མར་ཀུ། 4
4
ལེའུ་བཞི་པ།
ས་ངོན་འདེབས་པའི་དཔེ་སྐོར།
1དེ་ནས་ཡང་ཡེ་ཤུས་ག་ལིལ་མཚོ་འགྲམ་ནས་མི་དེ་ཀྱ་ལེ་ཆོས་སྟོན་རྒྱུ་འགོ་བཙུགས་རྒྱ། མི་ཚོགས་མང་པོ་ཞིག་ཟང་ས་ཆ་དེ་རུ་འཛོམས་འོང་ཕེན། ཁོང་རང་གྲུའི་ནང་ལེ་བཞུགས་པི་མ་ཟད། མི་ཚོགས་དེ་ཀྱ་ཟང་མཚོའི་འགྲམ་ལེ་བསྡད་དི་དིག 2དེ་ནས་ཁོང་གིས་དཔེའི་བརྒྱུད་ནས་ཆོས་མང་པོ་བསྟན་ཏེ་མི་དེ་ཀྱ་ལེ། 3ད་ཁྱེད་ཀྱ་ཀྱིས་ང་ལེ་ཉོན་ཅིག ཞིང་པ་ཞིག་གིས་ཞིང་ལེ་ས་ངོན་འདེབས་དུ་བུད་དི་དིག 4དེ་ནས་ས་ངོན་འདེབས་རྒྱ། ས་ངོན་ལ་ལ་ལམ་ལེ་འཐོར་ཕེན་བྱ་འོངས་ཏེ་བཟས་པི་དིང་། 5ཡང་ས་ངོན་ལ་ལ་ནི་ས་མང་པོ་མེད་མེད་རྡོ་རོབ་ནང་ལེ་འཐོར་ཕེན་མགྱོགས་པོ་ཡར་སྐྱེས་ནའང་། 6རྩ་བ་གཏིང་རིང་པོ་མེད་ཕེན་ཉི་མ་ཚ་པོ་ཤར་ཏེ་བསྐམས་པི་དིག 7ཡང་ས་ངོན་ལ་ལ་ཚེར་མའི་ནང་ལེ་འཐོར་ཕེན་ཚེར་མ་སྐྱེས་ཏེ་མར་མནན་ཕེན་འབྲས་བུ་སྨིན་མ་ཐུབ་པི་དིག 8ཡིན་ནའང་། ས་ངོན་ལ་ལ་ས་དགའ་མོའི་ནང་ལེ་འཐོར་ཕེན་འབྲས་བུ་སྨིན་ཏེ། འབྲས་བུ་ལ་ལ་ལྡབ་སུམ་ཅུ་དིང་། ལ་ལ་ལྡབ་དྲུག་ཅུ། ལ་ལ་ལྡབ་བརྒྱ་སྨིན་པི་དིག 9ཡང་ཡེ་ཤུས་རྣ་མཆོག་འོད་མཁན་གྱིས་ལབ་འདི་དགའ་མོ་བྱས་ཏེ་ཉོན་ཅིག་ཟིན་གསུངས་པི་དིག 10ཡང་ཁོང་རང་སྐུ་རྐྱང་ལེ་བཞུགས་པའི་དུས་ཞིག་ལེ། ཁོང་གི་སློབ་མ་བཅུ་གཉིས་དིང་། ཁོང་གི་རྗེས་འབྲང་པ་གཞན་མ་ཀྱ་ཀྱིས་དཔེ་དེའི་དོན་དག་ཅི་ཟེར་རི་གོ་ཟིན་ཁོང་ལེ་ཞུས་པི་དིག 11ཁོང་གིས་དཀོན་མཆོག་གི་རྒྱལ་ཁབ་ཀྱི་གསང་བ་ནི་ཁྱེད་ཀྱ་ལེ་བསྟན་གནང་པི་དིག ཡིན་ནའང་། ཕྱིའི་མི་ཀྱ་ལེ་དཔེའི་བརྒྱུད་ནས་གསུངས་པི་དིག 12གསུང་རབ་ཀྱི་མདོ་ནང་ལེ།
མི་དེ་ཀྱ་ཀྱིས་མཐོང་ནའང་ངོ་མ་ཤེས་པི་མ་ཟད། །
རྣ་མཆོག་གིས་ཐོས་ནའང་ཡང་དོན་ཧ་མ་གོ །
དེ་མན་ནི་མི་དེ་ཀྱ་ཀྱིས་ཁོང་གི་ཕྱོགས་ལེ་སེམས་ཁུགས་ཏེ། །
ཁོང་གིས་ཟང་མི་དེ་ཀྱ་ཀྱི་སྡིག་ཉེས་དེ་སེལ་གནང་གྱི་དིག །
ཟིན་གསུངས་པི་དིག#4.12 ཚིགས་བཅད་འདི་ནི་ཡེ་ཤ་ཡཱས་བྲིས་པའི་ལེའུ་ 6 ཨང་ 9-10 ནང་ལེ་གཟིགས་རོགས། 13ཡང་ཁོང་གིས་ཁྱེད་ཀྱ་ཀྱིས་དཔེ་འདིའི་དོན་དག་ཟང་ཧ་མ་གོ་ཕེན། ད་དཔེ་གཞན་གྱི་དོན་དེ་ཅི་གི་བྱས་ཏེ་ཧ་གོ་ཐུབ་རྒྱུ་ཟིན་གསུངས་པི་དིག 14ཞིང་པ་ཞིག་གིས་ཞིང་ལེ་ས་ངོན་བཏབ་པའི་དཔེ་དེའི་དོན་དེ་ནི། དཀོན་མཆོག་གི་བཀའ་ཅོག་འདྲ་ཡིན་དིག 15ས་ངོན་ལམ་ལེ་འཐོར་རི་དཔེ་དེའི་དོན་དེ་ནི། མི་ལ་ལས་དཀོན་མཆོག་གི་བཀའ་ཐོས་ལོང་མེད་བདུད་སཱ་ཏན་འོངས་ཏེ། ཁོའི་སེམས་ནང་ལེ་འོད་ཡོད་བཀའ་དེ་ཕྲོགས་ཏེ་ཁྱེར་འགྲོ་བ་དིང་ཅོག་འདྲ་ཡིན་དིག 16ཡང་དེ་ཅོག་འདྲ་རྡོ་རོབ་ནང་ལེ་འཐོར་རི་ས་ངོན་གྱི་དཔེ་དེའི་དོན་དེ་ནི། མི་ལ་ལས་དཀོན་མཆོག་གི་བཀའ་ཐོས་ལོང་མེད་སེམས་དགའ་སྣང་ཆེན་པོའི་ངང་ལེ་དད་པ་བྱས་ནའང་། 17རང་གི་སེམས་ནང་ལེ་དད་པའི་རྩ་བ་དེ་གཏིང་རིང་པོ་ཚུགས་མེད་ཕེན། བཀའ་དེའི་དོན་ལེ་དཀའ་ངལ་དིང་གནོད་ཚེ་བྱུང་རྒྱ། དད་པ་ཉམས་འགྲོ་བ་དིང་ཅོག་འདྲ་ཡིན་དིག 18ཡང་ཚེར་མའི་ནང་ལེ་འཐོར་རི་ས་ངོན་གྱི་དཔེ་དེའི་དོན་དེ་ནི། མི་ལ་ལས་དཀོན་མཆོག་གི་བཀའ་ཐོས་ནའང་། 19འཇིག་རྟེན་འཚོ་བའི་སྐོར་ལེ་སེམས་ཁྲལ་དིང་། རྒྱུ་ནོར་གྱི་བསླུ་བྲིད་དིང་། འདོད་པ་སྣ་མིན་སྣ་ཚོགས་ཀྱིས་མནན་ཏེ། དཀོན་མཆོག་གི་བཀའ་དེ་ལེ་འབྲས་བུ་སྨིན་མ་ཐུབ་པི་དིང་ཅོག་འདྲ་ཡིན་དིག 20ཡང་ས་བཟང་པོའི་ནང་ལེ་འཐོར་རི་ས་ངོན་གྱི་དཔེ་དེའི་དོན་དེ་ནི། ཡང་མི་ལ་ལས་དཀོན་མཆོག་གི་བཀའ་ཐོས་ཏེ་སེམས་གཏིང་ནས་ཁས་ལེན་བྱས་ཕེན། བཀའ་དེ་ལེ་འབྲས་བུ་བཟང་པོ་སྨིན་ཐུབ་ཏེ། འབྲས་བུ་ལ་ལ་ལྡབ་སུམ་ཅུ་དིང་། ལ་ལ་ལྡབ་དྲུག་ཅུ། ལ་ལ་ལྡབ་བརྒྱ་སྨིན་པི་ཅོག་འདྲ་ཡིན་དིག་ཟིན་གསུངས་པི་དིག
མཆོད་མེ་དིང་ས་ངོན་གྱི་དཔེ་སྐོར།
21ཡང་དང་ཡེ་ཤུས་མཆོད་མེ་སྤར་ཏེ་རྐོན་པའི་འོག་དིང་། ཡང་ནི་ཉལ་ཁྲིའི་འོག་ལེ་མི་བོར་འོད་དིག མཆོད་མེ་དེ་མི་ཡེ་རེའི་མཐོང་ས་ལེ་སྤར་ཏེ་མི་འབོར་འོད་དི་གས། 22འོ་དེ་ཅོག་འདྲ། མི་ཀྱ་ཀྱིས་དོན་རྟོགས་མ་ཐུབ་དིང་། ཡང་སྦས་པའི་གསང་བ་ཡེ་རེ་དཀོན་མཆོག་གིས་མངོན་སུམ་དུ་སྟོན་གནང་གྱི་དིག 23ཁྱེད་རྣ་མཆོག་འོད་ཡོད་ཡེ་རེས་དགའ་མོ་བྱས་ཏེ་ཉོན་ཞིག་ཟིན་གསུངས་པི་དིག 24ཡང་ཁོང་གིས་ཁྱེད་ཀྱ་ཀྱིས་ཅི་ཐོས་པི་དེ་ཀྱ་གཟབ་གཟབ་གྱིས་ཤིག ཅི་ལེ་ཟེར་ནི། ཁྱེད་ཀྱ་ཀྱིས་སྣོད་ཅི་གི་ཚད་བརྒྱབ་སྟེ་མི་གཞན་ལེ་བྱིན་ནི། ཁྱེད་ཀྱ་ལེ་ཟང་སྣོད་དེ་རིང་ཅོག་འདྲ་གནང་གྱི་ཡིན་དི་མ་ཟད། ཡང་དེ་ལས་ཟང་ལྷག་ཚོད་གནང་གྱི་དིག་ཟིན་གསུངས་པི་དིག 25ཅི་ལེ་ཟེར་ནི། མང་པོ་འོད་ཡོད་དེ་ལེ་འཛན་མང་ང་གནང་གྱི་དིང་། ཡང་མེད་མེད་དེ་ལེ་ཅུང་མ་འོད་ཡོད་དི་ཟང་འཕྲོག་འགྲོ་གྱི་དིག་ཟིན་གསུངས་པི་དིག
26ཡང་དང་ཁོང་གིས་དཀོན་མཆོག་གི་རྒྱལ་ཁབ་ནི། མི་ཞིག་གིས་ཞིང་ལེ་ས་ངོན་བཏབ་པི་ཅོག་འདྲ་ཡིན་དིག 27ཞིང་པ་ཁོ་མཚན་མོ་མར་གཉིད་ཉལ། ཉིན་མོ་ཡར་ལངས་བྱས་ནའང་། ས་ངོན་རིམ་པ་བཞིན་དུ་སྐྱེས་ཏེ་མྱུ་གུ་འབུས་འོངས་པི་དིག ཡིན་ནའང་། ཞིང་པ་ཁོས་ཅི་གི་བྱས་ཏེ་བྱུང་པི་དེ་མི་ཤེས་འོད་དིག 28ས་གཞིས་རང་བཞིན་གྱིས་འབྲས་བུ་སྐྱེས་ཏེ། དང་པོ་མྱུ་གུ་འབུས་འོངས་པི་དིང་། དེ་ནས་སྙེ་རྡོག་ཆགས། མཇུག་མཐའ་མ་སྙེ་མ་དེ་ལེ་འབྲུ་རྡོག་སྨིན་པི་དིག 29དེ་ནས་འབྲུ་རིགས་སྨིན་ཏེ་བརྔ་རན་ཕེན། མི་ཁོས་ཟོར་ར་འཁྱེར་ཏེ་འབྲེག་གྱི་དིག་ཟིན་གསུངས་པི་དིག
ཚུག་གི་ས་ངོན་གྱི་དཔེ་སྐོར།
30ཡང་དང་ཁོང་གིས་དཀོན་མཆོག་གི་རྒྱལ་ཁབ་དེ་ནི་ཅི་གི་ཞིག་དིང་བསྡུར་རྒྱུ། དཔེ་ཅི་གི་ཞིག་བརྒྱུད་ནས་འགྲེལ་བཤད་རྒྱག་རྒྱུ། 31དེ་ནི་ཚུག་གི་ས་ངོན་དིང་ཅོག་འདྲ་ཡིན་དིག ས་ལེ་བཏབ་པའི་ས་ངོན་ཡེ་རེ་ནང་ནས་དེ་ཆུང་ཤོས་ཞིག་ཡིན་ནའང་། 32བཏབ་པའི་རྗེས་ལེ་ས་ངོན་ཡེ་རེའི་ནང་ནས་ཆུང་ཤོས་དེ་ནི། སྡོང་པོ་ཅོག་འདྲ་ཆེན་པོ་སྐྱེས་ཏེ། དེའི་ཡལ་ག་འོག་ལེ་བྱིའུ་ཚང་ཟང་བསགས་ཏེ་སྡོད་ཐུབ་གྱི་དིག་ཟིན་གསུངས་པི་དིག#4.32 ཡི་སི་ར་ཨེལ་གྱི་ལུང་པ་ལེ་ཚུག་རིགས་མང་པོ་འོད་དིག ཡང་ཚུག་རིགས་དེའི་ནང་ནས་ཁ་ཤས་ཞིག་སྡོང་པོ་ཅོག་འདྲ་ཆེན་པོ་སྐྱེ་འོད་དི་གནས་ཚུལ་འདུག
33ཡེ་ཤུས་འོ་འདི་ཅོག་འདྲ་དཔེ་མང་པོ་བསྟན་ཏེ། མི་ཀྱ་ཀྱིས་དཔེ་ཅིའི་བརྒྱུད་ནས་ཧ་གོ་རྒྱུ་ལས་སླ་མོ་འོད་ནི། འོ་དེ་ལེ་དཔེ་བསྟན་ཏེ་དཀོན་མཆོག་གི་བཀའ་དེ་གསུངས་པི་དིག 34ཁོང་གིས་དཔེ་བརྒྱུད་ནས་མ་གཏོགས་མི་དེ་ཀྱ་ལེ་ཅི་གང་གསུངས་མ་གནང་པི་དིག ཡང་མི་མེད་རྒྱ་ཁོང་གིས་དཔེ་དེའི་ནང་དོན་ཡེ་རེ་སློབ་མ་ཀྱ་ལེ་གསལ་བཤད་གནང་པི་དིག
ཡེ་ཤུས་རླུང་འཚུབ་ཞི་འཇམ་བཟོས་གནང་བ།
35དེ་ནས་ཉིན་མ་དེའི་དགོང་མོ་ཡེ་ཤུས་རང་གི་སློབ་མ་ཀྱ་ལེ། ད་འོ་རང་ཀྱ་མཚོའི་ཕར་ཀན་ལེ་འགྲོ་ཟིན་གསུངས་པི་རྗེས་ལེ། 36སློབ་མ་ཀྱ་ཟང་མི་ཚོགས་དིང་ཁ་བྲལ་ཏེ། ཡེ་ཤུའི་བཞུགས་པའི་གྲུ་ནང་ལེ་འཛུལ་ཏེ་ཁོང་གི་སྐྱེན་ལེ་བུད་དི་དིག ཡང་ཁོང་ཀྱ་ཀྱི་སྐྱེན་ལེ་གྲུ་གཞན་མ་ཟང་འོད་དིག 37དེ་ནས་དེ་ལོང་མེད་དི་རླུང་འཚུབ་ཆེན་པོ་ཞིག་ལངས་ཕེན། རྦ་རླབས་གྲུའི་ནང་ལེ་འཛུལ་ཏེ་ཆུས་གང་འགྲོ་འོད་དིག 38དེ་རྒྱ་ཡེ་ཤུ་ནི་གྲུའི་མཇུག་ཏུ་མགོ་སྔས་ལེ་བོར་ཏེ་གཟིམས་བཞུགས་འོད་ཕེན། སློབ་མ་ཀྱ་ཀྱིས་ཁོང་ཡར་གཉིད་དཀྲོགས་ཏེ། སློབ་དཔོན། ཉེད་ཀྱ་ཆུའི་ནང་ལེ་ཐིམ་སྟེ་ཤི་འོང་མི་སེམས་འདུག་གས་ཟིན་སྐད་བརྒྱབ་པི་དིག 39དེ་ནས་ཁོང་ཡར་བཞེངས་ཏེ་རླུང་ལེ་བཀའ་བཀྱོན་གནང་པི་མ་ཟད། རྦ་རླབས་དེ་ལེ་ཟང་ཞི་འཇོམས་ཤིག ཁ་སྡུས་ཟིན་གསུངས་ལོང་མེད། རླུང་དིང་མཚོ་ཞི་འཇམས་པི་དིག 40དེ་ནས་ཁོང་གིས་སློབ་མ་ཀྱ་ལེ། ཁྱེད་ཀྱ་ཅི་ལེ་འཁྱར་སྣང་བགྱིད་དི་ཡིན་དོ། ཁྱེད་ཀྱ་ད་རུང་ཟང་ང་ལེ་ཡིད་ཆེས་མེད་དས་ཟིན་གསུངས་ཕེན། 41སློབ་མ་ཀྱ་ཁོང་ལེ་འཇུ་གུ་འཇིགས་ཏེ། ཕན་ཚུན་བར་ལེ་མི་འདི་སུ་ཡིན་ནེ། རླུང་དིང་རྦ་རླབས་ཟང་ཁོང་གི་བཀའ་ལེ་ཉན་གྱི་འདུག་ཟིན་འོད་དིག །
Tällä hetkellä valittuna:
མར་ཀུ། 4: DLPO
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2023 Wycliffe Bible Translators, Inc. All rights reserved.
