HINI UWASI-BIADRCIMOWA ya-sfadoci MAFIYO 17
17
1Chena nakutwvh-fukunv-giki vhkuwihi Jesise ud rmwa-lvhi Betvli, chena Jamseli, macimi u janinrli Jrneli, chena u ta kuqici-walvhi mospv-tanwi maqvhgigi nrnsihkv : 2macimi ya-lvhfv-melici via kutvgi-itwv; ya-lakuqr-baci wvhfafv-moiv brsi inv gesagi-gesfwv, chena u betanikv wvhkvnvgiv brsi ini wvivhfa-yrgi. 3Chena wrpv-mahku, ’n’tvsi u tapinrqi utfakuhi Mosiseli chena Elvicvli bami kvlo-lakuci inv. 4Chena Betv rpvfsa macimi, Dabalamiwatv, uwasv ini wvhsi gelvwa utvsi vpivqa : si taha-ivna, na husdonv utvsi nfwi rjewi-kvmiku; nakuti gelv, chena nakuti Mosise, chena nakuti Elvicv, u talrli Jesiseli. 5Ia haiahi gawvgi pami kvlvwici, wrpvtv-muku, wvhfata brfqvhgi ut vwikv-nsgrku-nrwv : macimi sci, kvlvwa-wihsimowa ini brfqvhgi uci-faiv, Yrmv inv ivhqala-mvkv ni Qihfv, weyrgi inv ni manwi-taha; notvwahku gelvwv iyoiv. 6Macimi nihki kvgahgimrfvki iah notvmu-wrci ini, mrsi ulamqi beqahsi-noki, chena lvkuqa wesrla-bwrki. 7Ma-cimi Jesise biawv macimi u tah pahsa-nvhi chena, Pvfaqeku, tagi wesrla-bwrku, u talvhi. 8Chena mr pami lrbeki, mvtv wiyafvli u nawr-wrli nihki, waciwaphi Jesiseli pahi.
9Chena yasi pami biaci brlvcsinu-wrci ini maqvhgigi uci, Jesise u tapimvhi nihi, Tagi ini sinvmowa wetvmv-wahku ilani, brluhi inv u Qihfvli ilani nili na-palici uci unsgrta, u talvhi. 10Chena u kvgahgimrfhi u nvtuhdr-kuhi, Gociwa chena nihki yr-ivwi-gacki yrwvki wvhsi Elvicv qelvhi nhihtv birci? u takuhi. 11Macimi rpvfsa, chena Svpkvhi Elvicv biawv, chena wah patagfatu jrivhki wiahi : 12pvyaqv gi tala-pwv nelv, yasi naiahkv birci Elvicv, macimi nihki mvtv u wrkumr-wrli nili, wakv goqa-nahi-grci yasi taha-wrci ut ipanvlr-wrli. Datapilvhi yone nahfrpi wah si vhqinvgi niheni uci inv u Qihfvli ilani, u talvhi. 13Hina uwa nanuh-saki nihki kvgahgimrfvki yasi rtutvmrku-wrci Jrneli inv Fvfvhqi-ulalhiwanv.
14Chena nihi Mahsa-lalici iah si birwrci, ’n’tvsi utfa-goli ilaneli, pami biaci u jeqv-nvhga-beli, macimi, 15Dabalamiwatv, bonv-mvwi gitaminrqa-ladewa ni qihfv : xvga inv mr-mrtvkuskv, macimi mvmyanrni vhqi-nvmwv : mosvgi lrqv xvga ini skudagi yr-sfa, chena mosvgi ini napigi. 16Chena ni biatv-wrki gi kvgahgimrfvki, macimi ud rlwi gegahr-wrli nihki, u tagoli. 17Chena Jesise rpvfsa, 0buryr dapwasawani macimi wa-nrtafitv sqewanv, drniwa lrqvsi gah weci vbemala-pwv? drniwa Irqvsi gah gihfah-whrcih-golapwv? biatv-wilu inv nelv, isiwa. 18Chena Jesise u kutalrli nili; macimi inv wvninah-fi nili uci luhfa : chena gega-hofu inv sgilvwah-fefv ini yrtafvgi.
19Hina nwa utfr-wrli Jesiseli nihki kvgahgimrfvki nrnsihkv, Gociwa nelvwa nid rlwi luhfa pvgilrpa inv? u talr-wrli. 20Xvga mrcqrfi ki dapwahsawa-nwv : tapilo gi tala-pwv nelv, Xvga bonv-maqa gelvwv dapwahsawa brsi nakuti paqa mvstvdewi menkv, Yoci vlvina hrla itv-maqa yomv maqvhgigi, macimi ini wa haiv; chena mvtv wiahi wah mvtvyaci-wvtwi geyrwrgi, u talvhi.
22Chena Jesise, Hinv u Qihfvli ilani nili u laciwv ilaneki wah si pvgfa-nofu; 23macimi nihki wa nfr-wrli nili, chena ini mawi nfuku-nvgigi wa hunsgr-nofu, u talvhi nihi. Chena nihki vn-hiwawi mvci-labwrki.
24Chena Gabrnivme iah si bir-wrci, nihki wv-utvhpa-nvgiki ini pvhfi-sakvli muni utfr-wrli Betvli, chena Hv mvtv dr-taphiga ki kvgahgimr-mwv ini pvhfi-sakvli? u talr-wrli nili. 25Hvnkv, iwv inv. Chena nili wegiwr-pagi iah birlici, Jesise nhihtv u kvlo-lrli, Nahiwa gi tasi taha, Svimvn’? nihki ini usgi-drmqa uci ugimrki, nafhiwa u wv uci utfaku-nrwv ini taphigawa walr dax-hudewa? Hv u qihfwvhi, walr tuga goqa-nafhi? u talrli. 26Ma-cimi Jesise, Nihi goqa-nafhi uci, ia hiulici nili, Waciganvhi nihki uqihfi-mrki tabalatvma-feki. 27Pvyaqv, belabaga wvhsi utv-gikvh-sinu-wrci ki ipanv-lrpa nihki, nhrla ini msi-napigi, chena npvgitvnu kugrti, macimi mvmi inv nvmahfv nhihtv ma-musgifrtv; chena ina mahci drwvlu-nvta, ga mkv nakuti sakvli : mvmalu ini, chena meli nihki nelv macimi gelv uci, u talrli.
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Published for Thomas Wildcat Alford in 1929
