Suosittuja jakeita Raamatun kirjasta Mt 7

Jaa

Siligan, bëvë mina, dzëṅan, miayi sòm; kudan, bayi mina yaè.

Amu e nyò osë asili, abi; e nyò osë adzëṅ, asòm; bayaè e nyò osë akud.

E mod osë awog bibug biama anyiṅi fë anë biadzo, bëngahëg nyè ai mfëfëg mod ya ongaloṅ nda dzie a nkom.

Ndò hm e byem bisë miayi na bod bëbò mina, mibò bò nala. Mvende nyili ai bëprofet.

Zen enë abòd, ndzòṅ otoa fëan, a biakë a enyiṅ; e ba basòm wa bëtoa abòd.

Minyiigi mbè ya onë abòd. Amu, onë ndam abui ai anen asë, mbè ya wakë a ndzaṅ kòm, ndò abui bod lanyian ete.

Ngë e mina ya minë bëbe, mina yëm vë bòn baan mimbëmbë bifaè, esoa ya yob ayi vë e ba badzaè nyè mimbëmbë mi byem fog fe?

Të miatsig ntol, asu yë na të batsig mina ntol. A kyaè watsig ntol, akyaè endzò fë bayi wa tsig ntol. Ehëg wahëg e mod mbòg, endzò bayi wa hëg ete.

E nyò ki awog bibug biama bi, hë da tègè nyiṅ anë biadzo, bëngahëg nyè ai akud mod ya angaloṅ nda a nsëlëg a yob.

Dze wabëbë ekan enë manyòṅ a dis, otoa të yen mboṅ onë wa a dis? Ngë ki na, eyë onë dzam dzo ai manyòṅ ya na: Dzoge, mëvaa wa ekan a dis?

Mikalëga bëprofet minnal, mbò bazu abë mina ai biyie mintomba, hë da a nnëm ete bëtoa ayòg anë mvu afan. Miayi bò yëm a bibuma biaban. Yë bënë dzam koe tòm a bongo, ngë ki na mvud a ele biyò?

Na, ele esë enë mbëṅ yawum mimbëmbë bibuma, e dzi ki enë abe, yawum bëbe bibuma.

Mbëmbë ele asëki dzam wum bëbe bibuma, mbë ele ny'asiki dzam wum mimbëmbë bibuma.

Ele esë yawum ki mimbëmbë bibuma yayi tsigëban, ewoaban a ndoan.