उत्पत्ती 33
33
याकूब नु एसाव ग्रुम्शो
1मिनु याकूबम लां गे कोव़ङानु, एसाव नु ४ सहे मुर पिन पिन पशो तवा बाक्त। मिनु आ आलपुकी लेआ, राहेल नु आस गेय पाइब मीश निक्शी नु गाक्पाइक्मी बाक्त। उत्पत्ती ३२:७ 2मेको गेय पाइब मीश नु आस आल आन कली नेल्ल क्येङा ङोंइती गाक्पदा बाक्त। मिनु मेको आन नोले लेआ नु आ आलपुकी, नेल्ल क्येङा नोले राहेल नु योसेफ गाक्पदा बाक्त। 3मिनु मेको नेल्ल आन ङोंइती आंमा गाक्माक्त। मिनु मेको आ लोक्ब ग्रुम्चा क्येङा ङोंइती ७ खेयप खुम्की पा बाम्माक्त।
4मिनु एसावमी मेको कली तशा, दोरशा ग्रुम्थ जाक्माक्त। मिनु आ लोक्ब कली मुप्शा पुक्पु पदा बाक्त। मिनु निम्फा ङाक्सा बाक्त। 5मिनु एसावमी कोव़शा, आलपुकी नु मीश मुर आन कली तशा “गे नु बाक्ब सु नमी?” दे हिल्लो पवा बाक्त। मिनु याकूबमी “परमप्रभुमी इन गेय पाइब कली शिशी पशा, गेशो आलपुकी नम” दे मदा बाक्त। भजन संग्रह १२७:३ 6मिनु नोले मेको गेय पाइब मीश निक्शी नु आस आलपुकी जाक्शा, एसाव आ ङोंइती खुम्की पा बाम्मा बाक्त। 7मिनु लेआ नु आ आलपुकी जाक्शा, खुम्की पा बाम्मा बाक्त। मिनु नोले योसेफ नु राहेल जाक्शा, खुम्की पा बाप्सा बाक्त।
8मिनु एसावमी “इ ङोंइती गाक्शो मार मार मारदे सोइक्ती?” दे हिल्लो पवा बाक्त। मिनु “आं प्रभु, इन ङोंइती शिशी तङल, दे सोइक्ताक्ङ” दे लोव़ लेत्ता बाक्त। उत्पत्ती ३२:१४-२१ 9मिनु एसावमी “आं लोक्ब, आं कली मारेइ मारेइ गाप्शो बाक्ब। इ कली वोंइसो” देंमाक्त। 10मिनु याकूबमी “मदुम्ब। गो इन ङोंइती शिशी ताता हना, आं कोसेली ताक्कीन। मारदे हना गो इन कुल तशा, परमप्रभु आ कुल तशो खोदेंशो पा ग्येरसाक्यी। गे आं कली दाक्शा ब्राइतीनी। उत्पत्ती ३२:३१ 11इन कली गेशो आसीक लतीन। मारदे हना परमप्रभुमी आं कली शुश शिशी पाप्तु। आं के मारेइ मारेइ यो गाप्शो बाक्ब” दे एसाव कली मदा बाक्त। मिनु याकूबमी शुश लोव़ पा एसावमी मेको नेल्ल ताक्गा बाक्त।
12मिनु एसावमी “लो, पिन। गो गे नु लाइनुङ” देंमाक्त। 13मिनु याकूबमी “आं प्रभु, आं आलपुकी आइक्च बाक्नीम। क्यारश भेडा, बी ब्यफ आन चाइक्ब बाक्नीम। मेको आन कली नाक्ती का ला शुश गाक्पाइश्शा, श्येत गेता हना, नेल्ल बेक्नीम। 14आं प्रभु, गे इन गेय पाइब क्येङा ङोंइती गाक्कीन। गो बी ब्यफ नु आलपुकी चाप्चा ङा पा गाक्नीकी। नोले आं प्रभु आ बाक्तीक सेइर सहर जाक्नीक” देंमाक्त।
15मिनु एसावमी “आं मुर का निक्शी गे नु गाक्मल” दे मदा बाक्त। मिनु याकूबम “ममाल्नुङ। मारदे आं प्रभुम आं कली मोदेंशो रिम्शो पचा मिम्बा?” देंमाक्त। 16मिनु मेको नाक्ती एसाव सेइर गे लेम्माक्त। 17याकूब चहिं सुक्कोथ गे लमाक्त। मेकेर खिं का सेल्शा, आ बी ब्यफ आन कली गोठपुकी सेला बाक्त। मोपतीके आ बाक्तीके आं नें सुक्कोथ वोदा बाक्त। 18मोपा याकूब पदान-अराम रागी रे मारेइ मदुम्थु रिम्शो पा लेश्शा, कनान रागी ङा शेकेम सहर जाक्दीम्माक्त। सहर आ नेक्था आ बाक्तीक सेला बाक्त। 19मिनु आ ताम्बु कीतीके रू हमोर आ तौ आन दाते शेकेम आ आफ रे सहे का केसीता थाप्शा, ग्यबा बाक्त। केसीता मेकेर ङा क्येट बाक्त। सुन के बाक्बा कों, चांदी के बाक्बा कों, गिश हेल्शो बाक्ब मतुंइसीब। यहोसु २४:३२ 20मिनु मेकेर चढ़ेतीक का सेला बाक्त। मेको आ नें “एल-एलोहे-इस्राएल” दे वोदा बाक्त। मेको आ अर्थ परमप्रभु, इस्राएल आ परमप्रभु बाक्ब। उत्पत्ती १२:७-८
انتخاب شده:
उत्पत्ती 33: susz
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2011, Wycliffe Bible Translators, Inc. All rights reserved.