Luka 10

Yesu hakutemesha makumi atanu nayedi

(Mat 11:21-23, 25-27; 13:16-17)

1Kulondela hayumiyi, hakutonda #9:1-2, 51-52amakwawu makumi atanu nayedi (70), hakuyitemeshaŋahu dehi kumbidi, #Mak 6:7ayedi ayedi, kwahita nyikala yamaneni yejima, nimwituŋa dejima mwakukeŋa kuyayi yomweni.

2Hakuyila nindi, Mbutu yinahi yayivulu, ilaŋa akwakukalakala anakehi. Dichi lombelenu kudi Mwanta diyi mukwakwaŋula, atemeshi akwakukalakala kumudimu #Mat 9:37-38; Yow 4:35wakwaŋula mbutu yindi.

3Yenuŋa kwenu; tiyenu, chidi neyi nidi nakutemesha anyana kanyikoku mukachi #Mat 10:16; Yil 20:29kawatuŋwidi.

4Bayi musenda hela #22:35; Mat 10:7-15; Mak 6:8-11chikwama, hela ipakumuna, hela nkwabiluku; bayi mwimusha muntu munjilaku.

5Itala dimwakeŋila, mwakasambila kwilamu nenu, Mwitalidi mwikali kuwunda.

6Neyi mudi muntu wawunda, kuwunda kwenu kwakekala hadi yena; neyi nehi, kuwunda kwenu kwakafunta cheŋi kudenu aweni.

7Itala dimwakashakama, kadyenu nikunwa yuma yakayinkawu yejima, muloŋa mukwakukalakala nateli #1 Kor 9:14; 1 Tim 5:18wulooku windi. Bayi mwakatuntujoka mufuma italidi muya itala dacheŋuku.

8Nyikala yejima yimwakeŋila yakayitambulawu, kadyenu yuma yejima yakayinkawu;

9kayuukenu akata adumu; kayilenu nenu, Wanta waNzambi wunenzi dehi kwakwihi nanenu.

10Hakwila nyikala yejima yimwakeŋila yakabula kuyitambulawu, mwakayi munyikwakwa yayu,

11mwakayili nenu, Tunayidikumwini #9:5; Mat 10:14nilunkuŋu lwakumukala wenu lunalamati kunyendu yetu. Hela chochu, ilukenu nenu wanta waNzambi wunenzi dehi kwakwihi.

12Tiyenu niyileji, hefuku dakusompesha, yihuŋu yakamona mukalowu yakabadika yihuŋu yakamonawu #Mat 11:24; Kutach 19:24-25; Yuda 7akwaSodoma.

13Oyi #6:24-26yihuŋu yiwakamoneyi Korazini! Oyi yihuŋu yiwakamoneyi Beteseda! Nyidimu yaŋovu yaneliluwu mudenu, neyi ayililili muTira naSidoni, mutenowu abalumukili dehi munyichima yawu, ashakama dehi nimumawuti avwala dehi #Chim 11:3niyikeleyi.

14Hakusompesha, ihuŋu daTira naSidoni dakakuminamu, denwenu dakabadika.

15Eyi Kaperinamu, nineyi nawa akakutúmbakesha chashika nikwiwulu, tahindi? Akakukunkumwisha mukaluŋa.

16Muntu wukutiyenu nantiyami; #Yow 12:48; 1 Tes 4:8wúkulekenu nanlekami; wúkunlekami naleki yena #9:48; Mat 10:40; 18:5; Mak 9:37; Yow 5:23; 13:20wantemesheli.

17Owu makumi atanu nayedi (70) hiyakufunta namuzaŋalu nawu, Mwanta, hela andemoni aweni, kuyitenena ijina deyi anatwovwahili.

18Hakuyila nindi, Namweni #Mat 4:10; Yow 12:31Satana #Isa 14:12; Chim 9:1; 12:8-9kuholoka kwiwulu neyi chikwanzaji.

19Tiyenu, nayinki wanta wakudata #Mak 16:18; Yil 28:3nihatupela nihatunjimbu, nayinki wanta wakufwomona ŋovu yachilumbu yejima; hikudi chuma chakayikatisha hela hantuku.

20Hela chochu, bayi muzaŋalala nanochu chanayovwahiluwu kudi andemonuku; ilaŋa zaŋalalenu nanochu chanasonekuwu #Kwi 32:32; Mas 69:28; Isa 4:3; Dan 12:1; Fwi 4:3; Heb 12:23; Chim 3:5; 13:8; 21:27majinenu mwiwulu.

21Hampinji oyu, Yesu nenzali namuzaŋalu wakufuma kudi Spiritu Wajila nindi, Eyi #Mat 11:25-27Tata, Mwanta wewulu niiseki, nakusakilili #1 Kor 1:26-29chiwayijindili akwamaana niakwakashinshi yumiyi, hiwukuyimwekesha kudi anyikeki; mwamweni Tata, dichi chiwamweni kuwaha.

22Tata yami #Mat 28:18; Yow 3:35; 13:3nankunjiki yuma yejima; hikwekala #Yow 1:18; 10:15; 17:25wamwiluka Mwanaku, chiŋa Tata hohu; hikwekala nawa wamwiluka Tataku, chiŋa Mwana hohu, nimuntu anetejiyi Mwana kumumwekeshelayi.

23Hakushetumuka kudi atumbanji twindi kumbadi kwakankawawu, hakuyila nindi, #Mat 13:16-17Mesu amonaŋa yuma yimwamonaŋenu anakooleki.

24Nukuyileja nami, #Yow 8:56; Heb 11:13; 1 Pet 1:10-12atuprofwetu amavulu nawanyanta ankanu akeŋelaŋa nawu amoni yuma yimwamonaŋenu, hiyayimwenuku; akeŋelaŋa nawu atiyi yuma yimwatiyaŋenu, hiyayitiyiluku.

Chishimu chakaSamariya muwahi

(Mat 22:34-40; Mak 12:28-31)

25Kutala kunemani dehi mukwanshimbi wumu, hakumweseka nindi, Eyi #18:18; Mat 19:16; Mak 10:17Nkuluŋaŋa, nukwila ŋahi kulonda niswani wumi wahayanyaka?

26Yesu hakumwila nindi, Munshimbi anasoneki nawudi? Wataŋaŋamu ŋahi?

27Hakwakula nindi, #Kuhit 6:5Nawu,

Keŋaku MWANTA Nzambi yeyi namuchima weyi wejima, nawumi weyi wejima, naŋovu yeyi yejima, namaaneyi ejima;

# Lev 19:18; Rom 13:8-9; Ŋal 5:14; Yak 2:8; 1 Yow 4:20 Keŋaku nawa mukwenu neyi chiwadikeŋa eyi aweni.

28Yesu hakumwila nindi, Wunaakuli chachiwahi, ilaŋa kweyi mwomwenomu, #Lev 18:5; Mat 19:17; Rom 10:5wukuhanda.

29Yena hakukeŋa kumwekesha kuloŋa kwindi, hakumwila Yesu nindi, Mukwetu yowinyi?

30Yesu hakwila nindi, Muntu wumu wadiŋi nakufuma kuYerusalema nindi akunkumuki kuYeriku. Kukasumuka anamukwati dehi kudi atupondu; hiyakumuvuula, hiyakumweta, hiyakuya kwawu, kumushiya wudi kwakwihi nakufwa.

31Kapristu wumu hakukunkumuka njiloyu, chanamumoniyi #Yak 2:13; 1 Yow 3:17hakumutondolwela.

32Kushika nawa nikaLevi, niyena nawa chanamumoniyi hakumutondolwela.

33Ilaŋa #9:51-56; 17:11-19; Yow 4:9kaSamariya wumu wadiŋi nakuya munjila yindi, hakushika kwadiŋiyi; chanamumoniyi, hakumutiyila wushona,

34hakuya kudi yena, hakuhuŋunwina hayitu yindi manji nivinyu; hakukasakasahu. Amusha nihakanyama kindi yomweni hakumuleta kwitala dakamaŋa enyi, hakumuhemba.

35Chikunachi, hakunona mali ayedi, hakumwinka mwiniitala nindi, Muhembi; neyi yiwakamwinka yakabadikahu, chinakafunta nakakuhiŋishilamu yacheŋi.

36Awa asatu nanowu aholokeleluwu kudi atupondu, eyi wunatoŋojoki neyi wamukwashili yowu wumwodihi?

37Yena nindi, Owu wamutiyilili #Ŋal 6:10; 1 Yow 4:11luwi. Yesu hakumwila nindi, Nineyi nawa yaŋa wakelaŋa mwomumu.

Kwitala daMata niMariya

38Hadiŋi nakuyawu munjila yawu, hakushika hamukala wumu; mumbanda wumu, ijina dindi #Yow 11:1; 12:2Mata, hakumutambula mwitala dindi.

39Yenowu nawa wadiŋi namwanyikindi wamumbanda, ijina dindi Mariya; yena Mariya hakwinza nakushakama kunyendu yaMwanta nakutiyilila mazu adiŋi nakuhoshayi.

40Ilaŋa Mata wadiŋi nakubimba nanyidimu yayivulu; hakwinza kudi yena nindi, Mwanta, chananlekeliyi mwanyikami nyidimu kankawami, hiwunashuku muchima weyuku? Mwili enzi ankwashuku.

41Mwanta hakumwakula nindi, Mata, Mata, yuma yayivulu wudi nakwakama, wudi #Mat 6:25-34; Yow 6:27; Fwi 4:6nakudikabisha tuhu kweyi;

42ilaŋa kudi chuma chimu hohu chikukeŋeka. #18:22; Mas 27:4; Fwi 3:13Chuma chanatondiyi Mariya, dichi chuma chasweja kuwaha, hiyakamutambulachuku.

اکنون انتخاب شده:

Luka 10: MWW04

های‌لایت

به اشتراک گذاشتن

کپی