Mataio 7
7
7. A PAKANA.
1Koniku muat nanakokon, kaduk din nakokon muat. 2Kuma a nakokon muatna kokon uni, ia balet kuma din nakokon muat uni: ma ra pupua kuma muat puai mai, ia balet kuma din puai korom muat mai. 3Lelawai ba u bobo a kurakura u ra mata ra kakum; ma pa u nukpa ra pakan a diwai pi i tana u ra matam. 4Un piri lelawai korom a kakum lena, Le! ag okoua a kurakura ko ra matam, ma boboi, a diwai pi i tana u ra matam kai? 5A tena waruwaruka ui, un oko‐mukauai mun a pakan a diwai pi ko ra matam; ba un bobo nakurai un oko murumuri marakam a kurakura ko ra mata ra kakum.
6Koniku muat tabarata diat a kum pap ma ra lig di watabui: koniku kai muat og a numuat kalakalag‐na‐kodo na ra mata‐diat a kum boro, kaduk diat a pa pinamai, ma diat a tapuku ma diat a karat muat.
7Muat an arig, ma din tari ta muat; muat an auare, ma muat an aurepai; muat a pidiki, ma din papāra muat: 8kuma ba te i arig din tari tana; ia kai ba in auare, in auarepai; ma ia ba i pidiki din papāra i. 9O oi na pa muat a kum tara, ba na tunalik in arig a mandrai kon i, in tari ku a wat tana? 10ma ba in arig kup ta win a ien, in tari ku a win a ui tana? 11Ba muat, a kum akakaina tara, muat nunurai ut a kum kokoina lig muat tari ta diat a kum na tumuat, A Tamamuat i ki u ra maua, pa in tari lelawai a kum kokoina lig ta diat diat arigi kon i?
12Ia kuma a lig rap muat nemi ba a tara diat peti korom muat, muat kai muat a peti korom diat: lenkumi a wawera, ma diat a kum parofita kai.
13Muat ruk u ra mataiolo i kawiu: kuma i parere a mataiolo, ma i parere bulug a akapi, ba i wan tuk u ra winirua, ma mogoro na tara diat ruk uni. 14Kuma i kawiu a mataiolo, ma i kawiu bulug a akapi, ba i wan tuk u ra lalaun, ma kinalik na tara diat auarepai.
15Muat katom kup diat a kum parofita waruwaruka, diat wan korom muat ba diat papai u diat a malu le ra kum sipi, ma ra wolifa we an diat u ra baladiat. 16Muat a nunura diat ko ra uaidiat. Di kit a uai‐na‐vaine ko ra diwai taraloklokono duk? ba a kum fik ko ra en a koko, len ku pate? 17Len kai kuma, a kum kokoina diwai rap diat ua awakak na uaidiat; ma ra akaina diwai i ua akaina uaina. 18Ba awakak na diwai i kana ua akaka, ba akaina diwai i kana ua awakak na uaina. 19A diwai rap ba pai ua awakak na uaina din buruai ma, ma din oguai u ra ugan. 20Kuma muat a nunura diat ko ra uaidiat.
21Diat ba diat piri tag lena, Tadaru, Tadaru, pa diat a ruk rap u ra matanitu i ra maua; ia ku ba i taram u ra wetula a nun Tamag i ki u ra maua. 22U ra bug kuma mogoro diat a piri tag lenkumi, Tadaru, Tadaru, pa miat a wawera duk u ra iam? miat luruai kai a kum tebaran u ra iam, ma miat pam mogoro na pinapam‐na‐kakaian u ra iam, ni? 23Ma ag wapua diat uni lena, Iau pa iau nunura muat: a kum tenapetakakai muat, muat wan igen kon iau.
24Ia ba i walogoro a nug pirapira kumi, ma i taram uni, kura diara welara ma ra tenamanana, ba i pamta a nuna ruma u ra wat kini: 25A kum bata i puka, a lomon kai i kala tau uni, ma ra dadaip i tapalā, ma i um a ruma kuma; ma pai taripu: kuma i turu tau u ra wat kini. 26Ia kai ba i walogoro a nug pirapira kumi ma pa i taram uni, kura diara welara ma ra loglog, ba i pamta a nuna ruma u ra woio: 27a kum bata i puka ma ra lomon i kala tau uni, a dadaip kai i tapalā, ma i um a ruma kuma; ma i taripu ma ut: galapi a nuna taripu.
28Ba Iesu i pirarapta a kum pirapira kumi, a tara‐na‐kaiya diat kakaian u ra nuna wawera: 29kuma i wera diat len ia ba i nakokon, ma pa i len diat a nudiat kum tenatimtimu.
انتخاب شده:
Mataio 7: RAI
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Published by the British and Foreign Bible Society in 1896.
