Chhóng-sṳ Ki 15

Song-ti lâu Â-pak-làn Li̍p-yok

1Liá-sṳ yî-heu, Â-pak-làn chhai yi-siong chûng thâng-tó Song-chú tui kì kóng: “Â-pak-làn, m̀-sṳ́ kiâng! Ngài oi pó-fu ngì, thai-thai sóng-su ngì.”

2Chúng-he Â-pak-làn en-kóng: “Chṳ-kô ke Song-chú â! Ngài ki-yèn mò lai-é, Ngì hàn oi sóng-su má-ke nè? Ngài ke kâ-ngia̍p voi pûn Thai-mâ-sṳ-kiet-ngìn Yî-li-yî-chhia ki-sṳ̀n.” 3Â-pak-làn yu kóng: “Ngì mò pûn ngài lai-é, só-yî chhai ngài vuk-hâ chhut-se ke yit-ke nù-phu̍k oi ki-sṳ̀n ngài ke sán-ngia̍p.”

4Chit-sṳ̀, Song-chú yu chhut-sâng tui kì kóng: “Nù-phu̍k Yî-li-yî-chhia m̀-voi cho ngì ke ki-sṳ̀n ngìn; chṳ́-yû ngì chhîn-sên ke lai-é chang-he ngì ke ki-sṳ̀n ngìn.” 5Song-chú yèn-heu tai kì chhut-hi ngoi-poi, kóng: “Ngì khon thiên-táng, son khon-é sên-é yû kí-tô! Ngì ke heu-thoi voi chhiong sên-é án-tô.”

6Â-pak-làn siông-sin Song-chú, Song-chú chhiu khon kì cho ngi-ngìn.

7Song-chú yu tui kì kóng: “Ngài he Song-chú, Ngài tai ngì lì-khôi Pâ-pí-lùn ke Ǹg-ngí, vi-tó oi chiông liá-te thú-thi su-pûn ngì cho ngì ke sán-ngia̍p.”

8Chúng-he Â-pak-làn mun: “Chṳ-kô ke Song-chú â! Ngài ngióng-tî yit-thin voi tet-tó liá-te thú-thi nè?”

9Song-chú en-kóng: “Ngì tai yit-chak sâm-se thai ke ngiù-mà, yit-chak sâm-se thai ke sân-yòng-mà, yit-chak sâm-se thai ke mièn-yòng-kú, hàn-yû yit-chak ngie̍t-kap-è, yit-chak pân-kiêu to Ngài liá-vi lòi.” 10Â-pak-làn chhiu chiông liá-têu thung-vu̍t tai-to Song-ti ke-vi, yit-chak yit-chak pho-khôi, fûn-cho lióng-sak, phài-cho lióng-hòng; chúng-he tiâu-é mò pho-khôi. 11Yû yeu-phò pî hâ-lòi, thìn chhai ke-têu ngiuk táng-kô, Â-pak-làn chhiu chiông kì-têu kiuk-chéu.

12Ngit-thèu voi lo̍k-sân ke sṳ̀, Â-pak-làn tông hó-soi, yû chhin tet-ngìn-kiâng ke thai vû-am lìm-to kì sṳ̂n-song. 13Song-chú tui kì kóng: “Ngì yit-thin oi-tî, ngì ke chṳ́-sûn voi chhai phe̍t-ngìn ke thi-fông cho lî-hak, heu-lòi pûn-ngìn cho nù-chhòi, pûn-ngìn khî-fu si-pak ngièn. 14Chúng-he, khî-fu kì-têu ke koet-kâ, Ngài yit-thin oi chit-fa̍t kì; ngì ke heu-thoi lì-khôi ke-vi ke sṳ̀, voi tai tông-tô ke chhòi-sán chhut-lòi. 15Ngì chhṳ-kâ voi hióng chhòng-su, phìn-phìn ôn-ôn chón-to ngiâ chú-chûng ke-vi, ngi̍p-thú ôn-chong. 16To thi-si thoi, ngì ke chṳ́-sûn chang-nèn chón-to liá-vi lòi, yîn-vi Ngài oi tén Â-mô-li-ngìn chhui-ok mân-mân ke sṳ̀, chang kiuk-chéu kì-têu.”

17Ngit-thèu lo̍k-sân thôn-vû ke sṳ̀, fut-yèn yû chhut-yên ke fó-lù lâu chho̍k-tén ke fó-pá, tui ke-têu ngiuk tông-chûng kîn-ko. 18Ke-ngit, Song-chú chhiu lâu Â-pak-làn li̍p-yok, kóng: “Ngài chiông liá-te thú-thi su-pûn ngì ke heu-thoi; liá-te thi tui Âi-khi̍p-hò chhṳ̍t-to Yu-fat-lâ-tí thai-hò yit-tai, 19chhiu-he Kî-nì-ngìn, Kî-nì-sé-ngìn, Kap-mô-nì-ngìn, 20Het-ngìn, Pí-li-sé-ngìn, Li-fa̍t-yîm-ngìn, 21Â-mô-li-ngìn, Kâ-nàm-ngìn, Kiet-kâ-sat-ngìn lâu Yâ-pu-sṳ̂-ngìn ke thú-thi.”

Tällä hetkellä valittuna:

Chhóng-sṳ Ki 15: THV12Rdb

Korostus

Jaa

Kopioi

Haluatko, että korostuksesi tallennetaan kaikille laitteillesi? Rekisteröidy tai kirjaudu sisään

Lisätietoja käännöksestä HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhóng-sṳ Ki 15

Suosittuja jakeita Raamatun kirjasta
Chhóng-sṳ Ki 15

Raamattu:

Hakkafa (Roman script)

Käännös: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 15

Chhóng-sṳ Ki 15

Suosittuja jakeita Raamatun kirjasta Chhóng-sṳ Ki 15

Raamattu:

Hakkafa (Roman script)

Käännös: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 15

Suosittuja jakeita Raamatun kirjasta
Chhóng-sṳ Ki 15