ዶመ 4
4
አዳማፐ ኖሀ ጋካናዉ
(ዶመ 4:1—5:32)
ቃዬላነ አቤላ
1አዳም ባረ ማቻት ሄዋንና አቄዳ፤ እዛ ሻሃሮ ዎደ አቱማ ናኣ የላዱ፤ “መና ጎዳይ ታና ማድና፥ አቱማ ናኣ ደማድ” ጋደ አ ቃዬላ#4:1 ቃዬላ: እብራዌ ቃላን “ቃይን” ጌተቴ። ብለይ “ደማድ” ግያዋ። ሱንዱ። 2ቃይ አ እሻ አቤላ የላዱ።
አቤል ዶርሳ ሄሜ፤ ቃይ ቃዬል ቢታ ጎሼ። 3ኡንደና ዎድያፐ ጉየ፥ ቃዬል ባረ ጋደን ዶልያ ካፐ መና ጎዳዉ ያርሹዋ ያርሼዳ፤ 4ሽን አቤል ባረ ዶርሳ ዉድያ ግዶን ባይራ የለቴዳ ማራቱዋፐ አክ ሹኪደ፥ ኡንቱንቱ አሹዋፐ ሞያዋ ያርሼዳ። መና ጎዳይ አቤላነ አ ያርሹዋ አኬዳ፤#እብራ. 11:4 5ሽን ቃዬላነ አ ያርሹዋ አክቤና። ሄዋ ድራዉ፥ ቃዬል ሎይ ይሎቴዳ፤ ባረ ዴሙዋካ ምሴዳ።
6ያትና መና ጎዳይ ቃዬላ፥ “አያዉ ይሎታይ? ነ ዴሙካ አያዉ ሜዴ? 7ኔን ሎኦባ ኦዋ ግድንቶ፥ ነ ሶምእ ፓሽከኔ?#4:7 ነ ሶምኢ ፓሽከኔ፦ ታ ነ ያርሹዋ አካናሽን። ሽን ኔን ሎኦባ ኦና ዮፐ፥ ናጋራይ ዶኣዳን ነ ፐንግያን ሙጌ፤ እ ኔና ሞዳና ኮዬ፤ ሽን ኔን አ ጾናና በሴ” ያጌዳ።
8ሄዋፐ ጉየ፥ ቃዬል ባረ እሻ አቤላ፥ “አነ ደምባ ቦይተ” ያጌዳ። ኡንቱንቱ ደምባን ደእሽን፥ ቃዬል ባረ እሻ አቤላ ቦላ ደንዲደ ዎዳ።#ማቶሳ 23:35፤ ሉቃሳ 11:51፤ 1 ዮሃ. 3:12
9መና ጎዳይ ቃዬላ፥ “ነ እሻይ አቤል ሀቃኔ?” ያጊደ ኦቼዳ።
ቃዬል ዛሪደ፥ “ታን ኤርከ፤ ታ እሻ ናግያዌ ታኔየ?” ያጌዳ።
10መና ጎዳይ ቃዬላ፥ “ሀዋ አያዉ ኦድ? በአ፤ ነ እሻ ሱይ ቢታፐ ታኮ ዋሴ።#እብራ. 12:24 11ነ ኩሽያፐ ነ እሻ ሱ አኪደ፥ ምታናዉ ሀንጌዳ ቢታፐ ሀእ ኔን ሸቀቴዳዋ። 12ኔን ጎሽናካ ቢታይ ነዉ አይፈና፤ በትያዳን ኔን ሳኣ ቦላን ቶይላካታናሳ” ያጌዳ።
13ቃዬል መና ጎዳ፥ “ፖራ! ኔን ታና ሙርያ ሙራይ ታን ኡባካ ዳንዳየናዋ። 14ሄኮ ኔን ታና ሀቼ ሀ ቢታፐ የደርሳሳ፤ ታን ነ ስንፐ ቆሰታና፤ በትያዳን ታን ሳኣ ቦላን ቶይላካታና፤ ታና ደሞዌ ኦንነ ዎና” ያጌዳ።
15መና ጎዳይ አ፥ “ኔና ኦንነ ዎና፤ ዎፐ፥ ነ ሀሉዋ አን ላፑን ኩሽያ ከሳና” ያጌዳ። ሄዋ ድራዉ፥ ደሞዌ ኦንነ አ ዎናዳን መና ጎዳይ አ ቦላ ማላታ ዎዳ። 16ቃዬል መና ጎዳ ስንፐ ከሲደ፥ ኤደነ ባጋፐ አዋይ ዶልያ ባጋና ደእያ ኖዳ ቢታን ደኤድኖ።#4:16 ኖድ፦ ሀ ሱን ብርሸይ “ቶይላካትያ ሳኣ” ግያዋ ግያ ጋድያን ደኤዳ።
ቃዬላ የለታ
17ቃዬል ባረ ማቻትና አቄዳ፤ እዛ ሻሃሮ ዎደ ሄኖካ የላዱ። ቃዬል ካታማ ሄ ዎደ ኬጺደ፥ ሄ ካታማ ባረ ናኣ ሱንን “ሄኖካ” ጊደ ሱንዳ። 18ሄኖክ እራዳ የሌዳ፤ እራድ ማሁያኤላ የሌዳ፤ ማሁያኤል ማቱሻኤላ የሌዳ፤ ማቱሻኤል ላሜካ የሌዳ።
19ላሜክ አዶነ ጺሎ ግያ ላኡ ማቻቱዋ ዳዉ አኬዳ። 20አዳ ያባላ የላዱ፤ ያባል መህያ ሞድያ፥ ዱንካንያን ደእያ አሳቱዋ አዉዋ። 21አ እሻ ሱንይ ዩባላ፤ ዩባል ቃይ ዲ ዲጽያነ ኡልዱድያ ፑንያ አሳቱዋ ኡባ አዉዋ፤ 22ጺላ ቃይ ቱባልቃይና ግያ ናኣ የላዱ፤ ቱባልቃይን ናሃስያፐነ ብራታፐ ዱማ ዱማ ሚሻቱዋ ቆጽያዋ።#4:22 ናሃስያፐነ ብራታፐ ዱማ ዱማ ሚሻቱዋ ቆጽያዋ፦ እት በን ቱርጉሚ ብራታ ቆጽያዋንቱ ኡባ ማይዛ አዉዋ ያጌ። ቱባልቃይና ምቻታ ናእሞ።
23እት ጋላስ ላሜክ ባረ ማቼቱዋ፥ “አዴ፥ ጺሌ፥ ስስተ፤ ታ ማቻቶ፥ አነ ታን ኦድያዋ ሀይዝተ። እት ብታኒ ታና ደቼዳ ድራዉ፥ ታን አ ዎድ፤ ኤ፥ ታን ሄ ታና ማሱንዳ ዎዳላ ዎድ። 24ቃዬላ ሀሉዋ ከሳናዉ ላፑን ኩሺ ኮሾፐ፥ ላሜካ ሀሉዋ ከሳናዉ ላፑን ታማነ ላፑን ኩሺ ኮሼ” ያጌዳ።
ሴታነ ሄኖሳ
25አዳመ ባረ ማቻትና ግስና ሀራ ናኣ የላደ፥ “ቃዬል ዎዳ አቤላ ድራዉ ጾሳይ ታዉ ሀራ ናኣ እሜዳ” ጋደ፥ አ ሴታ#4:25 ሴታ፦ ሀ ሱን ብርሸይ “እሜዳ” ግያዋ። ጋደ ሱንዱ። 26ሴትካ አቱማ ናኣ የሌዳ፤ አ “ሄኖሳ” ጊደ ሱንዳ። አሳይ መና ጎዳ ሱን ጼሲደ ጎይንያዋ ሄ ዎደ ዶሜዳ።
اکنون انتخاب شده:
ዶመ 4: DFBE
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Word for the World Ethiopia