Kărdimata Le Apostolengă 1
1
O vazdimos le Isusohko.
1Teofile, ando anglal lill muŕo, dem duma pa so lea pe o Isus te kărăl thai te sîkavel le manušen,#Luka 1.3.
2dă anglal ji ando des ande sao vazdinisai'lo koa čerii, pala so, andoa Sfînto Duxo, deasas le mothodimata Pehkă le apostolengă, kai alosardeasas le.#Marko 16.19. Luka 9.51; 24.51. Vers. 9. Cap. 10.41, 42. Mat. 28.19. Marko 16.15. Ioan 20.21. 1Tim. 3.16.
3Palai kazna Lesti, sîkadi'lo lengă juvindo, ande but sîkadimata, sîkadindoi pe lengă butivar čiro dă štarvardeši des, dindoi duma lença pa le butea dičimasa koa Thagarimos le Devllehko.#Marko 16.14. Luka 24.36. Ioan 20.19, 26; 21.1, 14. 1Kor. 15.5.
4Ta kana sas lença, mothodea lengă te na dureon le Ierusalimostar, thai te ajukărăn oče o šinaimos le Daddehko, „savo”, phendea lengă O, „ašundean les Mandar.#Cap. 2.33. Luka 24.43, 49. Ioan 14.16, 26, 27; 15.26; 16.7.
5Kă o Ioano boldea paiesa, ta tume, na pala but des, avena bolde le Sfîntone Duxosa.”#Cap. 2.4; 11.15, 16; 19.4. Mat. 3.11. Ioel 3.18.
6Kadeadar le apostolea, kana sas tidine andekh than, pušle Les: „Raia, ando čiro kadoa sî tu ande godi te lašarăs pale o Thagarimos le Israelohko?”#Is. 1.26. Dan. 7.27. Amos 9.11. Mat. 24.3.
7O dea le anglal: „Nai e buti tumari kaste jeanen le čiruri or le sorokuri; kadalen o Dadd garadeale tala Pehko stăpînimos.#Mat. 24.36. Marko 13.32. 1Tes. 5.1.
8Ta tume lena khă zor, kana o Sfînto Duxo ulela pa tumende, thai avena Mangă thai avena Mîŕă martorea ando Ierusalimo, ande sai Iudea, ande Samaria, thai ji kal gora la phuweakă.”#Vers. 22. Cap. 2.1, 4, 32. Luka 24.48, 49. Ioan 15.27.
9Pala so phendea kadala butea, ta kana on dikhănas pe Leste, vazdinisai'lo ando čerii, thai khă noro garadea Les anda lengă iakha.#Vers. 2. Luka 24.51. Ioan 6.62.
10Thai sar bešenas on le iakhănça pîtărde po čerii, ta kana O anklelas, dikta kă sîkadile lengă dui manuši xureade ando parno,#Cap. 10.3, 30. Mat. 28.3. Marko 16.5. Luka 24.4. Ioan 20.12.
11thai phendine: „Manuši Galalienea, sostar bešen thai dikhăn karing o čerii? Kadoa Isuso, kai vazdinisai'lo ando čerii anda tumaro maškar, avela sa kadea sar dikhlean Les gălindoi koa čerii.”#Cap. 2.7; 13.31. Dan. 7.13. Mat. 24.30. Marko 13.26. Luka 21.27. Ioan 14.3. 1Tes. 1.10; 4.16. 2Tes. 1.10. Sîk. 1.7.
O amboldimos le apostolengo.
12Kadeadar on amboldile ando Ierusalimo anda o barobaro le Zetinurengo, kai sî paša o Ierusalimo, dur sode sî khă drom ando des le Savatohko.#Luka 24.52.
13Kana arăsline khără, ankăstine ande odaia opral, kai on sas sîkade te bešen. Sas: o Petro, o Iakovo, o Ioan, o Andrei, o Filip, o Toma, o Bartolomeo, o Matei, o Iakovo, o šeau le Alfeohko, o Simono o Ziloto, thai o Iuda, o šeau le Iakovohko.#Cap. 9.37, 39; 20.8. Mat. 10.2-4. Luka 6.15. Iuda 1.
14Sa kadala mangănas zorasa ando rudimos thai manglimata, andekhthan le juvleança, thai la Mariasa, e dei le Isusosti, thai Lehkă phralença.#Cap. 2.1, 46. Luka 23.49, 55; 24.10. Mat. 13.55.
O alosardimos le Matiahko.
15Andel des kodola, o Petro ušti'lo ando maškar pehkă phralengo, – o dindimos kolengo tidine sas paše ăkh šell thai biši, – thai phendea:#Sîk. 3.4.
16„Phralale, trăbulas te pherdeol o Lill le Devllehko phendino le Sfîntone Duxostar mai anglal, andoa mui le Davidohko, poa Iuda, kai sas o phiraitorii kolengo kai astarde le Isusos.#Ps. 41.9. Luka 22.47. Ioan 13.18; 18.3.
17O sas ando dindimos amaro, thai sas amença sa ando kodoa kandimos.#Vers. 25. Cap. 12.25; 20.24; 21.19. Mat. 10.4. Luka 6.16.
18O manuši kadoa dobîndisardea khă phuw le potindimasa lehkă bezexalimasti, pelo le šerăsa tele, thai phaŕî'lo ande donde andoa maškar, thai šordile sa lehkă poŕa.#Mat. 26.15; 27.5, 7, 8. 2Pet. 2.15.
19E buti kadea arăsli kadea dă prinjeandi sa le manušendar andoa Ierusalimo, ta e phuw kodea sas dini anau ande lendi šib: „Ašeldama”, kai sî: „E phuw le ratesti.”
20Ando čeačimos, ando lill le Psalmengo sî ramome: „O than lehko ašel pusto, thai khonikh te na bešel ande leste!” Thai: „O kandimos lehko te lel les aver!”#Ps. 69.25; 109.8.
21Sî musai kă, anda kukola kai phirdine amença soa čiro kai traisardea o Rai o Isus maškar amende,
22dă kata o boldimos le Ioanohko ji ando des kana vazdinisai'lo O amendar, te avel alosardo, iekh kai te avel amença čečio martorii ando juvindimos Lehko.#Vers. 8, 9. Cap. 4.33. Marko 1.1. Ioan 15.27.
23On thodine anglal don: le Iosifos, dinoanau Barsaba, phendino i Iust, thai le Matias.#Cap. 15.22.
24Kărdine kadoa rudimos: „Raia, Tu, kai prinjeanes le ille sa le manušengă, sîkav amengă saves anda kadala dui alosardean les,#Cap. 15.8. 1Sam. 16.7. 1Kron. 28.9; 29.17. Ier. 11.20; 17.10. Sîk. 2.23.
25kaste lel o than ando kandimos thai e apostolia kadea, anda savi pelo o Iuda, kaste jeal ande lehko than.”#Vers. 17.
26Çîrdine kai bax, thai bax peli po Matia, kai sas dindo andekhthan kukolença le dešuiekh apostolença.
اکنون انتخاب شده:
Kărdimata Le Apostolengă 1: KALD2020
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
