Matta Mʊlalɨgɔ
Mʊlalɨgɔ
Nʊ a mʊla Fulon Kɛl Lǝmɨ nɨɨ, nǝn Matta. N Bwɛ Yahuda, win a mʊgɔ bɛtɔ twama Yesui.
Fulon Kɛl Lǝmɨ Nɨ Matta A Mʊlaɨ, a nʊng gɔ Yesu nǝn gɔ Nʊ nɨ ja gul gǝm bwiyeli, ja maa swatǝm yaa gǝnɔ a mʊgɔ Langǝn Bwangǝn Galɨgɨɨ, nʊ nɨ tag Yahudawagɔ ya nǝl lɛ gɔ bɛ bɛɨ. Naatɨnɔ a gǝlala Fulon Kɛl Lǝmɨ Nɨ Matta A Mʊlaɨ, a sʊtǝn bɛl golantɨn nǝbkuwotǝmkǝgagɔ a mʊgɔ Langǝn Bwangǝn Swatǝm Yaa Galɨgɨɨ, sǝ a nʊng kanga Yesu a yii jii. A nʊng tag gɔ Yesu n nǝl a guu Ibrahimi (1:1). Naatɨnɔ a gǝlala tag sʊwa lɛ gɔ Yesu nǝn “Bʊla Daudaɨ,” gɔ Yesu dǝngdǝng jǝbɔ Nʊ nɨ ja gul gǝm bwiyeli, kanga Yahudawagɔ nǝn dul jin ja nǝ bɨlǝngkɛlɨ.
A na nyɔ, fulon kɛl lǝmɨgɔ a nya yotǝm a daa gɔ Yahudawagɔ woi, mɨ nyǝmatǝm wo sʊwa lɛ gɔ fulon kɛl lǝmɨ Yesu Kiristii a yǝlam a nǝbɔ yoolii nɨ gwam, Yahudawagɔ jǝbɔ Bʌtʌbɔ. Fulon Kɛl Lǝmɨ Nɨ Matta A Mʊlaɨ a nʊng a talɨ gɔ Yesu n kaa dalɨ feyi wʊnɨ mɛlalɨ gǝnɔ jǝbɔ kɛl gǝnɔ nʊng lɛ gɔ nǝngǝn nǝn kwaan dangǝn a laa a Musaɨ.
Kanjǝlɔ A Mʊgɔ Langǝn Bwangǝn Nɨɨ
Guu Yesui Jǝbɔ Bʌtʌm Gǝnɔ 1:1--2:23
Kiyotǝm Kɛl Kwaamaɨ A Jel A Daa Yohana Woi Nǝ Yʊtǝm Mwɛ Sagsag 3:1-12
Yʊtǝm Mwɛ Sagsag Yesui Jǝbɔ Tɛltǝm Gǝnɔ 3:13--4:11
Maajɨtɨn Yesui A Tǝm Galilii 4:12--18:35
Yǝlatǝm Yesui A Galili A Yɔ A Urushalimaɨ 19:1--20:34
Dɨltǝm Maajɨ Yesui A Urushalimaɨ 21:1--27:31
Kʊʊtǝm Yesui Jǝbɔ Bwaa Gǝnɔ 27:32-66
Guntǝm Yesui Jǝbɔ Nʊngtǝm Dul Gǝnɔ 28:1-20
اکنون انتخاب شده:
Matta Mʊlalɨgɔ: DBD
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
©️2024 Luke Initiative for Scripture Translation