Matthaisioi Phrinzangpo 6
6
1Khyentes khyenti noro lasun miuni dunla stanma mabashik medna rshnamuniang yodkhan khyenti Ati shitiana khyentanga zde med. 2De phya khyeres (Ashipi) skalchik tangtsana/ngarchanunis/khontanga miunis stodkha bok zere strangbu-un nang rshmaqdus sa-uniang ba tsoḵẖs po khyeri dunla kharshna maphus. Chhadkhika ngas khyentanga zered dounla rangi zdeo thobsed. 3Dobasang khyeres (Ashipi) skalchik tangsna khyeri (Ashipa-a phulskhan) skalpo sangse luspa khyeri tranglaqpos baskhanpo yonlaqpoa thsormachuk. 4Dekana phaqa jukse thongkhan khyeri Atao khores khyeranga/ngone/ zde salcha in.
5Yang khyerang rchortsana, ngarchanun natsoḵẖs base madult chiazerbana miunla rang thongshukpa samse stranguni kyoqun nang rshmaqdus-sauniang langse dukse rchorchawa khongun thaded. Chhadkhika ngas khyentanga zered khongunla rangi zdeo thobed. 6Dobasang khyeres rchortsana khyeri suang medkhan ḵẖutueang jukse go chuksena phaqa yodkhan khyeri Atawa rchor yang phaqa jukse yoden thongkhan khyeri Ataos khyeranga/ngone/zde salcha in.
7Amma khyetang Ashipa-a juik batsana e janmi mithsirun na tsoḵẖs dyatsuga tamlzab mabashik chiazerbana khonti tam mangmoe phya gangrgya chhok zere khongunis samed. 8De phya khongun na tsoḵẖsmabashik chiazerbana khyentes jua bachao basang snanla khyenti Atawa khyentanga rgosha yodpao rshtaḵẖspa yod. 9Dekana khyentes ditsuga Ashipa-a jushik "Kasa Rshnamuniang yodkhan ngachi Ata; yeri mingpo Rtsangma dukshik! 10Yeri rgyastridpo yongchukshik; yeri ranlukspo rshnamuniang/ben yod pao na tsoḵẖspo/yang seka-ang bacha songshik! 11Ngachi/jaqtang rgosha yodkhan/ṯakiu diringa ngacha-a salba zad. 12Yang ngachas ngacha nabarla kyaqkyoq bakhanunla skyonzod ba tsoḵẖspo, yeresang ngachi budthalunla skyonzod bazad.
13Yang ngacha thikchadiangnuk maphangma zad, dobasang nganpiangna ngacha khomchukpa zad, chiazerbana rgyastridpo nang khyudpo nang chhezbrelno dusun tso iang yeri in. Amen! 14Chiazerbana taqdir khyentes miuni kyaqkyoqunla skyonzod basna khyenti Atabsang khyentanga skyonzod bok. 15Amma taqdir khyentes miuni kyakyoqunla skyonzod ma basna khyenti Ataos khyenti kyakyoqunla skyonzod miba. 16Yang khyentang Ashipi lamiang/ khastonga duktsana salyakh rchokhanun natsoḵẖs rdong jikse khastonga madukshik, chiazerbana khongunis khontang khastonga yod zere miunla thongchukpa rdongzo shikse jaqed. Chhadkhika ngas khyentanga zered, khongunla zdeo thobed. 17Dobasang, khyerang khastonga dugen khyerang khastonga yodpao phaqa yodkhan Atao tsa-a mene miunla mithongma khyeri goa mar skua, yang khyeri rdongpo khrus. 18Yang phaqa jukse thongkhan khyeri Ataos khyeranga/ngone/zde saluk.
19Mukpa nang thsaqis shikpi yang rshkunmas qom phude rskuse khyerbi di seka khyeri phya sera masoq. 20Dobasang mukpa nang thsaqis mishikpi yang rshkunmas hana qom phude hana rshkuse mikhyerbi rshnamiang khyeri pya sera soq. 21Chiazerbana khyeri sera yodseka khyeri snyingpoang dukcha in. 22Rgoe odpo mikpo in, khyeri mikpo salpo yodna khyeri rgobzukspo odchan chhok. 23Amma, khyeri mikpo rtsoqpo songna khyeri rgo gang ganga thub chhok. Dekana taqdir khyeriang yodkhan odpo ṯhub songna ṯẖubpo gatsuk rshanṯek in.
24Ashipa nyisi tson base sua-ang dukpa khyudchan men, chiazerbana hana chikchikpona mirgakhan dukse echikpo rgakhan chhok; hana chikchik pona chhamse dukse echikchikpo rtsismed bok. Khyentanga Ashipa nang/Mamon/zerkhan rshmuli norzan/-inyiskoe tson base dukpa khyudchan men. 25Dephya ngas khyentanga zered, khyentanga chi zok hana chi thungnuk zere khyenti stroqa qolṯo mabashik hana rgoeka chi gonuk zere qolṯo mabashik! Zachao basang stroqpo rgyala mena ? Yang gonchao basang rgo rgyala mena ? … 26Phurkhan stroqchaqis chang taba med hana chang rshnga med; hana bangmeang chang saqpa med zere dounla ltashik! Yang rshnami khyenti Ataos doun soed; khyentang doun basang rinthos mena ? 27Ni, snangachan dukse rangi thseka khru gang thosshukpa khyentiang na sua khyuded ? 28Yang khyentes gonchasi phya chi snanga bed ? Jingi/khro smi/mendoqunla ltashik! Doun gatsuga chhopo chhed, dounis narpa ba med, kalba-ang med. 29Amma ngas khyentanga Solomonla-ang rangi chhezbrel saqiang douniangna chik natsoḵẖs base gonlyaḵẖshik gonma medpinsuk zere zered. 30Ni, taqdir diring dukpi askyea thabiang thukcha chhachi jingi rtsoa Ashipas ḏinda rchokek bas narek, wahunik chhesluks yangmo yodkhanun doun basang khyentang mangmo (miskonuga)? 31De phya ngas chi zok hana chi thungnuk hana chi gonuk snangachan dukse mazershik. 32Chiazerbana dyun-un jung janmi mithsirunis qolṯo base tsaled, chiazerbana khyentanga dyun-un saq rgosha yod zerbao rshnami khyenti Atawa rshtaḵẖs pa yod; 33Amma saq basang snanla Ashipi rgyastridpo nang khoe khadrangi lukspo tsalshik yang dyun-un saqang khyentanga styeaqse chhok.
34Ni, askye-e phya snanga mabashik, chiazerbana askyeo khores rangi snanga bok; ga jaq rere nganpao dya jaqpoa thsad.
اکنون انتخاب شده:
Matthaisioi Phrinzangpo 6: SOMA
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Société Biblique de Genève
