ዋሐንሳ 8
8
ኦላለ Ꮉንተራ አይክንትደ ማችቶ
1ፈተ ፈተ አሺ ፋ ካራ ፋ ካራ ቅትዳ፥ የዝን የሱሳ ሻማሄ ደረ ቅትዳ። 2ማህ ዎንትስት ዎደ ጎዳ ጾዘ ኬ ይእዳ። ጋማ አሱን ኤጎ ይእን በቲ ኡንታና ታማርስዳ። 3ህገ አስታማሩንን ፋርሳዉኑ ኦላሎደራ አይክደ ፈቲ ማችቶ ኤጎ ክእዳ። ኡን አስ ኡባ ቲኖ እዞ ኤስ፥ 4«አስታማርዛዮ፥ Ꮉና ማችታ ኦላሎደራ ኑ አይክዳ። 5ሙሴ ህገ Ꮉኒ ጋርዘ ማችቶ ሹቻራ ጊ ዎደ ጋር ኪታነ። ዬዝን፥ ነ እባዝ ዋገ?» ያጋይዳ።#ሌዌ 20:10፤ ማሄ 22:22-24
6ኡን ይኖ ጋይዳና የሱሳ ፋታኒ ኤዛ ሞቶደባዝ ደንጎደስ። የዝን የሱሳ ዙጊ ፋ ግልእዘራ ሳአላ ጻፍዳ። 7ኡን ኤዛ ማህ ማህ ኦጪ አሻንጽን፥ ኡደ ቅ ጋእ፥ «ይን ግዳ ናጋራ ኦችካይዘ አስ ቲኒ እዞ ሹቻራ ጎ» ያጋይዳ። 8ማህን ዙጊ ሳአላ ጻፍዳ።
9ኡን ይኖ ስእደ ዎደ ኡን ቆፍታ ኡንእን ጭሙንፓ አይኪ ፈተ ፈተ ከዝተራ Ꮉልእዳ። የሱሳ ጻላላ ይና በስተ ኤቅደ ማችትራ አትዳ። 10ኤ ኡደ ቅ ጋእ ማችትፓ መለ አስ ብእካይዘ ዎደ፥ «ማችተ፥ ሞትዙን አባ ቅትዶ? ኔላ ፍርድዙንፓ ኦደን ባ?» ያጋይዳ።
11ማችታ፥ «ላ፥ ኦደን ባያ» ያጋይዳ።
የሱሳ ማህ፥ «ታንን ኔላ ፍርዶስ። ቅቶ፤ ማህ ናጋራ ኦችፈ» ያጋይዳ።
የሱሳ አላመስ ፎኦ
12ማንን የሱሳ አሱንጎ፥ «ታኒ አላመስ ፎኦ። ታና ካልዘ ኦደን ደኦ እንግዘ ፎኦ ኤኮዳፕ አትን ማ Ꮉንቶስ» ያጋእ ኦህዳ።#ማቶ. 5:14፤ ዋሐ. 9:5
13ፋርሳዉን፥ «ነ ነባዝ ማርክነ፥ የዝን ነ ማርካትታ ቱሮ ባያ» ያጋይዳ።#ዋሐ. 5:31
14የሱሳ ማህ፥ «ታኒ ታ ባዝ ማርክዛኮን ታ ማርካትታ ቱሮ። አኮስ ጋይኮ፥ ታኒ አባፓ የኤዛኮ ማህ አባ ቅትዛኮ ኤራነ፥ የዝን ይን ታ አባፓ የእዛኮን ማህ አባ ቅትዛኮ ኤሮስ። 15ይን አስ ቆፋ ጋር ፍርዳነ፤ ታኒ ፈቲ አሳላን ፍርዶስ። 16ታኒ ፍርድዘባዝ ማቅኮን ታ ፍርድታ ቱሮ። አኮስ ጋይኮ፥ ታና ኪተዘ ታ አዳይ ታራ የነፕ አትን ታኒ ታ ጻላላ የዞስ። 17ላምእ አስ ማርካት ቱሮ ማቅዛና ይን ህግተ ጻፍንትዳ።#ማሄ 19:15 18ታኒ ታ ባዝ ታ ኦምተ ማርክነ፤ ማህ ታና ኪተዘ ታ አደን ታ ባዝ ማርክነ» ያጋይዳ።
19ኡን፥ «ነ አዳይ አባ የነ?» ያጋይዳ።
የሱሳ ማህ፥ «ይን ታና ዎይ ታ አዳያ ኤሮስ። ታና ኤርዘባዝ ማቅዛኮ፥ ይን ታ አዳያን ኤሮዳ የሻ» ያጋይዳ።
20የሱሳ ጾዘ ኬ ሙጻተ ብራ ኦልዘ ሳጥነ የዘ በስተ ይኖ ታማርስዳ። ኤ ቃምታ Ꮉጋ የልካይዘ ግሾ ኦደን ኤዛ አይክካያ።
21ማህን የሱሳ ኡንታጎ፥ «ታ ቅቶዳ፤ ይን ታና ኮዮዳ፥ የዝን ይን ይን ናጋርትራ Ꮉይቆዳ። ታ ቅትዘ በስቶ ቅቶደስ ይን ዳንዳኦስ» ያጋይዳ።
22አይሁደ Ꮉላቁን፥ «ኤ፥ ‹ታ ቅትዘ በስቶ ይን ዮኦደስ ዳንዳኦስ› ያጋይዳ። ኤ ፋና ፋስ ዎዳ የሳነ?» ያጋይዳ።
23የሱሳ ማህ፥ «ይን ኦሞፓ፤ ታ አፋፓ። ይን Ꮉና አላምትፓ፥ ታ Ꮉና አላምትፓ ባያ። 24ይን ይን ናጋርትራ Ꮉይቆዳ ጋእ ታ ይንትስ ኦህዳና ይንስ። ታኒ ታና ማቅዛኖ ይን አማናንጽኮ ይን ይን ናጋርትራ Ꮉይቆዳ» ያጋይዳ።
25ኡን፥ «ነ ኦደ?» ያጋእ ኦጭዳ።
የሱሳ ማህ፥ «ታኒ፥ ቲኖፓ ይንትስ ኦህደ ኤዚ ታና። 26ታኒ ይን ባዝ ኦህ ፍርድዘ ጋማ ባዝ የነ። የዝን ታና ኪተዘ ቱሮ፤ ማህ ታኒ ኤፓ ስኤዛኖ ጻላላ አላመስ ኦህነ» ያጋይዳ።
27የሱሳ ፋ አደባዝ ኦህዛኖ ኡን ቲሪካያ። 28ይኒ ግሾ፥ የሱሳ ኡንታጎ፥ «ይን አስ ናአያ ኡደ ቅ ዪዘ ዎደ ታኒ ታና ማቅዛኖ ይን ኤሮዳ። ማህን ታኒ ታ አደት ዎልቃራ አኮን ኦቾሳኖን ታ አዳይ ታና ታማርስዳኖ ኦህዛኖ ይን ኤሮዳ። 29ታና ኪተዘ ታራ የነ። ታ ኡባ ዎደ ኤዛ ኡፋይስዘ ባዝ ኦችዘ ግሾ ኤ ታና ታ ጻላላ አሽካያ» ያጋይዳ።
30የሱሳ ይኖ ኦሆደራ ስኤዘ ጋማ አሱን ኤዛ አማንዳ።
ናጋራ አሮትፓ ከዜ
31የሱሳን ፋና አማንደ አይሁዱንጎ፥ «ይን ታ ቃልተ የዝኮ ቱሪ ታ ታማሩንና። 32ይን ቱሮ ኤሮዳ፤ ቱርታን ይንታና አሮትፓ ከሶዳ» ያጋይዳ።
33ኡን ማህ፥ «ኑ አብራሃማ ኮች፤ ኑ ኦደስን አርካያ። ነ ዋይዝ፥ ‹ይን አሮትፓ ኬሳዳ› ጋኤ?» ያጋይዳ።#ማቶ. 3:9፤ ሉቃ. 3:8
34የሱሳ ማህ፥ «ታ ይንትስ ቱሮ ቱሮ ጋነ፤ ናጋራ ኦችዘ ኦደን ናጋራስ አሮ። 35አሮ መናስ ካራ አሳራ የዞስ፥ የዝን ናአ መናስ ካራ አሳራ የዛነ። 36ናአይ ይንታና አሮትፓ ኬስኮ ይን አሮትፓ ቱሮ ኬሳዳ። 37ይን አብራሃማ ኮች ማቅዛኖ ታ ኤራነ። የዝን ታ ቃልታ ይን ግዳ ባይዘ ግሾ ታና ዎደስ ኮያነ። 38ታኒ ታ አዳይ ታና ቤዝዳኖ ኦህነ፥ የዝን ይንትን ይን አደፓ በኤዛኖ ኦቻነ» ያጋይዳ።
39ኡን ማህ፥ «ኑ አዳይ አብራሃማ» ያጋይዳ።
የሱሳ ኡንታጎ፥ «ይን አብራሃማ ናኡንና ማቅዛኮ ኤ ኦችዳኖ ኦቾድየሻ። 40የዝን ጾዛፓ ስኤዘ ቱርቶ ኦህደ ታና ይን ዎደስ ኮያነ። አብራሃማ ይኒ ጋራ ዪዝካያ። 41ይን፥ ይን አዳይ ኦችዳኖ ኦቻነ» ያጋይዳ።
ኡን ማህ፥ «ኑኒ ኦላለ ናአ ባያ ቱሪ ጾዘ ናኡንና፤ ኑስ ፈቲ አዳይ ጾዘ ጻላላ የነ» ያጋይዳ።
42የሱሳ ኡንታጎ፥ «ጾዚ ቱሪ ይንትስ አደ ማቅዛኮ ይን ታና ካድየሻ፤ አኮስ ጋይኮ፥ ታኒ ጾዘ ካለፓ ይእዳ። ታና ኤ ኪታነፕ አትን ታኒ ታ አደት ዎልቃራ ይእካያ። 43ታ ኦህዛኖ ይን ስኦሳና ቲሮሶ? ታ ቃልቶ ይን ስአንጽደ ግሾ። 44ይን፥ ይን አዳይ ጻላሄ ናአ። ማህን ይን፥ ይን አዳይ አሙዘባዝ ኦቾደስ ኮያነ። ኤ ቲኖፓ አይኪ ሸምፖ ዎዛያ። ቱሪ ኤ ግዳ ባይዘ ግሾ ኤ ቱሮ እጻነ። ዎርዶ ኤስ የዘ ባዝ ማቅደ ግሾን ኤ ዎርዶስ አደ ማቅደ ግሾ ዎርዶ ኦህተራ ፋፓ ኦህነ። 45ታ ቱሮ ኦህነ፥ የዝን ይን ታና አማኖስ። 46ይንታፓ፥ ‹ነ ናጋራ ኦቾደራ ታ ብእዳ› ጋዉደስ ዳንዳእዘ ኦደ? ታ ቱርቶ ኦህዘ ባዝ ማቅኮ ታና አኮስ አማኖስተ? 47ጾዘ አስ ማቅደ ጾዚ ጋዛኖ ስእነ። ይን ጾዘ አስ ማቅካይዘ ግሾ ጾዚ ጋዛኖ ስኦስ» ያጋይዳ።
የሱሳ አብራሃመፓ ቲኖ
48አይሁዱን ማህ፥ « ‹ነ ሳማራ አስ፤ ኔላ ቱና አያና የነ› ጋእተራ ቱሮ ኑ ባነ?» ያጋይዳ።
49የሱሳን ኡንታጎ «ታላ ቱና አያና ባያ። ታኒ ታ አዳያ ቦንቻነ፥ የዝን ይን ታና ለቃነ። 50ታኒ ታ ቦንቾ ኮዮስ፤ ታ ቦንችንቶደ ጋር ኮይዘን ታስ ፍርድዘ የነ። 51ታ ይንትስ ቱሮ ቱሮ ጋነ፤ ታ ቃልቶ ናግዘ ኦደን Ꮉይቆስ» ያጋይዳ።
52አይሁዱን ማህ፥ «ኔላ ቱና አያና የዛኖ ኑኒ Ꮉተ ኤርዳ። አብራሃማ Ꮉይቂዳ፤ ናቡንን Ꮉይቂዳ። የዝን ነ፥ ‹ታ ቃልቶ ናግዘ ኦደን Ꮉይቆስ› ያጋነ። 53ነ Ꮉይቂደ ኑ አዳይ አብራሃመፓ አነ? ናቡንን Ꮉይቂዳ። ነ ነና ኦና ጋእ ቆፐ?» ያጋይዳ።
54የሱሳ፥ «ታኒ ታና ቦንችኮ ታ ቦንችታ Ꮉሪ። ይን፥ ‹ኑ ጾዛ› ጋዘ ታ አዳይ ኤ ታና ቦንቻነ። 55ይን ኤዛ ኤራንጽኮን ታ ኤዛ ኤራነ። ታ ኤዛ ኤሮስ ጋይኮ ይን ፋና ታንን ዎርድነ። የዝን ታ ኤዛ ኤራነ፤ ማህ ኤ ቃልቶን ናጋነ። 56ይን አዳይ አብራሃማ ታ የእዘ ቃምቶ ብእ ኡፋይቶደስ አሙነ፤ ብእን ኡፋይትዳ» ያጋይዳ።
57አይሁዱን ማህ፥ «መለ አቶ የዝን፥ ኔስ እችንታም በረ ኩምካይዘ ዋይዝ አብራሃማ ብእዳ ጋኤ?» ያጋይዳ።
58የሱሳን ኡንታጎ፥ «ታ ይንትስ ቱሮ ቱሮ ጋነ፤ አብራሃማ የልንቶዳንፓ ቲኖ ታኒ ታና» ያጋይዳ።
59ይኒ ግሾ፥ ኡን የሱሳ ጎደስ ሹች ኤክዳ። የዝን የሱሳ ኡንታፓ ገንጊ ጾዘ ኬፓ ኬዚ ቅትዳ።
انتخاب شده:
ዋሐንሳ 8: OydaNTE
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Word for the World Ethiopia
