cēnisis 21
21
1kā tipēyihcikēt māka ki otihcipayitowēw sērahwa mwēhci kā ki itwēt, mina kā tipēyihcikēt ki totawēw sērahwa mwēhci kā ki isi wihtahk. 2#hiparowa 11:11cikēmā sērah ki ayāwēw awāsisa, mina ē ki nihtāwikitamawāt ēprēāma kē okosisiyit ē kisēyiniwiyit, mwēhci ē tipipayik kā tipēyihcikēt kā ki itāt. 3ēprēām māka ki wiyēw okosisa kā ki nihtāwikitamāht, sērahwa kā ki nihtāwikitamākot, āisak. 4#cēnisis 17:12; isihcikēwiniwāwa 7:8ēprēām māka ki sarkamsaisiwiēw āisaka okosisa ē ati ayinānēo kisikāyik, mwēhci kisēmanitowa kā ki isi sihkimikot. 5ēprēām māka ki mitāhtomitanawē piponwēw, ispi okosisa āisaka kā ki nihtāwikitamāht. 6sērah māka itwēw, kisēmanito ni ki isiik kita pāhpiwak, ēkosi māka kahkiyaw kē pēhtahkik ni ka wici pāhpimikwak. 7itwēw mina, awēna o ka ki itāht ēprēāma, ana sērah kita ot awāsimisit? cikēmā ni ki nihtāwikitamawāw okosisa sāsay ē kisēyiniwit.
8ana awāsis māka ki kiyipikiw mina ē ki poni nohtot; ēprēām māka ki kihci wikokēw anima ē kisikāk āisak kā poni nohtot. 9sērah māka ki wāpamēw okosisiyiwa anihi icipt iskwēwa kā ki nihtāwikitamawāyit ēprēāma ē pahpisimiwēyit. 10#kalēsiyana 4:29,30ki itēw māka ēprēāma, wayawiwēpin awa atoskēyākaniskwēw mina okosisa, cikēmā okosisa awa atoskēyākaniskwēw namawiya kita wici tipēyihtamomēw nikosisa āisaka oti. 11oma māka nāspic ki āyimāpisin ēprēām okosisa ohci. 12#romana 9:7; hiparowa 11:18kisēmanito māka ki itēw ēprēāma, ēkāwiya ki ka wi āyimāpisinin oskinikis ohci ahpo kit atoskēyākaniskwēm; natohta kahkiyaw anima sērah kā ki itwēk, cikēmā āisak kita ohci wicikāsowak kit awāsimisak. 13mina māka okosisa ana atoskēyākaniskwēw ni ka ohci osihāwak pēyakoskān ayisiyiniwak cikēmā kiya kit awāsimis.
14ēprēām māka ki waniskāw wipac ē kēkisēpāyāk, ē ki otināt pahkwēsikana mina pēyak asiwacikan nipi, ēkosi ē ki miyāt hēkāra ē nayataāt mina anihi awāsisa, ēkosi ki sipwētisawēw; ēkosi ki sipwētēw ē ki papāmotēt anita pirsipa pikwataskihk. 15anima māka nipi asiwacikanihk ki mēhcipayiw ēkosi ki pakitinēw anihi awāsisa sipāhkop nipisihk. 16ki sipwētēw māka wāyawis ē ohtapistawāt, nāntaw kita ki otihci pimotakwēhk iyikohk; cikēmā ki itwēw, kiyām namawiya ni ka wāpamāw awāsis ē poni pimātisit. wāyawis māka ki ohtapistawēw ēkosi ē ki mātatwēmot. 17kisēmanito māka pētawēw anihi oskinikisa ēkosi kisēmanito okisikoma ki tēpwātēw hēkāra kihci kisikohk ohci omisi ē itāt, tānēhtiyan hēkār? ēkāwiya sēkisi; cikēmā kisēmanito ki pēhtawēw oskinikisa ita ē ayāyit. 18pasiko, ohpin ana oskinikis mina siton kicihcihk cikēmā ni ka isiāw kita kistaskānēsit. 19kisēmanito māka yotēnamwēw oskisikoyiwa, ēkosi wāpahtam monaipāniyiw, ki itohtēw māka ē ki sākaskinatāt asiwacikan nipi, ē ki miyāt māka oskinikisa kita minihkwēyit. 20ēkosi kisēmanito ki wicēwēw anihi oskinikisa ēkosi ki kiyipikiw; pikwataskihk māka ki ot ihtāwiniw mina ki nihtā pimotakwēw. 21ki ot ihtāwiniw māka anima pikwataski pērān; ēkosi okāwiya ki otinamāk kita wiwit iskēwa icipt askihk ohci.
22 #
cēnisis 26:26
ki ayikin māka ēkospi apimilik mina pāikal o kihci simākanisiwikimāma ki pikiskwātēwak ēprēāma, ē itācik, kisēmanito ki wicēwik kahkiyaw kā ayisicikēyan; 23ēkwa māka kihci isin kisēmanito ē aspimoyan ēkā kita kayēsiiyan niya, ahpo nikosis, ahpo nikosis okosisa; māka kā ki isi kisēwātotātān ēkosi kē totawiyan mina kē totaman anima aski ita kā ki ayayāyan. 24ēprēām māka ki itwēw, ni ka kihci itwān. 25ēprēām māka ki kitotēw apimilika anima ohci monahipān, ot atoskēyākana apimilik kā ki maskatwēyit. 26ēkosi apimilik ki itwēw, namawiya ni kiskēyitēn awēna omisi kā ki ihtotahk; ahpo namawiya koh wihtamawin, ahpo namawiya noh pēhtēn; ēkwēyāk anohc kā kisikāk. 27ēprēām māka ki otinēw māyatihkwa mina mostoswa ē ki miyāt apimilika; tāpiskoc māka ki wicihisicikēmitowak. 28ēkosi ēprēām ki piskitayēw tēpakop nosē māyatihkosisa. 29apimilik māka ki itēw ēprēāma, tānisi ētēyimacik oki tēpakop nosē māyatihkosisak kā piskitayacik? 30ki itwēw māka, oki tēpakop nosē māyātikosisak ki ka otināwak nicihcihk ohci, kita ācimicik ē ki monahamān oma monahipān. 31ēwako ohci māka pirsipa ki isiyihkātam ēkota; cikēmā ēkota tāpiskoc ki kihci itwēwak. 32ēkosi oma kā isi wicihisicikēmitocik ēkota pirsipa; apimilik māka ki pasiko mina pāikal o kihci simākanisiwikimāma, ē ki isi kiwēcik pilistina ot askiyihk.
33ēprēām māka ki kistikātēw tāmarisk mistikwa anita pirsipa, ēkota māka ē ki mawimostahk o wiyowiniyiw kā tipēyihcikēyit, kākikē ēyāt kisēmanito. 34ēprēām māka ki ayayāw pilistina ot askiyihk mihcēto kisikāwa.
Tällä hetkellä valittuna:
cēnisis 21: KKMR
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
This Bible text is a transliteration of a corrected edition of the 1908 Western Cree Bible; it is in the public domain.