मत्ती 17
17
यीशु को रुप बदलनो
(मरकुस 9:2-13; लूका 9:28-36)
1छे दिन का बाद यीशु ने पतरस अरु याकूब अरु ओको भैइ यहून्ना खे सात लियो, अरु ओखे अकेला मे कोय उची टेकडी पर लीखे गया. 2अरु व्हा उनका सामने ओको रुपातरण हुयो ओका मुडा पर सुरज का जसो चमक्यो अरु ओका कपडा उजाल्ला का जसो उजालो हुये गयो. 3अरु मूसा अरु एलिय्याह ओका सात बात करता हुया तीन सेवक खे दिखय दियो. 4येका पर पतरस ने यीशु से बोल्यो, “हे प्रभु, हमारो ह्या ऱ्हेनो अच्छो हइ. अगर तरी इच्छा हुये ते मी ह्या तीन मण्डप बनायु. एक तरा लिये अरु एक मूसा का लिये अरु एक एलिय्याह का लिये.”
5उ बोली रो थो, की एक उजालो बद्दल ने उनखे झाकी लियो, अरु उ बद्दल मे से यो बोल नीकल्यो, “उ तरो लाड को बेटो हइ. जेका से मी प्रसन्न हुयो येको सुन.”
6सेवक होन यो सूनीखे मुडा का बल गिरि गया अरु भोत डरी गा. 7यीशु ने उनका पास अयखे पकड्यो, अरु बोल्यो, “उट, डरे मत.” 8तब उनने अपना आख उठ्यखे यीशु खे छोडी खे कोय दुसरा खे नी देख्यो.
9जब वे टेकडी से उतरी रा था तब यीशु ने उनखे या आज्ञा दि, “जब तक इन्सान को बेटो मऱ्या हुया मे से जिन्दो हुयो, तब तक जो कुछ तुम ने देख्यो हइ कोय दुन्याहोन से नी बोलनु.”
10अरु ओका सेवक होन ने ओकासे पुछ्यो, “फिर व्यवस्था का शास्त्री का बोलस हइ, एलिय्याह को पैयले आनो नीश्वित हइ?”
11ओने उत्तर दियो, “एलिय्याह तो जरुरती आह्ये अरु सब कुछ सुधारे. 12पन मी तुम से बोलुस हइ, की एलिय्याह ए चुक्यो. अरु उनने ओखे नी पैछान्यो. पन जसो चायो असो ही ओका सात कऱ्यो. यो प्रकार से इन्सान को बेटो भी ओका हात से दुख उठाये.”
13तब सेवक होन ने समझ्यो कि ओने हम से यहून्ना बपतिस्मा देनआला का बारे मे बोल्यो हइ.
बुरी आत्मा से पिडीत बच्चाहोन खे अच्छो करणो
(मरकुस 9:14-29; लूका 9:37-43)
14“जब वे गर्दी का पास पोच्यो, ते एक इन्सान ओका पास आयो, अरु टोगऱ्या टेकी खे बोलन लग्यो. 15हे प्रभु, मरा बेटा पर दया कर! क्युकी ओखे मीर्गी आस हइ, अरु उ भोत दुख उठास हइ. अरु बार-बार अंगार मे अरु बार-बार पानी मे गिरी जास हइ. 16अरु मी ओखे तरा सेवक होन का पास लायो थो, पर वे ओखे अच्छो नी करी सक्या.”
17यीशु ने उत्तर दियो, हे अविश्वासीहोन अरु बिगड्या दुन्याहोन, मी कब तक तुम्हारा सात ऱ्हुयु? कब तक तुम्हारो सहनु? ओखे ह्या मरा पास ला. 18तब यीशु ने ओखे आज्ञा दी, अरु बुरीआत्मा ओमे से नीकली. अरु बेटो उ टेम मे अच्छो हुय गयो.
19तब सेवक होन ने एकला मे यीशु का पास अयखे बोल्यो, “हम येखे, नी निकालीस सक्या?”
20ओने उनका से बोल्यो, “अपना विश्वास कि कमी का कारण क्युकी मी तुम से सच्ची बोलुस हइ, अगर तुमारो विश्वास रइ का दाना का बराबर भी हुये, ते या टेकडी से बोली सखे, ह्या से सरकी खे व्हा से चली जा. ते वा चली जाये. अरु कोय बात तुमारा लिये कठीन नी हुये. 21पर या जातहोन का बिना प्रार्थना अरु उपास का बिना नी नीकलस.”
अपना मरना का बारे मे यीशु कि डबल भविष्यवाणी
(मरकुस 9:30-32; लूका 9:43-45)
22जब वे गलील मे था, ते यीशु ने उनका से बोल्यो, “इन्सान को बेटो इन्सानहोन का हात मे पकड्यो जाये. 23अरु वे ओखे मारी डालनो चास कि अरु उ तीसरा दिन जिन्दो उठ्ये.”
येका पर वे भोत उदास हुये.
मन्दिर को कर लेनो
24जब यीशु अरु सेवक कफरनहूम मे पोच्या, ते मन्दिर का लिये कर लेनवाला ने पतरस का पास अय खे ओका से पुछ्यो “तुमारो गुरु मन्दिर को कर नी दिये?”
25ओने बोल्यो, हव देउस हइ. जब उ घर मे आयो, ते यीशु ने ओका पुछना से पैयले ओकासे बोल्यो, “हे शमौन तु का समझस?
“पृथ्वी को राजो चुंगी या कर को का से लेस हइ? अपना बेटाहोन से या दुसरा से?”
26पतरस ने ओकासे बोल्यो?
“दुसरा से.” यीशु ने ओकासे बोल्यो, “तब बेटाहोन कर देना से बची गया. 27फिर भी हम उनखे ठोकी खे नी खलानु, तु नदी का एक किनारा पर जय खे जाल डाल, अरु जो मंछी पैयले नीकले, ओखे ला. ते तोखे ओको मुडो खोलना पर एक चादी को सिक्काको#17:27 स्टाटेर शब्द शा एक चादि, सिक्का, था जिस, किमत दो झणकी चुगी, बरोबर था मील्हे, ओखे लिखे मरो अरु अपना बदल मे उनखे दी देनु.”
اکنون انتخاب شده:
मत्ती 17: NTGnn24
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The New Testament in Gowlan Language ©The Word for the World International and Gawlan Translation Samiti, Telkhar, Maharashtra, India, 2024.
