ཡོ་ཧ་ནན། 10
10
ལུག་རྫི་བཟང་པོའི་དཔེ།
1ཡེ་ཤུ་ཡིས་གསུངས་བ་ལགས། ང་ཁྱེད་ཀྱ་ལ་བདེན་པ་བདེན་ཀྱང་སྨྲ་ཡིན། ལུག་ར་ནང་དུ་སྒོ་ནས་མི་འཛུལ་ལ་ཕྱོགས་གཞན་མ་ནས་འཛགས་ཀྱིན་གོ་ནི་རྐུན་མོ་དང་ཇག་པ་ལགས། 2ཡིན་ནའང་སྒོ་ནས་འཛུལ་མཁན་གོ་ནི་ལུག་རྫི་ལགས། 3སྒོ་སྲུང་མཁན་གྱིས་ཁྱོའི་ཕྱིར་ལ་སྒོ་པེ་ཀྱི་ལགས། ལུག་ཀྱ་ཡིས་ཁོའི་སྐད་ལ་ཉན་ད་ལགས། དེ་ནས་ཁོས་རང་གི་ལུག་ཀྱ་ཡི་མིང་ནས་འབོད་རེ་ཕི་ལ་འཁྲིད་བ་ལགས། 4ཁོས་ལུག་ཀྱ་ཕི་ལ་བཏོན་ཚར་ཏེ་ཁོ་འོ་དེ་ཀྱ་ཡི་གདོང་གདོང་ལ་འགྲོ་བ་ལགས། དེ་ནས་ལུག་ཀྱ་ཡིས་ཁོའི་སྐད་ཤེས་རེ་ཁོའི་གཤམ་ལ་འབྲང་ང་ལགས། 5ངོ་མེད་ཤེས་ཀྱིན་མིའི་གཤམ་ལ་ལུག་ཀྱ་མེད་འབྲང་ང་ལགས། ཡིན་ནའང་འོ་དེ་ནས་འབྲོས་རེ་འགྲོ་བ་ལགས། གི་བྱེས་རེ་སྨྲ་ན་འོ་དེ་མིའི་སྐད་ལུག་ཀྱ་ཡིས་མེད་ཤེས་ལ་ལགས།
6ཡེ་ཤུ་ཡིས་འདི་དཔེ་དེ་ཁོང་ཀྱ་ལ་གསུངས་ང་མཛད་པ་ལགས། ཡིན་ནའང་ཁོང་ཀྱ་ཡིས་འདིའི་དོན་དག་གོ་ཧ་མ་གོ་བ་ལགས།
ཡེ་ཤུ་ནི་ལུག་རྫི་བཟང་པོ།
7འོ་བྱས་རེ་ཡེ་ཤུ་ཡིས་ཁོང་ཀྱ་ལ་ལྡབ་ལེ་གསུངས་ང་མཛད་པ་ལགས། ང་ཁྱེད་ཀྱ་ལ་བདེན་པ་བདེན་ཀྱང་སྨྲ་ཡིན། ལུག་རའི་སྒོ་ནི་ང་ཡིན། 8ངའི་ཨེན་ལ་འོངས་བ་གི་རི་རྐུན་མ་དང་ཇག་པ་ཡིན། ཡིན་ནའང་ལུག་ཀྱ་ཡིས་ཁོང་ཀྱ་ལ་མ་མཉན་པ་ལགས། 9ང་ནི་སྒོ་གོ་ཡིན། ང་ཐོག་ནས་འཛུལ་མཁན་གོ་སྐྱོབ་ཀྱི་ལགས། དེ་ནས་ནང་ལ་འོང་ཕི་ལ་འགྲོ་བྱས་རེ་རྩ་སྤང་རྙེད་ཀྱི་ལགས། 10རྐུན་མ་ནི་རྐུ་རུ་དང་། བསད་དུ་དང་། མེད་ད་ལ་བཏང་དུ་འོང་ང་ལགས། ང་ནི་གི་རི་ལ་ཚེ་མོད་ཆོ་ལི་ཐོབ་པའི་ཕྱིར་འོང་བ་ཡིན།
11ང་ནི་ལུག་རྫི་བཟང་པོ་གོ་ཡིན། ལུག་རྫི་བཟང་པོས་ལུག་ཀྱ་ཡིས་ཕྱིར་ལ་རང་གི་སྲོག་བློས་བཏང་ང་ལགས། 12གླ་བོ་ནི་ལུག་རྫི་ཅོག་རེ་མ་ལགས། སྤྱུང་གུ་འོང་གིན་གོ་མཐོང་རེ་ཁོས་ལུག་ཀྱ་བོར་ཏེ་འབྲོས་རེ་འགྲོ་གི་ལགས། དེ་ནས་སྤྱང་ཀུ་ཡིས་ལུག་ཀྱ་འཕྲོག་སྟེ་ཕྲད་ཐོར་རེ་གཏོར་གྱི་ལགས། 13འོ་དེ་མི་དེ་གླ་བོ་བྱས་རེ་ཁོས་ལུག་ཀྱ་ལ་བདག་པོ་མི་བརྒྱབ་བ་འབྲོས་རེ་འགྲོ་བ་ལགས།
14-15ང་ནི་ལུག་རྫི་བཟང་པོ་གོ་ཡིན། ཡབ་ཀྱིས་ང་ལ་མཁྱེན་ད་ལགས། དེ་ནས་ངས་འང་ཡབ་ལ་ངོ་ཤེས་ལ་ལགས། དེ་རེ་རང་བྱས་རེ་ངས་རང་གི་ལུག་ཀྱ་ལ་ངོ་ཤེས་ལི་འོད། དེ་ནས་ངའི་ལུག་ཀྱ་ཡིས་འང་ང་ལ་ངོ་ཤེས་ལ་ལགས། ང་ནི་ལུག་ཀྱ་ཡི་དོན་དུ་རང་གི་སྲོག་བློས་བཏང་ང་ཡིན། 16ལུག་ར་འདིའི་མིན་གྱིན་ངའི་ལུག་གཞན་མ་ཀྱ་འོད་ད་ལགས། ངས་དེ་ཀྱ་ལའང་འཁྲིད་དགོས་གུ་ལགས། དེ་ནས་དེ་ཀྱ་ཡིས་ངའི་སྐད་ཉན་གྱི་ལགས། དེ་ནས་ཁོང་ཀྱ་ལུག་ཁྱུ་གཅིག་གི་རྫི་བོ་གཅིག་འབྱུང་གི་ལགས། 17ངས་ང་རང་གི་སྲོག་ཡང་གསོན་པོ་ཐོབ་ཡས་ཀྱི་ཆེད་དུ་ང་རང་གི་སྲོག་བློས་བཏང་བའི། འོ་བྱས་རེ་ཡབ་ཀྱིས་ང་ལ་བྱམས་པ་མཛད་ད་ལགས། 18སུས་འང་ངའི་སྲོག་ང་ནས་ལེན་མི་ཐུབ་ཀྱི་ལགས། ང་རང་གི་རང་དབང་ཐོག་ནས་འདི་བློས་བཏང་ང་ཡིན། ང་ལ་རང་སྲོག་བློས་བཏང་ཡས་ཀྱི་དབང་འོད་ད་ལགས། དེ་ནས་སྲོག་བླང་ཡས་ཀྱི་དབང་ཡང་འོད་ད་ལགས། ང་ལ་བཀའ་འདི་ངའི་ཡབ་ནས་ཐོབ་པ་ལགས།
19ཡེ་ཤུ་ཡིས་གསུངས་ཀྱིན་བཀའ་དེ་མཉན་ཏེ་ཡ་ཧུ་དཱ་པ་དཔོན་པོ་ཀྱ་ཡང་འཁྲུག་པ་ལགས། 20ཁོང་ཀྱ་ནས་མང་ཆེ་ཡིས་སྨྲས་བ་ལགས། ཁོའི་ནང་དུ་འདྲེ་འཛུལ་འདུག། དེ་ནས་ཁོ་སྨྱོས་འདུག། ཁྱེད་ཀྱ་གི་བྱས་རེ་ཁོའི་ལབ་ལ་ཉན་ད།
21གཞན་མ་ཀྱ་ཡིས་སྨྲས་བ་ལགས། འདྲེ་འཛུལ་ཛ་མིས་དེ་རེ་ལབ་མེད་བཏང་ང་ལགས། འདྲེ་གཅིག་གིས་མི་ཞ་ར་ཡི་མིག་པེ་ཐུབ་བ་ལེ།
ཡ་ཧུ་དཱ་པ་ཀྱ་ཡིས་ཡེ་ཤུ་ལ་ངོས་ལེན་མ་བྱེད་པ།
22དགུན་ཁ་ཡེ་རུ་ཤ་ལེམ་དུ་མཆོད་ཁང་གི་བསྔོ་བྱང་གི་དུས་ཆེན་གོ་བཏང་བའི་འོད་ད་ལགས། 23དེ་ནས་ཡེ་ཤུ་མཆོད་ཁང་གི་སོ་ལོ་མོན་སྨྲ་གིན་གཡབ་ཀུ་རུ་ཕེབས་བའི་གང་ལ། 24ཡ་ཧུ་དཱ་པ་དཔོན་པོ་ཀྱ་ཁོང་པ་ཡི་མཐའ་འཁོར་ལ་འཛོམས་ཏེ་ཁོང་ལ་ཞུས་བ་ལགས། ཁྱེད་རང་ནམ་ཐུག་པའི་འེ་ལ་ཐེ་ཚོམ་སྐྱེད་རུ་བཅུག་ཡས། ཁྱེད་རང་མཱ་ཤི་ཀ་གོ་ཡིན་ན། འེ་ལ་གསལ་བོ་གསུང་ང་མཛད།
25ཡེ་ཤུ་ཡིས་ཁོང་ཀྱ་ལ་ལན་གནང་བ་ལགས། ངས་ཁྱེད་ཀྱ་ལ་བཤད་ཚར། ཡིན་ནའང་ཁྱེད་ཀྱ་ང་ལ་ཡིད་ཆེས་མི་བྱེད་ད། ངའི་ཡབ་ཀྱི་ཐོག་ནས་ངས་བྱས་བྱ་ལས་ཀ་ཀྱ་ཡིས་ང་ལ་དཔང་པོ་བྱེད་ད་ལགས། 26ཡིན་ནའང་ཁྱེད་ཀྱ་ངའི་ལུག་ཁྱུ་ནས་མིན་ད་ང་ལ་ཡིད་ཆེས་མི་བྱེད་ད་ལགས། 27ངའི་ལུག་ཀྱ་ཡིས་ངའི་སྐད་ཉན་ད་ལགས། དེ་ནས་ངས་འོ་དེ་ཀྱ་ལ་ངོ་ཤེས་ལི་འོད། དེ་ནས་དེ་ཀྱ་ངའི་གཤམ་ལ་འབྲང་ང་ལགས། 28ང་དེ་ཀྱ་ལ་མཐའ་མེད་པའི་ཚེ་སྲོག་སྟེར་ཡས་ཡིན། དེ་ནས་དེ་ཀྱ་ནམ་མའང་མེད་ད་ལ་འགྲོ་གི་མ་ལགས། སུས་འང་དེ་ཀྱ་ལ་ངའི་ལག་ནས་འཕྲོག་མི་ཐུབ་ཀྱི་ལགས། 29ངའི་ཡབ་ཀྱིས་དེ་ཀྱ་གནང་ང་ལགས། དེ་ནས་ཁོང་ནི་གི་རི་ནས་ཆེས་ཤོས་ཡིན། ངའི་ཡབ་ཀྱི་ཕྱག་ནས་སུས་འང་དེ་ཀྱ་ལ་འཕྲོག་མི་ཐུབ་ཀྱི་ལགས། 30ང་དང་ཡབ་ནི་གཅིག་ཡིན།
31ཡ་ཧུ་དཱ་པ་དཔོན་པོ་ཀྱ་ཡིས་ཡེ་ཤུ་ལ་རྡོ་གོང་གཞུ་ཡས་ལ་ལྡབ་ལེ་རྡོ་གོང་བསྡུས་བ་ལགས། 32ཡེ་ཤུ་ཡིས་ཁོང་ཀྱ་ལ་གསུངས་བ་ལགས། ཡབ་ཀྱི་སྒོ་ནས་ངས་ཁྱེད་ཀྱ་ལ་ལས་བཟང་ང་མང་ང་སྟོན་པའི། དེ་ཀྱ་ནས་གིན་གྱི་ཕྱིར་ལ་ཁྱེད་ཀྱ་ང་ལ་རྡོ་གོང་གཞུ་ཡས་ཡིན་ནོ།
33ཡ་ཧུ་དཱ་པ་དཔོན་པོ་ཀྱ་ཡིས་ཁོང་པ་ལ་ཞུས་བ་ལགས། འེ་ཀྱ་ཡིས་ཁྱོད་ལ་ལས་བཟང་གི་ཕྱིར་ལ་རྡོ་གོང་གཞུ་ཡས་མིན། ཡིན་ནའང་ཁྱོད་མི་གཅིག་བྱས་རེའང་རང་ལ་དཀོན་མཆོག་བརྩིས་རེ་དཀོན་མཆོག་ལ་སྐུར་བ་འདེབས་ཀྱིན་གྱི་ཕྱིར་ལ་ཡིན།
34ཡེ་ཤུ་ཡིས་ཁོང་ཀྱ་ལ་ལན་གནང་བ་ལགས། ཁྱེད་ཀྱ་ཡིས་ཆོས་ཁྲིམས་ལ་དེ་རེ་བྲིས་མིན་འདུག་བའི། ང་སྨྲ་ཡིན། ཁྱེད་ཀྱ་ལྷ་ལགས།#གསུང་མགུར། ༨༢:༦ 35གསུང་རབ་ལ་འོད་ཀྱིན་གོ་ནི་ཙོག་བའི་བདེན་པ་ཡིན། དཀོན་མཆོག་གི་བཀའ་ཐོབ་ཐ་མི་ཀྱ་ལ་ལྷ་སྨྲས་རེ་དཀོན་མཆོག་གིས་གསུངས་འོད་ན། 36དཀོན་མཆོག་གིས་དམ་པ་མཛད་ཏེ་འཇིག་རྟེན་དུ་མངགས་ང་ངས་ང་དཀོན་མཆོག་གི་སྲས་ཡིན་སྨྲ་གིན་གོ་ལ་ཁྱེད་ཀྱ་ང་ལ་དཀོན་མཆོག་ལ་སྐུར་བ་འདེབས་བའི་སྨྲས་རེ་གི་བྱས་རེ་སྐྱོན་བཅུག་བ་ལེ། 37ཡབ་ཀྱི་ཕྱག་ལས་ངས་མ་བྱས་འོད་ན་ང་ལ་ཡིད་ཆེས་མ་བྱེད། 38ཡིན་ནའང་ངས་ལས་ཀ་དེ་ཀྱ་བྱས་རེ་དོ་རང་འང་ཁྱེད་ཀྱ་ཡིད་མེད་ཆེས་ན། ལས་ཀ་ཀྱ་ལ་ཡིད་ཆེས་བྱེད། འོ་བྱས་ཡབ་ངའི་ནང་དུ་འོད་ཀྱིན་དང་ང་ཡབ་ཀྱི་ནང་དུ་འོད་ཀྱིན་གོ་ཁྱེད་ཀྱ་ཡིས་ཧ་གོ་སྟེ་ཤེས་ལ་ཤོག། 39ཁོང་ཀྱ་ཡིས་ཡང་ཡེ་ཤུ་ལ་ཟིམ་ཡས་ཐབས་ཤེས་བྱས་བ་ལགས། ཡིན་ནའང་ཁོང་པ་ཁོང་ཀྱ་ཡི་ལག་ནས་ཐར་ཏེ་བྲོས་བ་ལགས།
40ཁོང་པ་ལྡབ་ལེ་ཡོར་དན་གཙང་པོའི་ཧ་ཀན་ལ་ཡོ་ཧ་ནན་གྱིས་ཨེན་མ་ཁྲུས་གསོལ་གནང་ས་རུ་ཕེབས་ཏེ་འོ་དུ་རུ་བཞུགས་པ་ལགས། 41དེ་ནས་མི་མང་ང་ཁོང་པ་རྩ་རུ་བཅར་ཏེ་ཁོ་རང་ཀྱ་གུང་དུ་སྨྲས་བ་ལགས། ཡོ་ཧ་ནན་གྱིས་ཧང་སང་གིན་རྟགས་གིའང་མ་སྟོན་པ་ལགས། ཡིན་ནའང་ཁོང་གིས་འདི་མི་དེའི་སྐོར་ལ་གསུངས་ཀྱིན་གི་རི་བདེན་པ་འདུག། 42དེ་ནས་མང་ཆེ་ཡིས་ཡེ་ཤུ་ལ་འོ་དུ་རུ་དད་པ་བྱས་བ་ལགས།།
اکنون انتخاب شده:
ཡོ་ཧ་ནན། 10: LOY
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023, Wycliffe Bible Translators, Inc. and Nepal Bible Society
