Mataio 3
3
3. A PAKANA.
1U ra pupukai kuma, Ioane a tenabapitaiso ia wan pat, ma i wawera u ra bil Iudaia, 2ma i piri lenkumi, Muat a nukpuku muat, kuma i marawai ma ku a matanitu ko ra maua. 3Isaia a parofita i wapua mukatau un ia kumi, ma i piri lenkumi, A win igan te i wewatai u ra bil lena, Muat a pam‐are akapi a nun Ieova, muat a pam kado a nuna kum akapi.
4Ma Ioane i papai un i a win a malu di pamtai ko ra weu na kamel, ma ta in a kop pani‐rapika u ra gaianakop; ma a na utna ku a kum ko ma ra meli na bil. 5A tara rap taka Ierusalem, ma Iudaia rap, ma tak u ra kum bual diat ki weliwana Ioridan, diat wan korom i; 6ma i bapitaisota diat u ra danim Ioridan, ba diat pirapuanai mun a nudiat petakakai. 7Ba i bobodiat a mogoro na te Faresaio ma ra kum te Sadukaio diat wan u ra nuna bapitaiso, i piri ta diat lenkumi, A kum bulumuru na ui muat, o oi i wekun muat ba muat kala ko ra kămkămiak i kakarai liklik urin? 8Muat ua a uaina i ka u ra nu‐nukpuku. 9Koniku muat kanapi ma piri u ra balamuat lena, A tamamiat Abaram: kuma iau piri ta muat; Nara in waturu larapai a kum na tunaliklik korom Abaram tak u ra kum wat bi. 10Kumari kai di pakita a nawa u ra kabi ra kum diwai: ma ra diwai rap ba pa ta koina uaina, din buruai ma, ma din oguai u ra ugan. 11A ligtatuna, iau bapitaiso muat ma ra pala ba muat a nukpuku muat uni: ma ia ba i murumuru iau i dekdek un mira, ma ra nuna robo pa ag ka uni ba ag loi: ia bulug in bapitaiso muat ma ra Niono Tabu ma ra ugan kai: 12I tana u ra limana kai a nuna iriripna padi, in wamaramarek akit mai a nuna padi; in ru ugai a nuna padi u ra nuna ruma na utna, a pani ra padi kai in wakupi u ra ugan di kana pukpukdoko laratai.
13Ma Iesu i wan taka Kalilaia u ra Ioridan, korom Ioane, lena in wan a bapitaiso nana. 14Ma Ioane i ligna petbat i; ma i piri lena, I ka akit korom iau ba u bapitaisota iau, ma ui bakai u wan korom iau? 15Ma Iesu i piri tana, Un peti ku: kuma i ka ba dat a pet a wewaotpai lenkumi a petoduru rap. Ma i madekpa i. 16Ma Iesu ba di bapitaisota i mun, i wan toto ma ut tak u ra danim: ma boboi, a lagit i tararā korom i, ma i bobo a Nion Nara le ra in a tabun i wan pari ma i ki tau un i; 17ma boboi, a win igana i uga pari tak u ra lagit, ma i piri lenkumi, Ia bi na Tuglik iau mari akit i, ma iau kaia liklik un i.
اکنون انتخاب شده:
Mataio 3: RAI
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Published by the British and Foreign Bible Society in 1896.
