लुका कागतक् परिचय
कागतक् परिचय
यि खुस्सिक् खभरक् कागत लुका बाज्ल मानुसे लेख्ल हो। लुका बिरउ कर्लाहार डाग्धर रैल्हक् (कलस्सि ४:१४)। ओहिं यि खुस्सिक् खभर इस्बि सम्बत् ६५-७० क् पाखा लेख्ल बाजिहिंन् बाइबलक् बिद्वानलके बाज्ल धरट्थ्ला।
लुकाइ लेख्ल यि खुस्सिक् खभरक्भरे येसुलाइ यन्हिं देखाल रहेलाः येसु इस्राएलिलकक् ठालाइ आइस् बाजिहिन् बाचा कर्ल मुक्ति देलाहार खिरिस्ट आउँ सेब्भ्रोउ जातक् मानुसलकलाइ बाँचालाहार रहैस्। ओहिं गरिपलक् आउँ दुक्खमा रैल्हाहार जम्माहिंलाइ खुस्सिक् खभर सुनाउस् बाजिहिन् परमपर्भुइ ओक्रानि आफ्निक् आत्मा देलक्। यि खुस्सिक् खभरक् कागतइ जम्मा थरिक् समस्यामाहा पोर्लो मानुसलकलाइ वास्ता करिहिन् लेख्ल रेहेला। यछि खुस्सिक् खभरक् कहिनलक् मज्जाइसौ बुझ्न्याँ करिहिन् लेख्लरेहेला, खास करिहिन् यक्राक् सुरुक् अध्यायलके येसु आइल कहिन् आउँ फेरि पाछुल्कोक् अध्यायलकैसेहे येसु स्वर्गोमाहा उक्लिहिन् जाइल कहिन् जानाल रहेला। येसु स्वर्गो जाहिन् सक्नेसौ खिरिस्टियन बिस्वास बर्ह्यिहिंन् जाइलकुन् आउँ जम्मापाखा फिंझ्ल कहिनलक् लुकाइ “प्रेरितलकक् काम” बाज्ल कागतइ लेख्ल धरैस्।
ओक्राक् दोस्रो आउँ छवउँ भागलक् यिहे कागतइ माटेन् पायला, यरङ् थुप्रोय कहिनलक् टरै देल बिसइ-सुचि दिठाहो, जहरङ्: स्वर्गोदुतलके गित्काल पर्सन्साक् गित, येसु जर्मलटाकै चह्र्वालक् ओक्राक् मुख दिठाबा आइल, येसु चुटुनाइ बेलाइ मन्दिरमाहा जाइल कहिन् आउँ सामरियाक् दायालु मानुस आउँ हेर्ल बेटाहिंकक् खिसा। यहेरङ् करिहिन् यि कागते यरङ् खालक् कहिनक्लाइ आको जोर देल रहेला: पाराथ्ना, पबित्र आत्मा, येसुक् सेवाइ अइमाइलकक् जिम्मा आउँ परमेस्वरक्भरे मानुसक् पापक् छेमा भेलाहार कहिन्।
छोटो बिसइलक्
भुमिका १:१-४
बप्तिस्मा देलाहार यहुन्ना आउँ येसुक् जल्म आउँ छोट्के टाक्कोक् समइ १:५—२:५२
बप्तिस्मा देलाहार यहुन्नाइ कर्ल सेवाक् काम ३:१-२०
येसुक् बप्तिस्मा आउँ परिछ्या ३:२१—४:१३
गालिलमाहा येसुक् कर्ल सेवाक् काम ४:१४—९:५०
गालिलेसौ लेहिन् यरुसलेमसम्म ९:५१—१९:२७
टुर्हाउनिक् साताइ यरुसलेमै १९:२८—२३:५६
येसु मोर्लोलकक्भरे जिउँटिबानाइ स्वर्गो जाइल २४:१-५३
انتخاب شده:
लुका कागतक् परिचय: DEWZ
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2024 (Active), Mother Tongue Translators Society and Wycliffe Bible Translators, Inc. All rights reserved.