চঙি 10
10
নোহনি বংশ বর্ণনা
(১ বংশ ১:৫-২৩)
1নোহনি স্বাবৗন্তৗই, শেম, হাম, আৰা যেফতনি বংশ বর্ণনা ইয়ৗন: চিকাবৗননি জিখৗমায় অনোঙি স্বাজং মানৌ।
2যেফতনি স্বাজংদো গোমৰ, মাগোগ, মাদায়, যাবন, তুবল, মেশেক আৰা তীৰস। 3আৰা গোমৰনি স্বাজংদো অস্কিনজ, ৰীফত, আৰা তোগর্ম। 4যাবননি স্বাবৗন্তৗইদো ইলীশা, তর্শীশ, কিত্তীম আৰা ৰোদোনীম। 5ইদোনি দ্বাৰায় আতাং জৗতিদোনি চিকাহৗতৗংদো গ-গসা হাসং জৰায় কদেকনাংমৗন, উবায় জ-জৰায় ক্রৌ, হৗসুগ আৰা জৗতি সায়ৌ।
6হামনি স্বাজংদো: কুশ, মিশৰ, পূট, আৰা কনান। 7কুশনি স্বাজংদো: সেবা, হবীলা, সবতা, ৰয়মা আৰা সবতেকা, ৰয়মানি স্বাজংদো: সিবা আৰা দদান। 8কুশনি স্বাজংদো: নিম্রোদ; উম্রা বাসমাতায় খৗব বৗলনাং সায়ফাঔ। 9উম্রা যিহোৱা ঈশ্বৰনি নৗকতৌঙায় সাহসনাং শিকাৰী। উনান গৗমৗন মাৰাবদো উৱো ইগিনা তিমলৗইমৗন ব্রাকা, “প্রভুনি নৗকতোঙায় বৗলনাং শিকাৰী নিম্রোদ গানান।” 10আৰা শিনাৰ হাসঙায়ঙি বাবিল, এৰক, অক্কদ, আৰা কলনি, ই নগৰদোৱৗন উনি পৰথম হাসং। 11উ হাসঙায়প্রিঙৗন উম্রা অসুৰীয়াঙা পতকনাংমৗন নীনবি, ৰেহো-বাত-ঈৰ, কেলহ, 12উম্প্রিং নীনবি আৰা কেলহনি মাজাৰায় তয়তোঙি ৰেষন#10:12 ইয়ৗন গদা নগৰ। ই গদা নগৰদো বানায়ৌ।
13মিশৰনায়প্রিং লূদীয়া, অনামীয়া, লহাবীয়া, নপ্তহীয়া, 14পথ্রোষীয়া, জৗতিনি আৱা, আৰা যিনায়প্রিং পলেষ্টী মাৰাবদো পতকতানা ইগিনা কসলূহীয় জৗতি আৰা কপ্তোৰা জৗতি, ইদোবান পতকতানা।
15কনাননি স্বাবৗন্তৗই গদা সীদোন উনি জিখৗমায় হেৎ; 16যিবূশী, ইমোৰী, গির্গাশী 17হিব্বী, অর্কী, সীনী, 18অর্বদী, সমাৰী আৰা হমাতী জৗতিবান উনায়প্রিং পতকতানা; জিখৗমায় কনানায়ঙি মাৰাবদোনি হৗসুগ শাত্রাকতানা; 19আৰা সীদোনায়প্রিং গৰাৰ পাতাং ঘশা লাগেত আৰা সদোম ঘমোৰা, অদমা আৰা সবোয়ীমনি পাতাং লাশা লাগেত কনানীদোনি সিমিন সায়ৌ। 20অৗপিন আপানি হৗসুগ, ক্রৌ, হাসং, আৰা জৗতি গানান এনোকৗন হামনি স্বাজং।
21যেফতনি দাদা গদা এবৰনি বেবাক স্বাজংদোনি অৗগিনি মাৰাব যি শেম, উম্রানিবান স্বাজং তৱা। 22শেমনি স্বাজংদো: এলম, অসুৰীয়, অর্ফকষদ, লূদ আৰা অৰাম। 23অৰামনি স্বাজংদো: উষ, হুল, গোথৰ, আৰা মশ। 24আৰা অর্ফকষদনি স্বাজংদো: শেলহ; আৰা শেলহনি স্বাবৗন্তৗই এবৰ। 25এবৰ স্বাবৗন্তৗই মৗংনিং মানৌ; সাকসানি মুং পেলগ#10:25 কদেকঙি।, আতাংনা উনি দিনায়ৗন বাসমাতা কদেকঙি সায়ৌ; আৰা উনি আজংনি মুং সায়ৌ যক্তন। 26আৰা যক্তননি স্বাজংদো অলমোদদ, শেলফ, হসর্মাবৎ, যেৰহ, 27হদোৰাম, ঊজল, দিক্লা, 28ওবল, অবীমায়েল, শিবা, 29ওফীৰ, হবীলা আৰা যোবাব; ই বেবাকন যক্তননি স্বাজং। 30মেষাৱায়প্রিং সান মুপাক পাতাঙি সফৰনি হৗচুৰ লাগেত অনোঙি তোঙি হাদাম সায়তানা। 31অৗপিন আপানি হৗসুগ, ক্রৌ, হাসং আৰা জৗতি গানান এনোকৗন শেমনি স্বাজং।
32অৗপিন আপানি হৗসুগ আৰা জৗতি গানান এনোকৗন নোহনি হৗসুগ; আৰা চিকাবৗননি জিখৗমায় এনোঙায়প্রিঙৗন বাসমাতায় জ-জৰায় জৗতি সায়ৌ।
انتخاب شده:
চঙি 10: RABHBSI
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Bible Society of India
© 2023, Used by permission. All rights reserved. More