ꓟ˗ꓗꓴ ꓟꓮꓴ ꓢꓮꓴ 11
11
ꓬꓰ˗ꓢꓴ ꓖꓶ ꓬꓰ˗ꓣꓴ˗ꓢ˗ꓡꓰꓟ ꓟ ꓪꓥ ꓡꓳ ꓰ
1ꓮ ꓘꓪꓲ ꓬꓥ ꓟꓳ ꓖꓶ ꓬꓰ˗ꓣꓴ˗ꓢ˗ꓡꓰꓟ ꓰ ꓝꓠ ꓡꓴꓠ ꓐꓴꓟ ꓟ ꓐꓰꓔ˗ꓒ˗ꓖꓰ ꓰ ꓐꓰ˗ꓕ˗ꓠꓲ ꓓꓴꓟ ꓑꓰ ꓚꓥ ꓡꓳ ꓙꓥ꓾ ꓬꓥ ꓡ ꓖꓬꓳ ꓲ ꓬꓴ ꓡꓰ ꓠꓥ ꓗꓔ ꓡꓪꓲ꓾ ꓔꓮꓲ ꓰ ꓖꓶ꓾ 2ꓠꓴꓥ ꓠꓲꓗ ꓧꓶ ꓒꓬꓥ ꓟ ꓪ ꓫꓴꓔ ꓰ ꓡꓳ ꓗꓰ꓾ ꓧꓮꓴ ꓟ ꓪꓥ ꓡꓳ ꓰ ꓘꓴꓠ꓾ ꓳ ꓡꓰ ꓮ ꓙꓲ ꓪꓴ ꓫꓲ ꓰ ꓡꓳ ꓜꓰ ꓜꓳ ꓔꓪꓲ ꓔꓳ ꓰ ꓡꓰ ꓠꓴꓥ ꓠꓲꓗ ꓟꓬꓥ ꓣ꓾ ꓧꓮꓴ ꓡꓰ ꓒꓲ ꓡꓪꓲ ꓫꓰ ꓡꓳ ꓗꓰ꓿ 3ꓢꓴ ꓑꓰ ꓠꓴꓥ ꓠꓲꓗ ꓡꓰ꓾ ꓧꓮꓲ ꓬꓠ ꓟꓮꓲ ꓧꓮꓴ ꓢꓴ ꓗꓴꓔ ꓮ ꓗꓳ꓾ ꓖ ꓟꓲ ꓙꓥ꓾ ꓠꓴꓥ ꓠꓲꓗ ꓖꓶ꓾ ꓧꓮꓴ ꓬꓴꓟ ꓢꓶꓥ ꓳ ꓡꓰ꓾ ꓥꓴ ꓡꓪꓲ꓾ ꓔꓴ ꓗꓰ꓾ ꓧꓮꓴ ꓙꓥ ꓬꓥ ꓧꓮꓴ ꓡꓰ ꓠꓴꓥ ꓠꓲꓗ ꓡꓰ ꓐꓲ ꓗꓔ ꓐ ꓣ꓾ ꓖ ꓰ꓿ 4ꓬꓥ ꓠꓲꓗ ꓖꓶ ꓰ ꓡꓳ ꓡꓪꓲ꓾ ꓘꓴꓟ ꓧꓰ ꓡꓴꓔ ꓖꓮꓲ ꓘꓬꓳ ꓟ ꓡꓳ ꓜꓰ ꓜꓳ ꓔꓪꓲ ꓔꓳ ꓰ ꓡꓰ ꓟꓬꓥ ꓡꓪꓲ꓾ ꓧꓮꓴ ꓡꓰ ꓒꓲ ꓫꓰ ꓡꓳ ꓗꓳ ꓰ꓿ 5ꓧꓮꓴ ꓟ ꓬꓑ ꓔꓳ ꓐꓥ ꓣ ꓪꓟ ꓖꓶ꓾ ꓠꓴꓥ ꓠꓲꓗ ꓧꓮꓲ ꓟꓴ ꓡꓪꓲ꓾ ꓧꓮꓴ ꓡꓳ ꓜꓰ ꓜꓳ ꓡꓰ ꓒꓲ ꓫꓰ ꓮ ꓗꓳ ꓕ꓾ ꓖ ꓡꓪꓲ꓾ ꓬꓥ ꓠꓲꓗ ꓡꓰ ꓟꓲ ꓙꓥ꓾ 6ꓬꓰ˗ꓢꓴ ꓬꓥ ꓠꓲꓗ ꓡꓰ ꓔꓮꓲ ꓗꓔ ꓰ ꓰ ꓣ ꓙꓴꓥ ꓜ꓾ ꓔꓮꓲ ꓗꓬꓳ ꓗꓳ ꓰ꓿ ꓧꓮꓴ ꓟꓴ ꓡꓪꓲ꓾ ꓬꓥ ꓟꓳ ꓖꓶ ꓬꓥ ꓠꓲꓗ ꓡꓰ ꓠꓥ ꓗꓔ ꓗꓳ ꓰ꓿ 7ꓧꓮꓴ ꓘꓴꓠ ꓬꓥ ꓠꓲꓗ ꓖꓶ ꓧꓮꓴ ꓡꓳ ꓜꓰ ꓜꓳ ꓡꓰ ꓬꓰ˗ꓢꓴ ꓚꓥ ꓫꓴꓔ ꓫꓰ ꓡꓳ ꓡꓪꓲ꓾ ꓧꓮꓴ ꓰ ꓕꓳ ꓟ ꓬꓥ ꓟꓳ ꓰ ꓟꓰ ꓐꓴ ꓗꓰ ꓡꓪꓲ꓾ ꓬꓥ ꓧꓮꓴ ꓟ ꓔꓳ ꓙꓲ ꓰ꓿ 8ꓐꓬꓴ ꓟꓬꓳ ꓟꓬꓳ ꓪ ꓬꓴꓟ ꓢꓶꓥ ꓰ ꓟꓰ ꓐꓴ ꓡꓰ ꓘꓬꓳ ꓟ ꓘꓥ ꓐꓲ ꓗꓳ ꓰ꓾ ꓖꓳ ꓐꓥ ꓖꓶ ꓬꓳ ꓕꓴꓥ ꓟ ꓢꓶꓗ ꓗꓬꓥ ꓜꓠ ꓬꓴ ꓡꓪꓲ꓾ ꓧꓮꓴ ꓘꓬꓳ ꓟ ꓛꓥ ꓘꓥ ꓗꓳ ꓰ꓿ 9ꓧꓶ ꓟ ꓰ ꓡꓳ ꓐꓥ ꓰ ꓕꓥ ꓟ ꓛꓥ ꓰ ꓐꓥ ꓖꓶ꓾ ꓧꓳ˗ꓢ˗ꓠ꓾ ꓬꓴꓟ ꓢꓶꓥ ꓰ ꓟꓲꓥ ꓠꓲꓥ ꓢꓥ ꓰ ꓙꓰ ꓡꓰ ꓢꓴ ꓡꓰ ꓖꓶ ꓘꓬ ꓳꓠ ꓣ ꓓꓴꓔ ꓡꓰ꓾ 10ꓧꓮꓴ ꓣꓮꓴ ꓙꓰ ꓡꓰ ꓐꓰ꓾ ꓥ ꓙꓲꓗ ꓰ ꓓ˗ꓪꓲ ꓟꓶꓥ ꓖꓶ ꓘꓬ ꓳꓠ ꓣ ꓓꓴꓔ ꓡꓰ꓾ ꓟꓬꓥ ꓓꓲꓗ ꓰ ꓙꓳ ꓪꓳ ꓟ ꓧꓳ˗ꓢ˗ꓠ ꓥꓴꓔ ꓫꓥ ꓖ꓾ ꓖ ꓡꓪꓲ꓾ ꓑꓴꓗ ꓖ ꓣꓴ ꓗꓳ ꓰ꓿ 11ꓧꓮꓴ ꓘꓴꓠ ꓬꓰ˗ꓣꓴ˗ꓢ˗ꓡꓰꓟ ꓟ ꓠꓳ ꓗꓴ ꓙꓳꓥ ꓒꓬꓥ ꓬꓥ ꓪꓥ ꓡꓪꓲ꓾ ꓮ ꓜꓶꓥ ꓐꓠ ꓫꓳ ꓡꓰ ꓙʼꓘꓴꓟ ꓪꓴ ꓬꓮꓴ ꓙꓥ꓾ ꓐꓪꓲ ꓖꓬꓴꓟ ꓡꓳ ꓰ ꓬꓠ ꓟꓮꓲ ꓬꓥ ꓕꓳ ꓡꓪꓲ꓾ ꓡ ꓖꓬꓳ ꓣ ꓞꓰ ꓲ ꓬꓴ ꓑꓰ ꓰ ꓣ ꓧ ꓐꓰ˗ꓕ˗ꓠꓲ ꓓꓴꓟ ꓫꓴꓔ ꓡꓳ ꓐꓬꓴ ꓗꓳ ꓰ꓿
ꓫꓲ ꓮ ꓜꓪꓲ ꓰ ꓫꓲ ꓟꓬꓳ ꓖꓟ ꓡꓰ ꓬꓥ ꓠꓲꓥ ꓰ
12ꓕꓥ ꓠꓑ ꓗꓬꓳ ꓐꓰ˗ꓕ˗ꓠꓲ ꓓꓴꓟ ꓟꓮꓲ ꓕꓳ ꓡꓳ ꓗꓳ ꓡꓰ ꓬꓥ ꓜꓥ ꓟꓴꓔ ꓐꓰ꓿ 13ꓧꓮꓴ ꓘꓴꓠ ꓪꓰ ꓪꓰ ꓟꓮꓲ ꓮ ꓧ ꓧ ꓰ ꓫꓲ ꓟꓬꓳ ꓖꓟ ꓣ ꓖꓟ ꓬꓥ ꓟꓬꓥ ꓡꓪꓲ꓾ ꓧꓮꓴ ꓟ ꓫꓲ ꓣ ꓛꓟꓽ ꓛꓟ ꓪꓳ ꓬꓴ ꓣ꓾ ꓬꓥ ꓟꓲꓔ ꓡꓪꓲ꓾ ꓧꓪꓲ ꓰ ꓡꓳ ꓰ꓾ ꓧꓮꓴ ꓫꓴꓔ ꓙꓰ ꓰ ꓡꓳ ꓙꓥ꓾ ꓫꓲ ꓟꓬꓳ ꓫꓲ ꓜꓪꓲ ꓠꓟ ꓮ ꓥꓴꓔ ꓰ ꓬꓠ ꓟꓮꓲ ꓮ ꓧ ꓜ ꓬꓥ ꓟꓬꓥ ꓰ ꓥꓴꓔ ꓟꓴ꓿ 14ꓣ ꓑꓬꓔ ꓣ ꓓꓮꓲ ꓠꓥ ꓚꓥ ꓟ ꓮ ꓫꓲ ꓳ ꓡꓰ ꓮ ꓪꓳ ꓜꓳ ꓫꓥ ꓖ꓾ ꓖ ꓡꓪꓲ꓾ ꓬꓥ ꓧꓮꓴ ꓢꓶꓗ ꓖꓟ ꓡꓰ ꓔꓮꓲ ꓰ꓿ ꓬꓥ ꓰ ꓡ ꓖꓬꓳ ꓪꓲ ꓡꓰ ꓡꓰ ꓪꓳ ꓖꓬꓳ ꓗꓳ ꓰ꓿
ꓠꓳ ꓗꓴ ꓙꓳꓥ ꓡꓰ ꓣ ꓡꓲꓥ ꓓꓴꓟ ꓢꓮꓲ ꓣ
15ꓧꓮꓴ ꓘꓴꓠ ꓬꓥ ꓟꓳ ꓖꓶ꓾ ꓬꓰ˗ꓣꓴ˗ꓢ˗ꓡꓰꓟ ꓫꓴꓔ ꓙꓰ ꓗꓳ ꓰ꓿ ꓧꓮꓴ ꓠꓳ ꓗꓴ ꓙꓳꓥ ꓟ ꓡꓰ ꓬꓥ ꓪꓥ ꓡꓪꓲ꓾ ꓧꓮꓴ ꓙꓳꓥ ꓟ ꓜꓰ ꓴꓥ ꓰ ꓐꓥ ꓰ ꓪꓲ ꓰ ꓐꓥ ꓡꓰ ꓘꓔ ꓑꓬꓟ ꓡꓰ ꓰ꓾ ꓥꓴꓠ ꓐꓬꓠ ꓐꓥ ꓰ ꓖꓴ ꓑꓰ ꓰ ꓒꓴꓥ ꓗꓬꓪꓲ ꓴꓥ ꓰ ꓐꓥ ꓰ ꓔꓥ ꓘꓴ ꓑꓰ ꓡꓰ ꓓꓴꓠ ꓡꓰꓥ ꓑꓬꓟ ꓐꓲ ꓰ꓿ 16ꓧꓮꓴ ꓙꓳꓥ ꓘꓮꓴ ꓫꓴꓔ ꓘꓳ ꓣ ꓡꓴꓟ ꓡꓥ ꓬꓴ ꓡꓮꓲ ꓪꓥ ꓣ ꓬꓥ ꓮ ꓓꓳꓥ꓿ 17ꓬꓥ ꓬꓥ ꓟꓳ ꓡꓰ ꓠꓬꓳ ꓟꓳ ꓡꓪꓲ꓾ ꓥ ꓰ ꓬꓴꓟ ꓖꓶ ꓮ ꓟꓬꓴ ꓐꓬꓴ ꓧꓴ ꓙꓴꓑ ꓫꓳ ꓰ ꓟ ꓔꓴ ꓮ ꓗꓬꓴ ꓓꓴꓥ ꓰ ꓬꓴꓟ ꓥꓴ ꓐ ꓣ꓾ ꓖ ꓡꓪꓲ꓾ ꓗ ꓔꓳ ꓰ ꓮ ꓥꓴꓔ ꓗꓳ ꓡꓴ꓾ ꓠꓴꓥ ꓟꓳ ꓚꓮꓴ ꓖꓶ ꓧꓮꓴ ꓡꓰ ꓛꓥ ꓓꓮꓴ ꓓʼꓟꓬ ꓡꓴ ꓘꓬꓴꓥ ꓗꓴꓔ ꓐ ꓗꓳ ꓠꓴꓥ꓾ ꓖ ꓡꓪꓲ꓾ ꓔꓮꓲ ꓰ꓿ 18ꓘꓶꓠ ꓙꓳꓥ ꓮ ꓖꓲ ꓑꓰ ꓰ ꓟꓮꓴ ꓢꓮꓴ ꓗ ꓢ ꓣ ꓑꓰ ꓧꓮꓴ ꓪꓳ ꓖꓬꓳ ꓙꓥ꓾ ꓬꓥ ꓡꓰ ꓢꓔ ꓑꓬꓟ ꓣ ꓘꓬꓳ ꓧꓳ ꓗꓳ ꓰ꓾ ꓘ ꓢꓴ ꓟꓴ ꓖ ꓡꓰ ꓟꓶꓥ ꓐꓬꓴ ꓡꓴꓥ ꓡꓥ ꓬꓥ ꓰ ꓠꓬꓳ ꓟꓳ ꓰ ꓘꓬꓳ ꓡꓰ ꓟꓮꓴ ꓧ ꓠꓲ ꓰ ꓬꓠ ꓟꓮꓲ꓾ ꓬꓥ ꓟꓳ ꓖꓶ ꓬꓥ ꓡꓰ ꓖꓬꓴ ꓠꓲ ꓮ ꓗꓳ꓿ 19ꓬꓥ ꓖꓶ ꓟꓲꓠ ꓪꓲ ꓕꓥ ꓧꓮꓴ ꓪ ꓬꓟ ꓫꓴꓔ ꓕꓳ ꓡꓟ ꓡꓳ ꓰ꓿
ꓡꓴꓟ ꓰ ꓲ ꓟꓲꓔ ꓰ ꓪꓳ ꓗꓴꓔ ꓣ
20ꓧꓮꓴ ꓕꓥ ꓣ ꓠꓑ ꓡꓰ ꓡꓟ ꓡꓮꓲ ꓡꓳ ꓡꓰ꓾ ꓧꓮꓴ ꓫꓲ ꓟꓬꓳ ꓖꓟ ꓖꓶ ꓮ ꓟꓲꓔ ꓰ ꓣ ꓧ ꓗꓬꓴ ꓐꓬꓴ ꓰ ꓡꓰ꓾ ꓬꓥ ꓟꓳ ꓟꓬꓥ ꓗꓳ ꓰ꓿ 21ꓧꓮꓴ ꓟꓴ ꓡꓪꓲ꓾ ꓑꓰ˗ꓔꓣꓴ ꓐꓴꓠ ꓴ ꓚꓥ꓾ ꓣ˗ꓐꓮꓲ ꓰ꓾ ꓪꓴ ꓪꓴ ꓮ꓾ ꓠꓥ ꓠꓲꓥ ꓑꓬꓟ ꓰ ꓫꓲ ꓟꓬꓳ ꓖꓟ ꓖꓶ ꓗꓬꓴ ꓐꓬꓴ ꓐ ꓠꓴꓥ꓾ ꓖ ꓡꓪꓲ꓾ ꓬꓥ ꓡꓰ ꓔꓮꓲ ꓰ꓿ 22ꓬꓰ˗ꓢꓴ ꓔꓴ ꓴ ꓚꓥ꓾ ꓗ˗ꓣꓮꓲ ꓗ˗ꓢꓥ ꓡꓰ ꓡꓴꓟ ꓠꓲ ꓗꓰ꓿ 23ꓠꓴꓥ ꓟꓳ ꓡꓰ ꓥꓳ ꓔꓰꓥ ꓔꓰꓥ ꓔꓮꓲ ꓰ ꓖꓶ꓾ ꓳ ꓥꓴꓔ ꓗꓳ ꓡꓥ꓾ ꓫꓲ ꓐꓴꓟ ꓡꓰ꓾ ꓠꓥ ꓐꓴꓠ ꓐꓬꓴ ꓡꓪꓲ꓾ ꓠꓳꓥ ꓟ ꓕꓳꓔ ꓪꓥ ꓐꓬꓴ ꓮ꓾ ꓖ ꓡꓪꓲ꓾ ꓡꓴꓟ ꓫꓴꓔ ꓰ ꓲ ꓟꓲꓔ ꓮ ꓐꓳ ꓰ ꓜ꓾ ꓬꓴꓟ ꓢꓶꓥ ꓔꓮꓲ ꓰ ꓰ ꓣ ꓙꓴꓥ ꓜ ꓓꓴꓔ ꓣ꓾ ꓡꓴꓟ ꓰ ꓥꓴꓔ ꓡꓰ ꓖꓶ꓾ ꓧꓮꓴ ꓘꓬꓳ ꓓꓴꓔ ꓣ ꓥꓴꓔ ꓡꓰ꓿ 24ꓧꓮꓴ ꓟꓴ ꓥꓳ ꓠꓴꓥ ꓟꓳ ꓡꓰ ꓔꓮꓲ ꓰ ꓖꓶ꓾ ꓠꓴꓥ ꓟꓳ ꓓꓴꓥ ꓟ ꓓꓴꓥ ꓰ ꓳ ꓟ ꓳ ꓪꓳ ꓬꓴ ꓐ ꓗꓳ ꓣ꓾ ꓖ ꓡꓪꓲ꓾ ꓡꓴꓟ ꓠꓲ ꓗꓰ꓾ ꓧꓮꓴ ꓙꓥ ꓠꓴꓥ ꓟꓳ ꓪꓳ ꓬꓴ ꓐ ꓣ꓿ 25ꓮ ꓗꓬꓴ ꓓꓴꓥ ꓴ ꓚꓥ ꓬꓑ ꓠꓲ ꓰ ꓘꓴꓠ꓾ ꓐꓬꓴ ꓣ ꓬꓴ ꓬꓴ ꓠꓥ ꓡꓰ ꓣ ꓙꓴꓥ ꓙꓴꓥ ꓫꓴꓔ ꓡꓰ ꓖꓶ꓾ ꓟꓮꓴ ꓘꓴꓠ ꓕꓳ ꓟ ꓠꓴꓥ ꓟꓳ ꓰ ꓲ ꓪ ꓖꓶ ꓠꓴꓥ ꓟꓳ ꓰ ꓟꓴ ꓣ ꓡꓰ ꓡꓰ ꓘꓬꓴꓔ ꓑꓬꓟ ꓐꓲ ꓫꓥ ꓖ꓾ ꓬꓥ ꓰ ꓟꓴ ꓣ ꓡꓰ ꓡꓰ ꓘꓬꓴꓔ ꓑꓬꓟ ꓐꓲ ꓗꓰ꓿
ꓬꓥ ꓟꓳ ꓖꓶ ꓬꓰ˗ꓢꓴ ꓡꓰ ꓫꓲ ꓮ ꓟꓴ꓾ ꓳ ꓰ ꓮ ꓘꓥꓸ ꓰ ꓪꓳ ꓗꓴꓔ ꓡꓰ ꓡꓴ꓾ ꓖ ꓡꓪꓲ꓾ ꓟꓲ ꓗꓳ ꓰ
27ꓧꓮꓴ ꓕꓥ ꓬꓥ ꓟꓳ ꓖꓶ ꓬꓰ˗ꓣꓴ˗ꓢ˗ꓡꓰꓟ ꓫꓴꓔ ꓓꓴꓟ ꓪꓥ ꓗꓳ ꓰ꓾ ꓮ ꓘꓪꓲ ꓠꓳ ꓗꓴ ꓙꓳꓥ ꓘꓮꓴ ꓟ ꓢꓳ ꓪꓴꓠ ꓠꓲ ꓡꓰ꓾ ꓘꓶꓠ ꓙꓳꓥ ꓮ ꓖꓲ ꓑꓰ ꓟꓮꓴ ꓢꓮꓴ ꓗ ꓢ ꓣ ꓑꓰ ꓰ ꓮ ꓖꓲ ꓢꓴ ꓪꓴꓠ ꓑꓰ ꓬꓥ ꓚꓥ ꓫꓴꓔ ꓙꓰ ꓡꓰ ꓡꓪꓲ꓾ 28ꓠꓥ ꓖꓶ ꓧꓮꓲ ꓮ ꓘꓥ ꓰ ꓫꓲ ꓮ ꓟꓴ ꓑꓰ ꓡꓰ ꓗꓴꓔ ꓠꓲ ꓡꓰ ꓕ꓾ ꓫꓲ ꓖꓴ ꓡꓰ ꓪꓳ ꓗꓴꓔ ꓣ ꓫꓲ ꓮ ꓘꓥ ꓖꓶ꓾ ꓠꓥ ꓡꓰ ꓳ ꓪ ꓐꓲ ꓰ ꓕ꓾ ꓖ ꓡꓪꓲ꓾ ꓔꓮꓲ ꓗꓳ ꓰ꓿ 29ꓬꓰ˗ꓢꓴ ꓖꓶ꓾ ꓥꓳ ꓡꓰ ꓓꓥ ꓣ ꓘꓴꓠ ꓠꓴꓥ ꓟꓳ ꓡꓰ ꓟꓲ ꓪꓴ ꓗꓳ ꓡꓰ꓾ ꓥꓳ ꓡꓰ ꓔꓴ ꓐꓲ ꓗꓳ ꓡ꓾ ꓧꓮꓴ ꓘꓴꓠ ꓧꓮꓲ ꓮ ꓘꓥ ꓰ ꓫꓲ ꓖꓴ ꓡꓰ ꓥꓳ ꓗꓴꓔ ꓠꓲ ꓡꓰ ꓖꓶ꓾ ꓥꓳ ꓠꓴꓥ ꓟꓳ ꓡꓰ ꓔꓮꓲ ꓗꓬꓳ ꓣ꓿ 30ꓬꓳ˗ꓧꓠ ꓰ ꓪꓲ ꓠꓳꓑ ꓘꓬꓳ ꓖꓶ꓾ ꓟꓮꓴ ꓘꓴꓥ ꓫꓴꓔ ꓟ ꓥꓴꓔ ꓡꓰ ꓡꓴ꓾ ꓧꓮꓴ ꓮ ꓥꓴꓔ꓾ ꓐꓬꓴ ꓚꓥ ꓟ ꓥꓴꓔ ꓡꓰ ꓡꓴ꓾ ꓥꓳ ꓡꓰ ꓔꓴ ꓐꓲ ꓗꓳ ꓡ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓔꓮꓲ ꓰ꓿ 31ꓬꓥ ꓟꓳ ꓬꓴ ꓖꓶ ꓫꓶʼꓓ ꓓ ꓐꓳꓥ ꓡꓪꓲ꓾ ꓟꓮꓴ ꓘꓴꓥ ꓫꓴꓔ ꓟ ꓥꓴꓔ ꓡꓰ꓾ ꓥ ꓟꓳ ꓥꓴ ꓡꓰ ꓖꓶ꓾ ꓧꓮꓴ ꓥꓴꓔ ꓡꓰ ꓠꓴꓥ ꓟꓳ ꓧꓮꓲ ꓟꓴ ꓡꓪꓲ ꓬꓥ ꓡꓰ ꓮ ꓡꓴꓟ ꓗꓳ ꓰ ꓕ꓾ ꓖ ꓡꓪꓲ꓾ ꓬꓥ ꓔꓴ ꓐꓴ ꓣ꓿ 32ꓐꓬꓴ ꓚꓥ ꓟ ꓥꓴꓔ ꓡꓰ꓾ ꓥ ꓟꓳ ꓥꓴ ꓡꓰ ꓖꓶ꓾ ꓟꓶꓥ ꓐꓬꓴ ꓑꓰ ꓡꓰ ꓬꓥ ꓟꓳ ꓖꓬꓴ ꓠꓲ ꓮ ꓗꓳ꓿ ꓘ ꓢꓴ ꓟꓴ ꓖ ꓡꓰ ꓬꓳ˗ꓧꓠ ꓟꓲ ꓕꓳꓲ ꓥꓴꓔ ꓰ ꓡꓰ ꓡꓴꓥ ꓡꓥ ꓐꓥ ꓖꓶ ꓖꓰ ꓖꓰ ꓪ ꓘꓟ ꓠꓲ ꓮ ꓗꓳ꓿ 33ꓧꓮꓴ ꓟꓴ ꓡꓪꓲ꓾ ꓬꓥ ꓟꓳ ꓬꓰ˗ꓢꓴ ꓡꓰ ꓔꓴ ꓴ ꓚꓥ꓾ ꓥ ꓟꓳ ꓮ ꓢꓰ꓾ ꓖ ꓡꓪꓲ꓾ ꓔꓮꓲ ꓗꓳ ꓰ꓿ ꓧꓮꓴ ꓘꓴꓠ ꓬꓰ˗ꓢꓴ ꓖꓶ꓾ ꓫꓲ ꓮ ꓟꓴ ꓑꓰ ꓧꓮꓲ ꓮ ꓘꓥ ꓰ ꓥꓳ ꓗꓴꓔ ꓠꓲ ꓰ ꓖꓶ꓾ ꓥꓳ ꓡꓰ ꓠꓴꓥ ꓟꓳ ꓡꓰ ꓮ ꓔꓮꓲ ꓗꓬꓳ ꓣ ꓥꓴꓔ ꓡꓰ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓔꓮꓲ ꓰ꓿
اکنون انتخاب شده:
ꓟ˗ꓗꓴ ꓟꓮꓴ ꓢꓮꓴ 11: ATB1938
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
First published in Fraser script in 1938.
