cēnisis 22
22
1 #
hiparowa 11:17-19
ki ayikin māka mwēstas iyikohk ohi, kisēmanito ki kakwēcihēw ēprēāma, omisi ē ki itāt, ēprēam, ēkosi ki itwēw, ota nit ayān. 2#2 akinē ācimowina 3:1ki itik māka, otin ēkwa kikosis kā pēyakot kikosis kā sākihat, āisak oti, itohtē māka morāya askihk, ēkota māka pakitināso kita iskotēwi pakitināsoyan anita nāntaw wacihk kē wihtamātān.
3ēprēām māka wipac kēkisēpā ki waniskāw, ē ki aspapiwinikatawāt sosomistatimwa, mina ē ki wicēwāt niso ot oskinikima, asici āisaka okosisa, ēkosi ē ki tatāskikaakik mihta kē āpacihtācik ē wi iskotiwi pakitināsocik, ē ki sipwētēcik māka ē ki itohtēcik ita kisēmanitowa kā ki wihtamākot. 4ē ati nisto kisikāyik māka ēprēām ki itāpiw ki wāpahtam māka wāyaw ohci. 5ēprēām māka omisi ki itēw ot oskinikima, ota kanawēyimihk sosowimistatim, niya māka mina oskinikis ni ka natawi ayamihānān, kāwi mina kita pē otihtitāhk. 6ēprēām māka ki tahkonam mihta kē āpacihtāt kita iskotēwi pakitināsot, ē ki nayataāt āisaka okosisa; ki tahkonam māka iskotēw ocihcihk mina mokomān, ēkosi ki ati niso sipwētēwak. 7āisak māka ki kitotēw ēprēāma otāwiya omisi ē ki itāt, nohtā, ki itik māka, ota nit ayān nikosē, ki itwēw māka, mātika oma wiya iskotēw mina mihta; māka tāniwā māyatihkosis kita iskotēwi pakitināsowit? 8ēprēām māka ki itwēw, nikosi kisēmanito kita ohcistamāso māyatihkosisa kē iskotēwi pakitināsowiyit; ēkosi ki ati niso sipwētēwak.
9 #
cēmis 2:21
ki takosinwak māka ita kisēmanitowa kā ki wihtamākot, ēkota māka ēprēām ki pakitināsowināpiskokēw, mina mitoni ē ki wawēyastāt mihta, ēkosi ē ki mamācikwāpitāt āisaka okosisa, mina ē ki tēcisimāt pakitināsowināpiskohk tahkoc mihtihk. 10ēprēām māka ki sowiniskēyiw ē ki otinahk mokomān kita nipahāt okosisa. 11okisikoma māka kā tipēyihcikēt ki tēpwātik kihci kisikohk ohci omisi ē ki itikot, ēprēām, ēprēām, ki itwēw māka, ota nit ayān. 12ki itik māka, ēkāwiya otihtin oskinikis mina ēkāwiya nāntaw ihtotaw, cikēmā ēkwa ni kiskēyitēn ē kosikwēyimat kisēmanito, wiya ēkā ē miciminat kikosis, kā pēyakot kikosis, ēkā ē sākitowiyan. 13ēprēām māka ki ohpiskwēyiw mina ki itāpiw, ēkosi poti ospiskwanihk yāpēmāyatikwa ē sakiwitēyāskociniyit; ēprēām māka ki natawi otinēw anihi yapēmāyatikwa, mina ki pakitināso ēwakoni, iskotēwi pakitināsowin ē miskotiskamawāyit okosisa. 14ēprēām māka cihōwa cāiri ki isiyihkātam ēkota, kā itwānik piyis anohc kā kisikāk, o wacimihk kā tipēyihcikēt kita nokwaniyiw.
15mina kihtwām okisikoma kā tipēyihcikēt ki tēpwatik ēprēām kihci kisikohk ohci, 16#hiparowa 6:13,14omisi ē ki itikot, kēhciwāk niya ni kihciitwān itwēw kā tipēyihcikēt, cikēmā omisi ē ki itotaman, mina ēkā ē ki sākitowiyan kikosis, ana ki pēyakosān; 17#hiparowa 11:12sawēyihcikēwinihk ki ka sawēyimitin, mina mihcētoiwēwinihk ni ka mihcētoāwak kit awāsimisak tāpiskoc acahkosak kisikohk, mina tāpiskoc yēkaw sisonē kihcikamihk kā ayāk; kit awāsimisak māka kita tipēyihtamwak ot iskwātēmiyiw o notinākaniwāwa. 18#isihcikēwiniwāwa 3:25kit awāsimisak māka kahkiyaw kā tahtoskānēsicik ayisiyiniwak askihk kita ohci sawēyitākosiwak, cikēmā ki ki nanahitawin. 19ēkosi ēprēām kāwi ki pē nātēw oskinikima, ēkosi ki pasikowak mina ki māmawi itohtēwak pirsipaihk; ēprēām māka ki ayāw ēkota pirsipa.
20ki ayikin māka kā ponipayiki ohi, ki ācimostawāw ēprēām ē itiht, mātika, milka wiya mina ki nihtāwikitamawēw awāsisa kiciwāma nēhor; 21has o nistamosāna, mina pas ociwāma, mina kēmoil otāwiya ērām; 22mina cisit mina hēsā, mina piltās, mina citlāp, mina pētyoil. 23pētyoil māka ki nihtāwikihēw ripēkawa; ohi ayinānēw milka ki nihtāwikitamawēw nēhora ēprēām ociwāma. 24mina o kanawiskwēwāna, roma kā isiyihkāsoyit, wista ki nihtāwikihēw tipa, mina kēhām, mina tēhās, mina mēāka.
Tällä hetkellä valittuna:
cēnisis 22: KKMR
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
This Bible text is a transliteration of a corrected edition of the 1908 Western Cree Bible; it is in the public domain.