Luka 20

1 # Mat 21:23-27; Mk 11:27-33. Kosodi kanen kapaaran adiopet nakisisianakinia ituŋa koyekalu, ka alimonokin da akiro nukajokak, koponikis ŋes isasedotin lupeti ka ikewadikak nepepe kimakio. 2Kotemasi ŋes atiar, “Kolimokinai iswamai ijo nu kapolou anyoin, bobo da iŋai bo kiinakini apolou ŋin?” 3Koboŋok ebe, “Eoŋ da keŋisi yes akirot adioper; kolimokis; 4aibatis naka Yokana kebuni kereka kotoma akuj arai bo kotuŋa?” 5Kiŋitanakinos bonik ka bonik, kobalas ebe, “Arai kiitema ebe ‘Kebuni kotoma akuj’, etemari ŋesi atiar, ‘Aso kanukinyo mam kiyuuniata ŋes?’ 6Konye arai kiitema ebe, ‘Kebuni kotuŋa’ kibiribirete oni ituŋa kamor; naarai acamunito ebe kerai Yokana enabi.” 7Koboŋokis ebe mam kejenete nekebunio. 8Kotema Yesu kes atiar, “Eoŋ da mam kalimokini yes apolou nakeswamaa nu.”

9 # Mat 21:33-46; Mk 12:1-12. Kogeu alimokin ituŋa awaragan na ebe, “Abu etuŋanan kira amana naka emusabibu, kititiŋ ikakoriok, kolot akwap ace kiboioror apak naeoj, #Isa 5:1. 10#2 Siit 36:15,16. Kapak naka aidweny kiyakia ebulesit mama ejaas ikakoriok, tetere einakinete araito nuka emusabibu; konye kibuŋata ikakoriok ŋol, kireŋeasi titai. 11Kiyakia ebulesit ece: kibuŋata ŋol da, kisuruma ileic, kireŋeasi titai. 12Kiyakia lokiwuniet da: kimusunata ŋol da, kocakasi kiŋa, 13Kobala ejakait loka amana naka emusabibu ebe, ‘Ekonakini ai? Ejukari okokuka lominat: elemuni eyoŋete ŋes.’ 14Konye nakeanyuniata ikakoriok, kinerut bonik ka bonik, kobalas ebe, ‘Lo ŋes lokeruman: aso kaarata ŋes, tetere eraun airum nawok.’ 15Kocakasi kiŋa kamana naka emusabibu, koarata. Aso ikonakini kes ai ejakait loka amana naka emusabibu? 16Ebuni emudiari ikakoriok ŋul, einakini ice amana naka emusabibu.” Nakiirariata ŋun, kobalas ebe, “Madi akuj!” 17#Sab 118:22. Konye kosesen kes, kotema atiar, “Anyoin apolou naka akirot kana naiwadikatai ebe,

‘Amoru nakeŋerete ikadukok,

ŋin ŋes keponi kitaraunai amoru nakapolon naka agor?’

18 # Isa 8:14. Ŋinituŋanan yenibirokini kuju amoru ŋin ebilibiliun; konye ŋin yenibirokin amoru ipicipicari ŋes cut.”

19 # Luk 19:48. Apotu ikewadikak ka isasedotin lupeti komooto aikamun ŋes kosawa kaŋol, konye kokuriaka ituŋa; naarai apotu kojenut ebe inerakinit kes awaragan ŋin. 20#Mat 22:15-22; Mk 12:13-17. Kiteikinitoi, kijukasi ikarotak, lukijoseete araut lukabeit, tetere ikamunete ŋes kakiroke, kosodete aijaikin ŋes mama ejai ayait ka apolou naka ekayaiton. #Luk 11:54. 21Kiŋita kobalas ebe, “Ekesisianakinan, kijeni ebe inera, isisianakini da nukabeit, kwabo mam isei ituŋa, konye isisianakini erot loka Edeke kotoma abeit. 22Ibus kereka sio ainakin Kaisar esolo, arai bo mam?” 23Konye kojeni akecepirianut, kotema kes atiar, 24“Kitodikinai adenarit. Nakaŋai aput na, ka nuiwadikatai?” Koboŋokis ebe, “Nuka Kaisar.” 25Kotema kes atiar, “Aso kotacakis Kaisar nueraas nuka Kaisar, ka Edeke da nueraas nuka Edeke.” 26Ido mam apedorete aikamun ŋes kakiroke kakonyen nuka ituŋa; koumokis akeboŋokin koŋatakis.

27 # Mat 22:23-33,46; Mk 12:18-27,34. Kopotu ice koSadukayon mamakeŋ, luebalas ebe emamei ajarun, kiŋita ŋes ebe, #Asw 23:8. 28#Ikis 25:5,6. “Ekesisianakinan, abu Musa kiwadikak sio ebe, arai ketwana onace ketuŋanan, loemanyit, komamei ikoku, ibusakinit onaceke ayaŋaar aberu, kodumak onaceke aur. 29Aso kejaas iinacan ikanykaarei: komany losodit aberu, kotwana komamei ikoku; 30ka lokiareit da, 31Koyaŋa Iokiwuniet da; ka ice da kere ikanykaarei, kotwaka komam inyeinito idwe. 32Kawasia kotwana aberu da, 33Aso kotoma ajarun eraun ŋin aberu nakaŋai? Naarai kemanyito ikanykaarei kere.”

34Kotema Yesu kes atiar, “Emanyete odwe luka akwapin kanu, emanyario da; 35konye ŋul luimaritai araut luibusakinito adolokin akwap ya ka ajarun kokatwak, mam emanyete, karaida amanyio. 36#1 Yok 3:1,2. Naarai mam epedorete atwakare bobo: naarai eriakakinos ka imalaikan; kes da eraas idwe luka Edeke, kanu eraatar idwe luka ajarun. 37#Any 3:2,6. Konye ebe itaiarunio lukatwak, abu Musa da kitodik, kotoma owai laka Ekiyot, nakelimoria Ejakait araut Edeke laka Aburaam, ka Edeke laka Isaak, ka Edeke loka Yakob da. 38#Rom 14:8. Mam ŋes erai Edeke laka lukatwak, dimarai loka lukajarak; naarai ejarete kere kamakeŋ,” 39Koboŋokis ikewadikak ice, kotemasi atiar, “Ekesisianakinan, iner ejok.” 40Naarai mam bobo etitiŋikino aiŋit akirot.

41 # Mat 22:41-45; Mk 12:35-37. Kotema kes atiar, “Biai bo ebalatatar ituŋa ebe erai Kristo okoku loka Daudi? 42#Sab 110:1; Yok 7:42. Naarai Daudi elopet inera koitabo loka Isabulin ebe,

‘Abu Ejakait kotema Ekajakait atiar,

Kiboikin akanika nakoteten.

43Aitodol neebwaikinia Iukasurupokon araut iicoloŋ yenika akejekon.’

44Aso enyarit Daudi ŋes Ejakait, kikonakini bo ai erai ikekoku?”

45 # Mat 23:1,5-7,14; Mk 12:38-40. Kopupete ituŋa kere, elimokini ikekesisiak ebe, #Luk 11:43. 46“Kocoito ikewadikak, luekotos alosit konapitos ikason Iueojak, kominasi aiyogao kagwelanareta, ka aiboikin aiboisio nukokuiu katukosia, ka iicoloŋo lukapolou kopucin; 47ecamete itogoi luka apuserun, kanuka ejose da ilipete ailipasia nueojak; edumunete ŋul atubokinio naitelekarit.”

اکنون انتخاب شده:

Luka 20: AOV1961

های‌لایت

به اشتراک گذاشتن

کپی