Matthew 28:12-15

And whan they had forgatherʼt wiʼ the Elders, and coonsellʼt thegither, they gied a routh oʼ siller till the sodgers; And quoʼ they, “Say ye, ‘His disciples cam in the nicht, and slippit awa wiʼ him whan we war sleepin.’ “And aiblins gin this come afore the Governor, we wull cajole him, and mak it siccar for you!” Sae they liftit the siller, and did as they war tellʼt; and this tale was spread abreid amang the Jews — aye, eʼen to this day.