanaaiiba. 12Teesaaqay see, hida hhaka&#42892;a guraa hiiboo&#8260;ee ibinaa Tawaalooge, Iliitleemu gimaa kwahhi khoorooge, hhanteege. Taysi inay himaati &#8260;aa&#8260;iyay haa himaati tlu&#42892;unay &#8260;atloo.&#8221; 13Da hhe&#42892;esi, Yeesu gi kaay sa sirikaarimokee gu didiru tuba, &#8220;Taa&#8260;a ayage, gimbakira gu&#361; &#8260;imbidi teesaaqay tleehhidiye daqa dooguu.&#8221; Nama qatlaykeesii lenge tongimokee gi hhoay.</div><div class="s1">Yeesu hhoeemisi hida wa&#8260;a</div><div class="r">(Maariko 1:29-34; Luuka 4:38-41)</div><div class="p"> 14Yeesu giyaa ilii day mara gu Peetiroge, te&#42892;esii yaa arimi kumbo&#42892;oo da Peetiro hi&#297; qati buburuuge, mama&#8260;ada hari khisla. 15Te&#42892;esii Yeesu gigi ilii hadakay, gi nangusi daba gosi, ga&#8260;aykee kosi gii caaquudi. Ina ginaa iliitlaydi, gi tosaa yonditi sa inay.</div><div class="p"> 16Qatlay letu giyaa ilii huhaahu&#42892;ude, Yeesu suguraagi khay hida wa&#8260;a daa ilii khaabaa&#42892;amidi ha gieeri, giyaagi leehhisiri daqa Yeesuge. Ina gi ilii&#8260;oo&#8260;imi gieeri hhakee hari gimba gosi, gi hhoeesi ga&#8260;iidee go&#245;. 17Yeesu yaa teesaaqay laqi, dama hiigaasi gimbakira daa kaay ha tletimiisay Isaaya tuba,</div><div class="q1">&#8220;Ina loi yaa hiioy amaaiya doori,</div><div class="q2">haa haraa waaudi ga&#8260;ay goori.&#8221;#Yu&#42892;udii kitaabuu gu Isaaya 53:4.</div><div class="s1">Idoo daa ilii karahhi sirakoomiisee da Yeesu tleehhida</div><div class="r">(Luuka 9:57-62)</div><div class="p"> 18Qatlay Yeesu giyaa ilii arimi raqa da hida daa niini&#8260;iti ina hindii roogiti hari khisla, ina gi ilafahhi sirakoomiisee dosi, ma tlo&#8260;osiri hari bara da cadii da tlawa da didiri da Galilaaya. 19Da hhe&#42892;esi, giyaa ilii kahhiyee waauda, maarimuu le&#7869; gu sariyaa, gi ilii hadakay Yeesu, gi kaay sa ina tuba, &#8220;Maarimuu, ana hagu sirakooma ugu daqeemoo sliimaa ga kayde!&#8221;</div><div class="p"> 20Yeesu gi kaay sa ina tuba, &#8220;Mondadee konay maraoo gu ilii ibinaa, cira&#8260;oo konta cuurai&#297;. Nanku Heedi konaaba ma daqa da ilii qaatisa see saga gosi.&#8221;</div><div class="p"> 21Sirakoomiisay waku gi kaay sa Yeesu tuba, &#8220;Ye, Looimoo gu Go&#245;, hani geemayde gesaa, maa qaasi taataa gooi.&#8221;#8:21 Maa qaasi taataa gooi: Angamalee sirakoomiisayki gimba gu &#8260;aa&#8260;iya da taataa gosi dingii ca&#8260;adi qatlaykeesii gini kaakaana. Angamalee ti kakaana tuba, ina kona yondu gu iliikooma taataa gosi gaduumaa dosii haa guti geesaa qaasi gimaa ilii hhane, gi ilii kahhiye waauda aya gosaa sa sirakooma da Yeesu.</div><div class="p"> 22Yeesu gi kaay sa ina tuba, &#8220;Ugu hanisirakonte, may hhakee go&#243; sisiee ana, muunainge ti tuueenaa pahha, ma qamidiri tuueenaa dene&#42892;ee koina.&#8221;</div><div class="s1">Yeesu tlakhadisa gondadee gu deni tlawage</div><div class="r">(Maariko 4:35-41; Luuka 8:22-25)</div><div class="p"> 23Da hhe&#42892;esi, Yeesu yaa hiiday masuwaage sliimaa haa sirakoomiisee dosi, gi waaudiri haa ina. 24Yu&#42892;udiyaa! Te&#42892;esii tlawage daagii ca&#8260;i ilafahhiya da didiri hari khisla, masuwatee yaati naahhadi aloo hiihhanta tlawage. Teesaaqay see, Yeesu yaati qaati alunge. 25Sirakoomiisee dosi gugi ilii hadakayri ina haa gugii leehhisiri. Inay gi maahhiri, kakaanay tuba, &#8220;Looimoo gu Go&#245;, tlayii handi ilabu&#42892;unte! Dandiray sla&#42892;ana kaka&#8260;u!&#8221;</div><div class="p"> 26Yeesu gi kaay sa inay tuba, &#8220;Si&#297; so&#42892;oyi tla&#42892;amuumutiri teesaaqay? Inkoo naqatloo kahhadaaii, ti kontay &#8260;imbaraa narabu daqa dooii!&#8221; Da hhe&#42892;esi, Yeesu gi qadidi, gi tosaa ilii&#8260;oo&#8260;i ilafahhiyatee da dihhi haa gondadee hhakee gu deni. Cirakiray lenge ilafahhiyatee gi kaanahhasidi sumuku. 27Te&#42892;esii inay gi bakairi hari khisla, hingigi tlaatleesiri maamisu inay haa inay tuba, &#8220;Yu&#42892;udaa! Hi&#297; kara ti miyaa? Gunti ilii&#8260;oo&#8260;u ilafahhiya haa gondadee gu tlawa da didiri see, gugi akhasiri ina.&#8221;</div><div class="s1">Yeesu hhoeesa hida cada gwaa koomee gieeri</div><div class="r">(Maariko 5:1-20; Luuka 8:26-39)</div><div class="p"> 28Yeesu gi day hhapee da Wagadaraage,#8:28 Wagadaraage: Daqati dagaati eteediidina slime uma waku na Geraasi, da iliiwane gooay kitaabuu gu Maarikoge haa Luukage. daraa bara da cadii waara da tlawa da didiri da Galilaaya. Te&#42892;esii hingigi slaslay haa hida cada daa ilii khaabaa&#42892;amidi gieeri, yaagii ca&#8260;iri maraoo daa iliiqamidi tuueenaa. Hida hhakee gwaa dihhi hari khisla, hhaku heedi lensee gwaa hiidahhasu hiicata hari amotee. 29Yu&#42892;udiyaa! Inay yaati maahhiri hari afoo da didiri, kakaanay tuba, &#8220;Ye, Nanku Iliitleemu, mala kona haa ugu? Inkoo, hagu tlaatlaqasana, handi hhanti laba&#42892;asida da ilii kahhiye bu&#42892;uda qatlay daa hiileehhi ha Iliitleemu!&#8221;</div><div class="p"> 30Inkoo, raqa da didiri da biinoo yaa wanta, daa de&#42892;ee&#42892;ene te&#42892;esii seesege&#7869; daqa dooinaa. 31Gieeri hhakee gi tlaatlaqasiri Yeesu tuba, &#8220;Hhooa, bere handi gusinta, handi ilafahhade, ma iliiguuma kayni biinota&#42892;a.&#8221; 32Ina gi kaay sa inay tuba, &#8220;Waauda!&#8221; Gieeri hhakee yaagii ca&#8260;iri daqa hida hhakeesaa, gii guuma kayri daqa biinotiray. Raqatee da biinoo, gii gweegwe&#8260;eti hari &#8260;uuru ilagweegwe&#8260;eda da dihhigo, gii gunti tlawa da didirige, gi tosaa kaka&#8260;adi go&#245;.</div><div class="p"> 33De&#42892;emiisetee da raqa da biinoo giyaa ilii anti gimbakee gwaa hiica&#8260;u, gi lakiti tongoo dooinay. Inay gi kaawa kayri sa hida gimbaki go&#245;, hikee loi gwaa hiica&#8260;u daqa hida hhakeesii gu cada daa ilii khaabaa&#42892;adi gieeri. 34Yu&#42892;udiyaa! Hida hhakee gu tongoo yaagii ca&#8260;iri hingigi slaslayri haa Yeesu. Qatlay inay giyaa ilii aniri gi tlaatlaqasiri Yeesu, ma waaudi hhapee dooinaa!</div>
 </div>
 </div>
</div>

Yeesu giyaa ilii⁄eeti onko, raqoo gu deni gu hida gwaa sirakoniri ina. Yuꞌudiyaa! Teꞌesii yaagi khay heedi gu kooma ga⁄ay gu buubaa, gi keebeeꞌedi pandaa dosii, gi tlaatlaqasi Yeesu tuba, “Looimoo gu Goõ, hhooa, bere slaꞌada, haniidahhasida ilabuusla.” Yeesu gi tafaꞌasi daba gosi, gugi tosaa nangusi heedikee, gi kaay tuba, “Ee, Ana slaꞌa teesaaqay laqa, ugu ma dugu ilabuusli!” Cirakiray lenge ga⁄aykee kosi dugugi ilabuusli sumuku! Da hheꞌesi, Yeesu gugi afakaayi heedikee tuba, “Hhanti kaada sa heedi lensee gimbaki. Inkootuutuu taa⁄a hangu laqante daqa hhapalooay gu Iliitleemuge, la haysa kayda sadaaka sa ilabuuslatee toku, idoo daa ilii ilafahhi gooay sariyaa da Musaage. Hatee noo ilatlawa doogu daqa hidage tuba, duguũ ilabuusli.”


Qatlay Yeesu giyaa ilii day Kaperinauumuge, sirikaarimoo waku gu didiru gu Ruumi, gwaa ilii hadakay ina, gugu tlaatlaqasi tuba, “Looimoo gu Goõ, tongimoo goy hiĩ qaati ayage, hiĩ tingara⁄uudi. Kara, ti kona labaꞌasu hari khisla.” Yeesu gi kaay sa sirikaarimokee tuba, “Ana haa khaw, hagu hhoeesa ina.” Teꞌesii sirikaarimokee gugi ilaki⁄isi tuba, “Looimoo gu Goõ, ugu ti heedi gu didiru, ana haraa hiiboo⁄iiba kwahhasuusa ugu mara gooii. Inkoo, ugu ti kaay gimba kilesi, tongimoo gooi hhoay! Maꞌaana, ana see, ti kooma hida gu rawaa koii waaree ⁄uuru gu tawaalooge. Slime kooma sirikaarii waka da biraa gu tawaaloo dooii waaree. Qatlay goó ilii kaawe sa leẽ ambee, ‘Taa⁄a!’ Ina yoóti hadakay. Kara goó ilii kaawe sa waku ambee, ‘Khoca!’ Yoóti khay. Slime goó ilii kaawe sa tongimoo goy ambee, ‘Yondiidi gimbaki!’ Yoóti yondiidi.”
Qatlay Yeesu giyaa ilii akhasi gimbaki, yaati bakai hari khisla. Ina gi kaay sa hida hhakee gwaa sirakomaamidee ina tuba, “Etaa, hhapee sliimaa see da Israeeli ha kahha arimaa heedi gu kooma ⁄imba da didiri da hiĩ gooay! Kara, sangu kaawa unkuray pandataa ambee, hida wa⁄a himaa khayay bara da ilacindoo gu rawaago haa ilacindoo gu biraago. Inay himaa ibiidiyay meesaage sa losona gu didiru sliimaa haa Aburahaamu, Isaaka haa Yakoobo Tawaaloo da rawaa gu rawge. Teesaaqay see, hida hhakaꞌa guraa hiiboo⁄ee ibinaa Tawaalooge, Iliitleemu gimaa kwahhi khoorooge, hhanteege. Taysi inay himaati ⁄aa⁄iyay haa himaati tluꞌunay ⁄atloo.” Da hheꞌesi, Yeesu gi kaay sa sirikaarimokee gu didiru tuba, “Taa⁄a ayage, gimbakira guũ ⁄imbidi teesaaqay tleehhidiye daqa dooguu.” Nama qatlaykeesii lenge tongimokee gi hhoay.


Yeesu giyaa ilii day mara gu Peetiroge, teꞌesii yaa arimi kumboꞌoo da Peetiro hiĩ qati buburuuge, mama⁄ada hari khisla. Teꞌesii Yeesu gigi ilii hadakay, gi nangusi daba gosi, ga⁄aykee kosi gii caaquudi. Ina ginaa iliitlaydi, gi tosaa yonditi sa inay.
Qatlay letu giyaa ilii huhaahuꞌude, Yeesu suguraagi khay hida wa⁄a daa ilii khaabaaꞌamidi ha gieeri, giyaagi leehhisiri daqa Yeesuge. Ina gi ilii⁄oo⁄imi gieeri hhakee hari gimba gosi, gi hhoeesi ga⁄iidee goõ. Yeesu yaa teesaaqay laqi, dama hiigaasi gimbakira daa kaay ha tletimiisay Isaaya tuba,
“Ina loi yaa hiioy amaaiya doori,
haa haraa waaudi ga⁄ay goori.”


Qatlay Yeesu giyaa ilii arimi raqa da hida daa niini⁄iti ina hindii roogiti hari khisla, ina gi ilafahhi sirakoomiisee dosi, ma tlo⁄osiri hari bara da cadii da tlawa da didiri da Galilaaya. Da hheꞌesi, giyaa ilii kahhiyee waauda, maarimuu leẽ gu sariyaa, gi ilii hadakay Yeesu, gi kaay sa ina tuba, “Maarimuu, ana hagu sirakooma ugu daqeemoo sliimaa ga kayde!”
Yeesu gi kaay sa ina tuba, “Mondadee konay maraoo gu ilii ibinaa, cira⁄oo konta cuuraiĩ. Nanku Heedi konaaba ma daqa da ilii qaatisa see saga gosi.”
Sirakoomiisay waku gi kaay sa Yeesu tuba, “Ye, Looimoo gu Goõ, hani geemayde gesaa, maa qaasi taataa gooi.”
Yeesu gi kaay sa ina tuba, “Ugu hanisirakonte, may hhakee goó sisiee ana, muunainge ti tuueenaa pahha, ma qamidiri tuueenaa deneꞌee koina.”


Da hheꞌesi, Yeesu yaa hiiday masuwaage sliimaa haa sirakoomiisee dosi, gi waaudiri haa ina. Yuꞌudiyaa! Teꞌesii tlawage daagii ca⁄i ilafahhiya da didiri hari khisla, masuwatee yaati naahhadi aloo hiihhanta tlawage. Teesaaqay see, Yeesu yaati qaati alunge. Sirakoomiisee dosi gugi ilii hadakayri ina haa gugii leehhisiri. Inay gi maahhiri, kakaanay tuba, “Looimoo gu Goõ, tlayii handi ilabuꞌunte! Dandiray slaꞌana kaka⁄u!”
Yeesu gi kaay sa inay tuba, “Siĩ soꞌoyi tlaꞌamuumutiri teesaaqay? Inkoo naqatloo kahhadaaii, ti kontay ⁄imbaraa narabu daqa dooii!” Da hheꞌesi, Yeesu gi qadidi, gi tosaa ilii⁄oo⁄i ilafahhiyatee da dihhi haa gondadee hhakee gu deni. Cirakiray lenge ilafahhiyatee gi kaanahhasidi sumuku. Teꞌesii inay gi bakairi hari khisla, hingigi tlaatleesiri maamisu inay haa inay tuba, “Yuꞌudaa! Hiĩ kara ti miyaa? Gunti ilii⁄oo⁄u ilafahhiya haa gondadee gu tlawa da didiri see, gugi akhasiri ina.”


Yeesu gi day hhapee da Wagadaraage, daraa bara da cadii waara da tlawa da didiri da Galilaaya. Teꞌesii hingigi slaslay haa hida cada daa ilii khaabaaꞌamidi gieeri, yaagii ca⁄iri maraoo daa iliiqamidi tuueenaa. Hida hhakee gwaa dihhi hari khisla, hhaku heedi lensee gwaa hiidahhasu hiicata hari amotee. Yuꞌudiyaa! Inay yaati maahhiri hari afoo da didiri, kakaanay tuba, “Ye, Nanku Iliitleemu, mala kona haa ugu? Inkoo, hagu tlaatlaqasana, handi hhanti labaꞌasida da ilii kahhiye buꞌuda qatlay daa hiileehhi ha Iliitleemu!”
Inkoo, raqa da didiri da biinoo yaa wanta, daa deꞌeeꞌene teꞌesii seesegeẽ daqa dooinaa. Gieeri hhakee gi tlaatlaqasiri Yeesu tuba, “Hhooa, bere handi gusinta, handi ilafahhade, ma iliiguuma kayni biinotaꞌa.” Ina gi kaay sa inay tuba, “Waauda!” Gieeri hhakee yaagii ca⁄iri daqa hida hhakeesaa, gii guuma kayri daqa biinotiray. Raqatee da biinoo, gii gweegwe⁄eti hari ⁄uuru ilagweegwe⁄eda da dihhigo, gii gunti tlawa da didirige, gi tosaa kaka⁄adi goõ.
Deꞌemiisetee da raqa da biinoo giyaa ilii anti gimbakee gwaa hiica⁄u, gi lakiti tongoo dooinay. Inay gi kaawa kayri sa hida gimbaki goõ, hikee loi gwaa hiica⁄u daqa hida hhakeesii gu cada daa ilii khaabaaꞌadi gieeri. Yuꞌudiyaa! Hida hhakee gu tongoo yaagii ca⁄iri hingigi slaslayri haa Yeesu. Qatlay inay giyaa ilii aniri gi tlaatlaqasiri Yeesu, ma waaudi hhapee dooinaa!

Écouter Mataayo 8