SEEMTIRNAK 5
5
Adam Ih Tesinfa Pawl
(1 San. 1.1-4)
1A tanglam pawl cu Adam ih tesinfa an si. Pathian in minung a sersiam tikah amah Pathian hmuihmel kengin a sersiam. 2Pathian in mipa le nunau a tuah ih seemsuah an si ni ih thokin thluasuah a pek ih, “Minung,” ti ah a ko. 3Adam cu kum za le sawmthum a kim tikah amah ih hmuihmel kengin fapa a nei ih a hmin ah Seth a sak. 4Cuih hnuah kum zariat a nung lai. Fanu le fapa dangdang tla a nei ih, 5kum zakua le sawmthum a ti ah Adam cu a thi.
6Seth cu kum za le kum nga a ti tikah fapa Enosh a nei. 7Cuih hnuah kum zariat le kum sarih a nung ih faate dang tla a nei. 8Kum zakua le kum hleihnih a ti ah a thi.
9Enosh cu kum sawmkua a ti tikah fapa Kenan a nei. 10Cuih hnuah kum zariat le kum hleinga a nung ih faate dang tla a nei. 11Kum zakua le kum nga a ti ah a thi.
12Kenan cu kum sawmsarih a si tikah fapa Mahalalel a nei. 13Cuih hnuah kum zariat le sawmli a nung ih faate dang tla a nei. 14Amah cu kum zakua le kum hra a kim ah a thi. 15Mahalalel cu kum sawmruk le kum nga a si ah fapa Jared a nei. 16Cuih hnuah kum zariat le sawmthum a nung ih faate dang tla a nei. 17Kum zariat sawmkua le kum nga a ti ah a thi.
18Jared cu kum za le sawmruk le kum hnih a si ah fapa Enok a nei. 19Cuih hnuah kum zariat a nung ih faate dang tla a nei. 20Kum za kua sawmruk le kum hnih a ti tikah a thi.
21Enok cu kum sawmruk le kum nga ah fapa Methuselah a nei. 22Cuih hnuah Pathian thawn pawlkom aw-in kum zathum a nung ih faate dang tla a nei. 23Enok cu kum zathum sawmruk le kum nga a nung. 24Pathian thawn pawlkom-aw in a nung ih a hlota, ziangahtile Pathian in a lak a si.
25Methuselah cu kum za le sawmriat le kum sarih a si tikah fapa Lamek a nei. 26Cuih hnuah kum za sarih sawmriat le kum hnih a nung ih faate dang tla a nei. 27Kum zakua sawmruk le kum khua a ti ah a thi.
28Cun Lamek cu kum za le sawmriat le kum hnih a si ah fapa a nei ih, 29“Bawipa ih siatserhmi leilung par hrimhrim ahhin hi fapa cu kan zonzaihnak sung ihsin in suahtu a si ding,” ti ah a ti ih a hmin ah Noah a sak. 30Cuih hnuah Lamek cu kum zanga sawmkua le kum nga a nung ih faate dang tla a nei. 31Kum zasarih sawmsarih le kum sarih a ti ah a thi.
32Cun Noah cu kum zanga a si tikah fapa pathum a nei: Shem, Ham le Jafet an si.
اکنون انتخاب شده:
SEEMTIRNAK 5: FCL
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Falam Bible Revision © Bible Society of Myanmar, 2002.