Genesa 7
7
O Noe šolpe ando bero.
1O Dell phendea le Noiahkă: „Šutu ando bero, tu thai sa teo khăr; kă dikhlem tu bibezexalo angla Mande ande viça kadale manušendi.#Vers. 7, 13. Ps. 33.18, 19. Pilde 10.9. Mat. 24.38. Luka 17.26. Evr. 11.7. 1Pet. 3.20. 2Pet. 2.5, 9.
2Le tusa po efta rîndurea anda le juvindimata uje, po khă rig muršani thai po khă rig juwlikani; po khă rîndo anda le juvindimata kai nai uje, po khă rig muršani thai po khă rig juwlikani;#Vers. 8.Lev. 11. Lev. 10.10. Ezec. 44.23.
3thai po efta jute sakadea, anda le čiriklea le čerehkă, po khă rig muršani thai iekh rig juwlikani, kaste nikrăs lendi sămînça juvindi pe sa o mui la phuweako.
4Kă pala efta des, sî te kărau te del brîšind pe phuw štarvardeši des thai štarvardeši reatea; thai khosava poa mui la phuweako sa le făpturi kai kărdem le.”#Vers. 12, 17.
5O Noe kărdea sa so mothodeasas lehkă O Dell.#Cap. 6.22.
6O Noe sas les šov šella bărši, kana avilo o barobrîšind pe phuw.
7Thai o Noe šutea pe ando bero pehkă šavença, pehka romneasa thai le romneança lehkă šavengă, anda le paia le barăbrîšindehko.#Vers. 1.
8Anda le juvindimata le uje thai le juvindimata le biuje, anda le čiriklea, thai anda sa so çirdel pe pai phuw,
9šutepe ando bero koa Noe, dui po dui, iekh rig muršani thai po khă rig juwlikani, kadea sar phendeasas o Dell le Noiahkă.
O Barobrîšind.
10Pala kola le efta des, avile le paia le barăbrîšindehkă pai phuw.
11Ando bărši le šove šellengo bărši andoa traio le Noiahko, ando duito šon, ando des le dešuieftango le šonehko, ande kodoa des, šindi le sa le xainga le Andraimahko kolehko le barăhko thai pîtărdile ăl stăvilarea le čerurengo.#Cap. 1.7; 8.2, 3. Ps. 78.23. Pilde 8.28. Ezec. 26.19.
12O brîšind dea pe phuw štarvardeši des thai štarvardeši reatea.#Vers. 4, 17.
13Ande kodoa des šutepe ando bero: o Noe, o Sem, o Xam, thai o Iafet, le šave le Noiahkă, e romni le Noiasti, thai le trin romnea lehkă šavengă lehkă lença:#Vers. 1, 7. Cap. 6.18. Evr. 11.7. 1Pet. 3.20. 2Pet. 2.5.
14on, thai sa le jivine le kîmpohkă, pala lengo soio, sa le gurumnea pala lengo soio, sa le çîrditoare kai çîrînpe pa e phuw pala lengo soio, sa le čiriklea pala lengo soio, sa le čirikleora, sa so sî le phaka.#Vers. 2, 3, 8, 9.
15Šute pe ando bero koa Noe, dui po dui, anda orsavi făptura kai sî la phurdimos čivavako.
16Kola kai šute pe, sas po khă rig muršai thai po khă rig juwlikani, anda or sogodi, kadea sar phendesas o Dell le Noiahkă. Pala kodea o Dell phandadea o udar pala leste.#Vers. 2, 3.
17O barobrîšind nikărdea štarvardeši des pe phuw.Le paia barile thai vazdine o bero opră, thai o vazdinisa'lo opral e phuw.#Vers. 4, 12.
18Le paia arsle bară thai barile but pe phuw thai o bero vazdinisai'lo opral le paia.#Ps. 104.26.
19Le paia arăsle dinče mai dînče mai bară, thai sea le maibarăbaŕ mai uče, kai sî tala o čeri sa, sas garadine.#Ps. 104.6. Ier. 3.23.
20Dešupangença koçea, barile opral le baŕăbară, kai sas garadine.
21Thai nakhadili orsavo juvindimos kai mištilaspe pai phuw, sode i anda le čiriklea, sode i anda le gurumneathai anda le jivine kai çîrdenaspe pai phuw, thai sa le manuši.#Vers. 4. Cap.6.
22Sa so phurdelas, sa so sas les phurdimos thai duho čivavako ando nakh, sea so sas pe phuw e šuti, mullo.#Cap. 2.7.
23Sa le făpturi kai sas po mui la phuweako sas mudarde, katoa manuši ji kal gurumnea, ji ka le çîrditoare thai ji kal čiriklea le čerehkă: sas mudarde pai phuw. Či mai ašilo, dăsar o Noe thai so sas lesa ando bero.#1Pet. 3.20. 2Pet. 1.5; 3.6.
24Le paia sas bară pe puw ăkh šell thai panvardeši des.#Vers. 11. Cap. 8.3, 4.
اکنون انتخاب شده:
Genesa 7: KALD2020
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.