Matsiyù 17

Yesù lakereu min niì jèèn tsɛ

(Marikì 9.2-13; Lukì 9.28-36)

1Àyìwà bwèy tsùnmɛn tà shɔ̀ùn, Yesù yè Piyɛrì, ko Yàkubà, ko tɔ̀ raa keresi Yùxanà kiri gban e ra, è bè tèyn è ka jèn gbààn sɔn tsɛ, yè bà ni mɔn e si. 2È ni mɔn, y'à jà Yesù lakereu. À jaakɔrɔɔ̀n den deèn a ci bwèy, à mà vya reè yè bà fyɛɔ tɛrɛ, tɛrɛ, tɛrɛ a ci vyevyeè. 3Tɔ̀un, yè kɛɛra Musà ko Àliì jà, twɛy goomaa à ka. 4Piyɛrì yè goomaa sen, è dzin Yesù rà ci: «Tsìfaà, mìn bà ni mìin, tɔ wù dɛ ! È ba wo sàò, mun na bùù gba vyama zhiigi kun mìin, wo raa soo, Musà raa soo, ko Àliì raa soo.» 5#Gok 22.2; Zab 2.7; Ekk 42.1; Mat 3.17; 12.18; Mar 1.11; Luk 3.22; Sdk 18.15.#Piy2 1.17,18.Piyɛrì ni tɔ̀ goomaa nà, ŋaamunun den denkɔɔn sɔn yeè nà è tsyee, ciàn yè bà ni è tsɛ. Vu sɔn yeè bo ŋaamun'na ɲàn tɔ̀un, tɔ̀ yeè dzin ci: «Nèe mun Dzin Kpir'la rìì yɛ nèe, mun nìi kɛ̀niɔ̀n fɔ è bè geren, è bà dzibeu mun na. Ye e toro wɔ à re !» 6Kàràndzin zhiigia tɔ̀ goomaa myɛ̀un min niì, è shiuma brìsi yè mɛɛy, yè kuu e jaa rèè tsɛ. 7Yesù yè e kpɛrɛ̀ è ra tɔ̀un, è dzyɛn è ra, è dzin ci: «Ye fù, e maà shi waa !» 8Yè e jaa rèè ɲanseun min niì, Yesù soo boshɔ̀ùn, è na mòò pɛn jà dɛ.

9Àyìwà, è jàà bokɔɔn jèèn tsɛ, Yesù y'à dè màxɔbe è ra ci: «E nìi jàu, e maà à dè mòò pɛn jaa ra, fɔ Adamà dziàn yè bè sèè kpunan bo fùn nèè fi.» 10#Mak 3.23.Tɔ̀un, kàràndzin neè y'à tey ci: «Feera, Sàrìryà Kaamoo reè yè bà dziàn, ci fɔ kɛɛra Àliì yè nà ŋe ?» 11Yesù ci: «À sààben, Àliì nà nà, è goò sapɛ dzii mà sɛ̀rɛ̀nbe e shɔùn. 12#Mat 11.14.Ŋà, mun nì ci e ra, Àliì nàu nòn, è to na à tɔ̀ waa. Goo o goo dzibeu è ra, è tɔ̀ fau à ra. Tà doùn, Adamà dziàn sa wù, è byɛn è suun.» 13Àwà, kàràndzin neè y'à tɔ̀ tɔ̀ rii ɲan, ci à Mòdzìn Jààràfoobaa Yùxanà nì gooma dekɔɔn ye ra.

Yesù kìnìnkìnìnsànkɔɔn sɔn cɛrɛmabeu min niì

(Marikì 9.14-29; Lukì 9.37-43)

14Àyìwà è kpɛyn sèeŋmaà yè nà wɔ jàmaà tsɛ tɔ̀un, kpiri sɔn yeè nà e kunun gban Yesù bììn. 15È dzin ci: «Tsìfaà, màtsuru n dzin kpir'la rà, kàtsu kìnìnkìnìnsàn ɲin'nà ni à ra, nìi y'à byɛɔ̀n fɔ è bè geren. Waatsia sɔn ɲan à y'à mɛɛ̀ sa rɔ̀n, waatsia sɔn, à y'à mɛɛy yu rɔ̀n. 16Mun nàu à ka wo re kàràndzin neè rè, ŋà è na dzi à cɛrɛmabe waa.» 17Yesù yè dzin ci: «Ye she mòdzìn ɲan ree reè, e na ɲɛɔ̀n Ŋaablà ra ! Mun nà to ye ka min ye re goo rèè ku n ɲan fɔ waatsi kɛn ? Ye nà dziɛ̀n ka n kɔ mìin.» 18Yesù yè e cerè kweè tsɛ, è bo dziɛ̀n ɲàn. Tɔ̀ nɔ̀nkɔɔrɔn, dziɛ̀n yè cɛrɛmabe.

19Tɔ̀un, kàràndzin neè yè nà e kpɛrɛ̀ Yesù rà, y'à tey e soone ci: «Fee y'à to ɲe na dzi kwey rèe kaa bo dziɛ̀n kpɛyn do ?» 20#Mat 21.21; Mar 11.23; Kor1 13.2.Yesù ci è ra ci: «Ye re ɲɛynaà dzyɛ̀nbee rìì kamà, ye na dzi waa. Sààben na, mun nì ci e ra, ɲɛyna ye ba na ni ye ɲan, nìi blàbee kaanindzian boò, ye na dzia dzin nèe jèn nèe ra ci: "Bo a shɔùn e bè nuu," à to na nà bo e shɔùn n dzi. Goo sɔn pɛn fa ni ye jan waa.» 21[Àwà nèe kwey kaatsi rèe na dzia kaa kaaŋ'n kuru pɛn na, suàn ko màfyɛɛ̀n shɔ̀un waa.]

Yesù yè e saàn ko e seè kpunaàn gooma deu min niì kɔn

(Marikì 9.30-32; Lukì 9.43-45)

22Àyìwà, sii sɔn see, è Yesù rè kàràndzin neè ladzyeeŋma to Galile mar'lɔùn, Yesù yè dzin è ra ci: «Mòo nà Adamà dziàn wɔ mòdzian suun, 23y'à vu. À saunmaà bwèy zhììgìraa sii sèè è sèè kpunan bo saàn ɲàn.» Tɔ̀ goò yè kàràndzin neè taama ŋununbe fɔ è bè geren.

È xɔnsɔɔn goo tey fau Yesù rè min niì

24 # Jdk 30.13; 38.26. Tà shɔ̀ùn, Yesù ko e re kàràndzin neè yè dɔ̀n be Kapɛrinaxumùn wɔ̀ rɔ̀n. Tɔ̀un, nìì reè Ŋaablà re gbà blàa xɔnsɔɔn tsià, twɛy yè nà Piyɛrì kpɛyn y'à tey ci: «Ye kàrànfaà na Ŋaablà re gbà blàa xɔnsɔɔn sàr'la gbɛ ?» 25Piyɛrì ci: «Ɔ̀ɔn, à y'à sàr'la.» Àwà Piyɛrì bèu dɔ̀n tsii rɔ̀n tɔ̀un, Yesù yè tabe à y'à tey ci: «Shimɔ̀n, wo nèe jàa dzùrù ? Dzɔ̀nxɔɔ̀ tsɛ màsa reè wù yè xɔnsɔɔn ko fàànmàn ɲɛɛ̀n tsi tsi ì rìì lè ? È dzin nèè ràà, tàà tɔn'leè ?» 26Piyɛrì ci: «À tɔn'leè rìì.» Yesù yè dzin à ra tɔ̀un ci: «Tɔ̀ y'a kpàdèe ci è dzin nèè dzii na ni à sàr'là ɲàn kɛ̀ ? 27Tà ko e sa ra, mìn dzin ci mùn mà mòdzin nee reè ɲìnìn goo fa, bè yu blàa rà, e duleen ji. A naà ji jɔna niì kun, à sɔ̀ɔ̀n bo a dzu san. Wo nà ɲɛyn ja mɔn. E tɔ̀ ɲɛɛn sen, a raà ko mun naà sa sarà à ka.»

اکنون انتخاب شده:

Matsiyù 17: BDZU

های‌لایت

به اشتراک گذاشتن

کپی

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

در مورد Bible Dzùùngoo Unicode اطلاعات بیشتر کسب کنید

آیات محبوب کتاب مقدس از
Matsiyù 17

ویدیوهایی برای Matsiyù 17

۲۱-۱:۱۷ متّی

Lumo Project

۲۷-۲۲:۱۷ متّی

Lumo Project

Matsiyù 17

آیات محبوب کتاب مقدس از
Matsiyù 17

ویدیوهایی برای Matsiyù 17

۲۱-۱:۱۷ متّی

۲۷-۲۲:۱۷ متّی

كتاب‌ مقدس:

Dzùùngoo

ترجمه: Bible Dzùùngoo Unicode - BDZU

Matsiyù 17

Matsiyù 17

آیات محبوب کتاب مقدس از Matsiyù 17

ویدیوهایی برای Matsiyù 17

۲۱-۱:۱۷ متّی

۲۷-۲۲:۱۷ متّی

كتاب‌ مقدس:

Dzùùngoo

ترجمه: Bible Dzùùngoo Unicode - BDZU

Matsiyù 17

آیات محبوب کتاب مقدس از
Matsiyù 17